धनगढीः कैलालीस्थित धनगढीको एसपीए कलेजका शिक्षक चेतराज भट्टविरुद्ध बाल यौन दुर्व्यवहार अन्तर्गत मुद्दा दर्ता गरिएको छ। प्रहरीले म्याद थप गरेर अनुसन्धान अगाडि बढाएको जिल्ला प्रहरी कार्यालय कैलालीका डिएसपी कुलदिप चन्दले बताए। सोमबार एसपीमा प्ल्सटु अन्तरगत कार्यविधि कानुन पढाउने शिक्षक भट्टको अनलाइनमार्फत यौन दुर्व्यवहार गर्ने गरेको घटना सार्वजनिक भएपछि जागिर खोसिएको थियो। आरोपित भट्ट सोही दिन पक्राउ परेका थिए। भट्टले क्याम्पसमा अध्ययनरत आधा दर्जन छात्रालाई रातदिन टर्चर दिने गरेको र अनालाइनमार्फत यौन दुर्व्यवहार गर्ने गरेको आरोप लागेको छ। छात्राहरुलाई भिडिओ र म्यासेजमार्फत अश्लिल कुराहरु पठाउने गरेको भट्टमाथि आरोप छ। सोही विषयलाई लिएर पीडित छात्राहरुका आफन्त, साथी र विद्यार्थीहरुले विरोध जनाएपछि भट्ट…
Author: महेन्द्रनगर पोष्ट
मोरङ: मोरङको मिक्लाजुङ गाउँपालिकाबाट ज्यान मार्ने उद्योग कसुरमा संलग्न १३ जना बालिकाहरूलाई प्रहरीले पक्राउ गरेको छ। बैशाख ६ गते मिक्लाजुङ गाउँपालिका-३ स्थित रहेको कालिका माध्यमिक विद्यालयमा अध्ययन गर्ने १४ बर्षकी बालिकालाई स्कुलमा भएकै समयमा सोही विद्यालयमा अध्ययन गर्ने १३ जना बालिकाहरुले संगठित रूपमा कुटपिट गरी भिडियो समेत बनाएका थिए। उनीमध्ये एक बालिकाले आफ्नो प्रेमीसँग बोलेको भन्दै गालीगलौच समेत गरेकी थिइन्। प्रहरीले उक्त कुटपिटको भिडिओ समाजिक संजालमा सम्प्रेषण गरेपछि उनीहरुलाई पक्राउ गरेको हो।ईलाका प्रहरी कार्यालय उर्लाबारीबाट खटिएको टोलीले घटनामा संलग्न १३ जना बालिकाहरुलाई नियन्त्रणमा लिएको हो। मंगलबार जिल्ला अदालत मोरङबाट ज्यान मार्ने उद्योग सम्बन्धी कसूरमा ५ दिन म्याद थप गरी अनुसन्धान…
काठमाडौँ: प्रतिनिधि सभाको मङ्गलबारको आकस्मिक समयमा सभामुख देवराज घिमिरेले नेकपा (एमाले)का ईश्वरबहादुर रिजाललाई बोल्ने अनुमति दिएका थिए। सांसद रिजालले निर्वाचन क्षेत्र केन्द्रित भएर धारणा राख्नेक्रम सुरु गरे। रिजाल बोल्न सुरु गरेलत्तगै नेपाली कांग्रेसका सभापति तथा संसदीय दलका नेता शेरबहादुर देउवा आसन स्थानबाट उठेर बाहिर निस्कन लागे। सत्ता पक्षको आसनको पहिलो पङ्क्तिमै बस्नुभएका देउवा उठेर बाहिर निस्कन लागेपछि संसदीय दलका प्रमुख सचेतक रमेश लेखकले रोक्नुभयो अनि सभापति देउवा फर्केर आएर पुनः आसनमा बसे। प्रमुख सचेतक लेखकले सभापतिलाई बीचमै किन फर्काए ? धेरै जानकारी नहुन सक्छ तर संसदीय अभ्यास र मान्यतामा भने यसको आफ्नो महत्व छ। सभाको नियमनसम्बन्धी कानुनको पालना थियो त्यो। देउवाको…
डोटी: डोटीमा एक महिला मृत फेला परेकी छिन्। मंगलबार जिल्लाको जोरायल गाउँपालिका-१ तुसे बस्ने २१ वर्षकि अनिता मल्ल मृत फेला परेकी हुन्। बिहान नजिकैको जंगलमा स्याउला ल्याउन गएकी उनी घर नफर्कीएपछि परिवारले खोजी कार्य गरेको थियो। खोज्ने क्रममा उनी घरदेखि करिब २ किलोमीटर टाढा भिरबाट लडेको अवस्थामा फेला परेको प्रहरीले बताएको छ। उनको शव परिक्षणका लागि डडेल्धुरा अस्पताल पठाइएको इलाका प्रहरी कार्यलय बिपीनगरका प्रहरी निरीक्षक लोकेन्द्र गुरुले जानकारी दिएका छन्। महिला गर्भवती रहेको खुलेको छ।
काठमाडौँ: हाल देशमा पश्चिमी वायुको साथै स्थानीय वायुको प्रभाव रहेको छ। मौसम पूर्वानुमान महाशाखाका अनुसार बुधवार लुम्बिनी, गण्डकी, कर्णाली र सुदूरपश्चिम प्रदेश लगायत देशका पहाडी भू-भागमा आंशिकदेखि सामान्यतया बदली रही बाँकी भू-भागमा आंशिक बदली देखि मौसम सामान्यतया सफा रहने छ। पहाडी भू-भागका थोरै स्थानहरूमा मेघ गर्जन र चट्याङसहित हल्का/क्षणिक वर्षाको सम्भावना रहेको छ। बिहिवार सुदूरपश्चिम प्रदेश लगायत देशका पहाडी भू-भागमा आंशिक देखि सामान्यतया बदली रही बाँकी भू-भागमा आंशिक बदलीदेखि मौसम सामान्यतया सफा रहने छ।
