काठमाडौं- नेपाल स्वास्थ्य अनुसन्धान परिषद्का एक कर्मचारीले इन्टर्नसिपमा आएकी युवतीलाई यौन दुर्व्यवहार गरेको खुलेको छ । परिषद्का तालिम अधिकृत विजयकुमार झाले शनिबार आफ्नै कार्यकक्षमा बोलाएर आफूलाई दुर्व्यवहार गरेको ती युवतीको आरोप छ । युवतीमाथि यौन दुव्र्यवहार गरेको पाइएपछि उनलाई निलम्बन गरिएको छ । आफूमाथि दुर्व्यवहार भएको भन्दै युवतीले दिएको निवेदनका आधारमा सोधपुछ गर्दा घटना भएको पाइएपछि उनलाई निलम्बन गरिएको परिषद्का एक अधिकारीले बताए । उनका अनुसार घटनाबारे अनुसन्धान भइरहेको र झामाथि थप कारबाही प्रक्रियासमेत अघि बढाइनेछ । झाले यसअघि २०७६ सालमा पनि महिला सहकर्मीमाथि दुर्व्यवहार गरेको फेला परेपछि उनलाई दुई महिना निलम्बन गरिएको थियो ।
Author: महेन्द्रनगर पोष्ट
बैतडी- बैतडीको पुर्चोडी नगरपालिकाले सहिद परिवारहरुलाई सम्मान स्वरुप प्रतिपरिवारलाई वार्षिक २५ हजारका दरले निर्वाह खर्च उपलब्ध गराउने निर्णय गरेको छ । नवनिर्वाचित नगरप्रमुख दीपकबहादुर बम र उपप्रमुख मीना धानुकले पदभार ग्रहण गर्दै सहिद परिवारका लागि यस्तो निर्णय गरेका हुन् । साथै जनयुद्धका घाइतेहरूका लागि निःशुल्क उपचार हुनेगरी स्वास्थ्य बिमा गर्ने निर्णय समेत गरिएको छ । यसैगरी नगरपालिकाले पालिकाको केन्द्रमा रहेको पुर्चोडी हाट स्वास्थ्यचौकीबाट आर्थिक वर्ष २०७९÷८० को पहिलो महिना १ साउनदेखि नै एक्सरे तथा भिडियो एक्सरेसहितको चिकित्सकीय सेवा सुचारु गर्ने निर्णय पनि गरिएको छ । यसैगरी ज्येष्ठ नागरीक तथा दिर्घ रोगीहरुको निशुल्क स्वास्थ्य परीक्षण र उपचारका लागि गाउँघरमै चिकित्सक कार्यक्रम…
कैलाली- कैलालीको धनगढी उपमहानगरपालिका वडा नम्बर ५ को वडा कार्यालयले बालबालिकालाई मदिराजन्य तथा सुर्तीजन्य पदार्थ सेवन तथा विक्री वितरण नगर्न नगराउन आग्रह गरेको छ । बुधबार वडा कार्यालयले सूचना जारी गर्दै आफनो क्षेत्रभित्र सञ्चालनमा रहेका व्यवसायी तथा अभिभावकहरूले मदिराजन्य तथा सुर्तीजन्य पदार्थ सेवन तथा विक्री वितरणमा १८ वर्ष मुनिका बालबालिकालाई प्रयोग नगर्न आग्रह गरेको हो । वडाध्यक्ष गजेन्द्र शाहीले बालबालिकाहरूले धुम्रपान र मद्यपान विक्री वितरण तथा सेवन गरिरहेको गुनासो बढेपछि सो सूचना जारी गरिएको बताए । उनले लागुपदार्थ दुर्व्यसनीले देशमै प्रसय पाएको हुँदा नियन्त्रण गर्न पनि वडा कार्यालयले ऐन बमोजिम वडामा सो नियमलाई कडाईका साथ अघि बढाएको बताए । उनले…
काठमाडौं- हाल नेपालमा स्थानीय वायु तथा पश्चिमी वायुको प्रभाव रहेको छ । मौसम पूर्वानुमान महाशाखाका अनुसार आज बिहान प्रदेश १ र मधेस प्रदेशका एक–दुई स्थानमा वर्षा भएको छ । दिउँसो प्रदेश १ र बागमतीका केही र अन्य प्रदेशका पहाडी भूभागका एक–दुई स्थानमा मेघ गर्जन चट्याङ र हावाहुरीसहित हल्कादेखि मध्यम वर्षाको सम्भावना रहेको मौसम पूर्वानुमान महाशाखाले जनाएको छ । राति पहाडी भूभागका थोरै स्थानमा मेघ गर्जन र चट्याङसहित हल्का वर्षाको सम्भावना छ ।
काठमाडौं- स्थानीय तहको निर्वाचन अन्तर्गत हालसम्म ७ सय ४५ पालिकाको नतिजा आइसकेको छ । देशका ७ सय ५३ पालिका मध्ये बाँकी ८ पालिकाको नजिता आउने क्रममा छ । यो समाचार तयार पर्दासम्म काँग्रेस ३२५, एमाले २०२, माओवादी केन्द्र १२१, जसपा ३०, एकीकृत समाजवादी २० र लोसपा १६ पालिकाको नेतृत्व हात पारेको छ । राप्रपा ४, नागरिक उन्मुक्ति पार्टी ४, राष्ट्रिय जनमोर्चा २, नेमकिपा १, विवेकशील साझा १, जनता प्रगतिशील पार्टी १, तमलोपा १ र जनमत पार्टी १ गरी साना दलले १४ पालिकाको नेतृत्व हात पारेका छन् । १६ ठाउँमा स्वतन्त्र उम्मेदवारले पालिका प्रमुख–अध्यक्ष हात परेको अवस्था छ । यस्तै काँग्रेस…