बारा: बारा निर्वाचन क्षेत्र नं. २ मा जनता समाजवादी पार्टीका अध्यक्ष उपेन्द्र यादव निर्वाचित भएका छन्। यादव आफ्ना निकटतम प्रतिस्पर्धी जनमत पार्टीका उम्मेदवार शिवचन्द्र कुशवाहालाई ५ हजार ८१ मतान्तरले पछि पार्दै निर्वाचित भएका हुन्। यादवले २८ हजार चार १५ मत प्राप्त गर्दा जनमतका शिवचन्द्र कुशवाहाले २३ हजार तीन सय ३४ मत पाएका छन्। यसैगरी एमालेका पुरुषोत्तम पौडेलले १० हजार २१६ मत प्राप्त गर्दै तेस्रो स्थानमा रहँदा रास्वपाका रमेश खरेलले २ हजार ८२९ मत पाएका छन्।
धनगढीः धनगढीको गेटास्थित एयरपोर्टमा प्रहरीले १७ महिलालाई नियन्त्रणमा लिएको छ। आज (मंगलवार) दिउँसो विमानस्थल क्षेत्रमा तारजाली तोडेर घाँस काट्न गएका १७ महिलालाई प्रहरीले नियन्त्रणमा लिएको हो। उनीहरुले विमानस्थलको धावन मार्गको पश्चिमतर्फको तारजाली तोडेर घाँस काटेको जनाइएको छ। महिलाहरुले अनाधिकृत रुपमा प्रवेश गरेर घाँस काटेपछि उनीहरुलाई विमानस्थलमा सुरक्षार्थ खटिएको प्रहरी टोलीले नियन्त्रणमा लिएको जनाएको छ। घाँस काटिरहेको अवस्थामा उनीहरुलाई नियन्त्रणमा लिइएको धनगढी विमानस्थलका प्रमुख रामकृष्ण भट्टले बताए।
धनगढीः गत मंसिर ४ गते सम्पन्न प्रदेश तथा प्रतिनिधिसभा सदस्यको निर्वाचनमा बैतडीबाट उम्मेदवार बनेका नेकपा एमालेका उम्मेदवारले निर्वाचन खर्च विवरण बुझाएका छन्। प्रतिनिधि सभा सदस्यका उम्मेदवार दामोदर भण्डारीले निर्वाचन कार्यालयमा खर्च विवरण बुझाएका हुन्। उक्त विवरणअनुसार बैतडीबाट निर्वाचित भएका भण्डारीले ६ लाख ६८ हजार २७५ रुपैया खर्च गरेकोे जनाएका छन्। मतदाता नामावली प्रिन्ट, नमूना मतपत्र छपाई, घोषणापत्र छपाई, स्वस्तीक छाप, पार्टीको झण्डा, सहभागीहरुको खाना, यातायत र वासमा उक्त रकम खर्च भएको बताइएको छ।
धनगढीः पन्जावबाट नेपाल फर्किरहेका दार्चुलाका धुनुराम लावड बाटोमै लुटिएका छन्। जिल्लाको लेकम गाउपालिका १ सर्मोली स्थायी घर भएका धुनुराम बसकै लुटपाटमा परेका हुन्। उनको साथबाट लुटेराहरुले ३० हजार बढी नगद, मोबाइल फोन र अन्य कपडाहरु लुटेको बताइएको छ। उनलाई बेहोस पारेर बाटोमा लुटिएको बुझिएको छ। बेहोस चएर लुटिएका उनलाई बसवालाले टनकपुरमा उपचार गराएका थिए। त्यसपछि उनी त्यहाँबाट महेन्द्रनगर आएका थिए। यस्तै आज आफ्न एक आफन्तको सहयोगमा आफू महेन्द्रगरबाट दार्चुला गैरहेको उनले बताए। लुटेराहरु को हुन् ? भन्नेबारे भने केही पत्तो लागेको छैन्।
धनगढीः प्रभु बैंकका ग्राहकले सौभाग्य हस्पिटल एण्ड रिसर्च सेन्टरको ओपिडी परीक्षण सेवामा १५ प्रतिशत छुट पाउने छन्। प्रभु र धनगढीको कैलालीस्थित सौभाग्य हस्पिटल एण्ड रिसर्च सेन्टरबीच समझदारी भएपछि उक्त छुट उपलब्ध गराउन लागिएको बताइएको छ। बैंकको धनगढीस्थित शाखा कार्यालयका प्रमुख नगेन्द्ररत्न कोइराला र हस्पिटलका अध्यक्ष दिनेशराज जैसीले समझदारीपत्रमा हस्ताक्षर गरेका छन्। जसअनुसार बैंकका ग्राहकले हस्पिटलद्वारा सञ्चालित ओपिडी परीक्षण सेवामा १५ प्रतिशत छुट पाउने व्यवस्था गरिएको छ। यसका साथै प्याथोलोजी, एक्सरे, युएसजी, एन्डोस्कोपी, नर्मल बेड, एचडीयु बेड, एसी क्याबिन, सर्जरी, कोलोनोस्कोपी, आइसीयु÷एनआइसीयु सेवामा १० प्रतिशत र फार्मेसीबाट ५ प्रतिशत छुट पाउन सक्नेछन्। बैंकले छुट सुविधा उपभोगका लागि प्रभुको डेबिट कार्ड, क्रेडिट…