कैलाली- कैलालीस्थित गेटा मेडिकल कलेज सञ्चालनका लागि संयुक्त नागरिक आन्दोलन गरिने भएको छ । सरकारले मंलबार प्रस्तुत गरेको नीति तथा कार्यक्रममा गेटा मेडिकल सञ्चालनको विषय नसमेटिएपछि यहाँका संयुक्त नागरिक आन्दोलित बनेका हुन् । मेडिकलन सञ्चालन गर्नुपर्ने माग गर्दै स्वस्फुर्त रुपमा नागरिक आन्दोलनमा जुटिरहेका बेला बुधबार धनगढीमा आन्दोलन अगाडि बढाउन नागरिक समूहले छलफल गरेका छन् । एक मात्र साझा एजेन्डा ‘गेटा मेडिकल कलेज तत्काल संचालन गर्न’ सयुक्त नागरिक आन्दोलन गर्ने निर्णय गरिएको रबिन पन्तले बताए । उनल अन्य नागरिक समाज, पेशागत संघ सङ्ग्ठन सङ्ग समन्वय गरेर संयुक्त नागरिक अन्दोलन गर्ने निर्णय गरिएको बताए । अर्बौको लगानीमा गेटामा पूर्वाधार निर्माणको ९० प्रतिशत…
कैलाली- कैलालीको धनगढीबाट लागूऔषधसहित तीन जना पक्राउ परेका छन् । प्रहरीले मंगबार राति धनगढी–२ ट्राफिक चोकबाट करिब ४ सय मिलीग्राम ब्राउनसुगरसहित उनीहरुलाई पक्राउ गरिएको जिल्ला प्रहरी कार्यालय कैलालीले जनाएको छ । पक्राउ पर्नेहरूमा डडेल्धुरा आलिताल गाउँपालिका–३ बस्ने २७ वर्षीय भरत महरा, धनगढी उपमहानगरपालिका–१२ बस्ने २३ वर्षीय पुरन विक र डोटी गैरा घर बताउने २३ वर्षीय मोहन ओली रहेका छन् । उनीहरुमाथि थप अनुसन्धान भइरहेको प्रहरीले जनाएको छ ।
कैलाली- कैलालीको धनगढीमा वृद्ध भत्ता बुझ्न लाइनमा बसेका एक जनाको मृत्यु भएको छ । सामाजिक सुरक्षा भत्ता बुझ्न धनगढी–१८ को वडा कार्यालयमा लाइन बसेका ७४ वर्षीय गुलिराम चौधरीको मृत्यु भएको हो । वडा कार्यालयमा पालो कुरिरहेका चौधरी एकाएक ढलेर बेहोस भएका थिए । उनी ढलेपछि उपचारका लागि धनगढीतर्फ लैजाने क्रममा बाटोमै मृत्यु भएको हो । परिवारका अनुसार उनी दम र सुगर रोगबाट पीडित थिए ।
काठमाडौं- स्थानीय तह निर्वाचन अन्तर्गत अझै देशभरका पाँच पालिकाको नतिजा आउन बाँकी रहेको छ । निर्वाचन आयोगका अनुसार काठमाडौँ महानगरपालिका, रौतहटको गरुडा र फतुवा विजयपुर नगरपालिका र उदयपुरको त्रियुगा नगरपालिकाको मतगणना भइरहेको छ । बाजुराको बूढीगङ्गा नगरपालिकामा अझै मतगणना सुरु हुन सकेको छैन । निर्वाचन आयोगका अनुसार काठमाडौँ महानगरपालिकाको प्रमुखमा स्वतन्त्र उम्मेदवार बालेन्द्र साह (बालेन) अगाडि छन् । उनलाई नेपाली कांग्रेसकी सिर्जना श्रेष्ठले पछ्याइरहेकी छन् । उदयपुरको त्रियुगा नगरपालिका प्रमुखमा एकीकृत समाजवादीका बलदेव चौधरी अग्रस्थानमा छन् । उनलाई प्रतिद्वन्द्वी कांग्रेसका वसन्तकुमार बस्नेतले पछ्याइरहेका छन् । रौतहटको गरुडा नगरपालिकको प्रमुखमा एमालेका कन्थमनी प्रसाद कलवार अगाडि छन् । उनलाई एकीकृत समाजवादीका वृजकिशोर…
काठमाडौं- ललितपुर महानगरपालिकाका नवनिर्वाचित प्रमुख चिरिबाबु महर्जनले पदभार ग्रहण गरेका छन् । बुधबार पद तथा गोपनियताको सपथ गरेपछि महर्जनले पदभार ग्रहण गरेसंगै विकेन्द्रीकरण कार्यान्वयन गर्ने एक महत्वपूर्ण निर्णय गरेका छन् । उनले वडाबाट गर्ने कुनै पनि निर्णयका लागि महानगरपालिकाको केन्द्रमा आउन नपर्ने निर्णय गरेका हुन् । विकेन्द्रीकरण कार्यान्वयनका लागि यो पहल गरिएको उनले बताएका छन् । यस्तै चक्रपथबाहिर फोहर सङ्कलन गर्न नसकेकाले अहिले महानगरले ट्रक किनेर सङ्कलन सुरु गरिने निर्णय पनि गरे । तीन सातापछि चक्रपथ बाहिर तालिका बनाएर नियमित फोहर सङ्कलन गरिने उनले बताए । उनले तेस्रो निर्णय राजस्व संकलन अनलाइनबाट गर्न प्रक्रिया बढाइने पनि निर्णय गरे ।