Author: महेन्द्रनगर पोष्ट

काठमाडौं : सहकारीको बचत रकम दुरुपयोगबारे छानबिन गर्न गठित संसदीय विशेष समितिले गृहमन्त्री रमेश लेखकसँग छलफल गरेको छ । सोमबार बसेको समितिको बैठकले गृहमन्त्री लेखक, गृहसचिव एकनारायण अर्याल र आईजीपी बसन्तबहादुर कुँवरसँग छलफल गरेको हो । छलफलमा समितिले सहकारीको रकम हिनामिना र अपचलनमा संलग्न भएर विदेशमा रहेकाहरूलाई स्वदेश फर्काउन गृहमन्त्री लेखकलाई निर्देशन दिएको छ । समितिले देशबाहिर फरार भएका १८ जनालाई स्वदेश फर्काउने व्यवस्था गर्न आग्रह गरेको छ । बैठकले सहारा, सूर्यदर्शन लगायतका सहकारीको रकम अपचलनमा संलग्न रहेको आरोप लागेका जीबी राईलाई तत्काल स्वदेश फर्काउन निर्देशन दिएको छ ।त्यस्तै,सूर्यदर्शनका ज्ञानबहादुर बम्जन, थानबहादुर राई, भुपेन्द्र राई, सानोपाइलाका तस्विरन खातुन र अश्रफ…

धनगढी : सुदूरपश्चिम प्रदेशमा प्रतिपक्ष दलहरूले दिउँसै बत्ती बालेर सरकारको खोजी गरेका छन् । आज २ बजेको लागि प्रदेश सभा बैठक आह्वान गरिएको थियो ।तर, सरकारको तर्फबाट कुनै पनि मन्त्री उपस्थित नभएपछि आज बैठक नै नबसी स्थगित भएको छ । बाढी पहिरोबाट ठुलो क्षति भएको र त्यहि विषयमा प्रदेश प्रमुखसँग आग्रह गरेर आह्वान गरिएको विशेष अधिवेशनमा पनि सरकार उपस्थित नभएको भन्दै प्रतिपक्ष दलहरू आक्रोशित भएका हुन् । कांग्रेस ,एमाले र नागरिक उन्मुक्ति पार्टीले संसद् स्थगित भए लगत्तै प्रदेश सभा परिसरमै मोबाइलको बत्ती बालेर सरकारको खोजी गरेको जनाए । मुख्यमन्त्री दीर्घ सोडारीलाई नैतिकताको आधारमा राजीनामा दिन समेत उनले आग्रह गरेका थिए…

काठमाडौँ : पण्डित पुष्कर खतिवडा पक्राउ परेका छन् । पुराना दलका नेताहरु विरुद्ध यमराजको यज्ञ लगाएको कसुरमा प्रहरीले उनलाई पक्राउ गरेको हो । केही बेर अघि सामाजिक सञ्जालमा खतिवडाले आफू पक्राउ परेको जानकारी दिएका छन् । झापा स्थाई घर भएका पण्डितले काठमाडौँमा अनुष्ठान गरेको जिल्ला प्रहरी परिसर काठमाडौँले पक्राउ गरेको हो । पण्डित खतिवडाले पनि आफू पक्राउ परेको बताए । ‘यमराजको पूजा गरेर यो देशलाई खाडलमा हाल्नेका विरुद्ध अनुष्ठान गर्दै थिएँ, मलाई प्रहरीले पक्राउ गर्यो,’ उनले भने ।

धनगढी: कैलालीमा एक स्कुल बस दुर्घटना भएको छ। जिल्लाको गोदावरी नगरपालिका– ९ बल्मी नजिकै स्कुल बस दुर्घटना भएको हो। पूर्वपश्चिम राजमार्ग अन्तरगत गोदावरी नगरपालिका-८ मा रहेको दुर्गाज्योती ईङ्लिस बोर्डिगं स्कुलको से ०१००१ ख २१८२ नम्बरको स्कुल बस दुर्घटनामा परेको प्रहरीले जनाएको छ। प्रहरीका अनुसार बस दुर्घटनामा विद्यार्थीहरु घाइते भएका छन्। तर यसबारे विस्तृत विवरण आउन बाँकी रहेको इलाका प्रहरी कार्यालय मालाखेतीका डिएसपी गंगाबहादुर थापाले बताए। तर प्रारम्भिक रिपोर्टअनुसार बसमा सवार विप्लब खड्का र प्रकाश रावत घाइते भएका छन्। उनीहरुलाई उपचारका लागि पदमा अस्पतालमा ल्याइएको छ। बसमा २७ विद्यार्थी सवार रहेका थिए ।

काठमाडौं : सहकारीको बचत रकम दुरुपयोगबारे छानबिन गर्न गठित संसदीय विशेष समितिले गृहमन्त्री रमेश लेखकसहित गृहसचिव र प्रहरी प्रमुखसँग छलफल गरिएको छ। समितिको सोमबार बिहान बसेको बैठकमा गृहमन्त्री लेखकसहित गृहसचिव एकनारायण अर्याल, आइजीपी बसन्तबहादुर कुँवरसँग छलफल गरिएको हो। विशेष समितिले सहकारी बचत रकम दुरूपयोग सम्बन्धी छानबिन गर्न विभिन्न निकायका पदाधिकारीसँग छलफल गर्दै आएको छ। यसअघि आइतबार बसेको बैठकले विभिन्न राजनीतिक दलहरूसँग सुझाव लिएको थियो । तीन महिनाको समय पाएर गठन भएको संसदीय समितिले सरोकारवालासँगको छलफल अन्तिम चरणमा पुर्‍याएको छ । गोरखा मिडियामा लगानी गरेका सूर्यदर्शन, सुप्रिमलगायत सहकारीको अवस्था बुझ्न र पीडितको कुरा सुन्न समितिका सदस्यहरू पोखरा र बुटवल जाने तयारी…

धनगढी : सुदूरपश्चिम प्रदेशमा अहिले विशेष अधिवेशन चलिरहेको छ । ४ गते प्रदेश प्रमुख नजिर मियाँसमक्ष २१ जना सांसदहरूले विपद्का विषयमा सरकारलाई निर्देशन दिन आवश्यक रहेको भन्दै अधिवेशन आह्वान गर्न लिखित आग्रह गरेका थिए । उनीहरूले संघीय, स्थानीय तहको सरकार र सरोकारवाला निकायहरूसँग समन्वय ,सहकार्य र कार्यान्वयनको सवालमा समेत वर्तमान प्रदेश सरकार मूकदर्शक भई बसिरहेको र प्रदेशसभा बैठकलाई समेत अन्त्य गरी जिम्मेवारीबाट पन्छिएको हुँदा अधिवेशन आह्वान गर्न प्रदेश प्रमुखसमक्ष लिखित आग्रह गरेका थिए । संसद् अन्त्य भएकै भोलिपल्ट प्रदेश प्रमुख मियाँले ८ गते दिउँसो २ बजेको लागि बैठक आह्वान गरे । तर, सरकारले उक्त बैठकको औचित्य नरहेको भन्दै कुनै पनि…

धनगढी : कञ्चनपुरमा मोटरसाईकलको ठक्करबाट पैदल यात्रीको मृत्यु भएको छ । पूर्वपश्चिम राजमार्ग अन्तरगत कृष्णपुर नगरपालिका–५ चिनी मिल नजिकै पूर्वतर्फ गइरहेको सुपप्र ०१००९प ३७७७ नम्बरको मोटरसाईकलले ठक्कर दिदै पैदल यात्री ५६ वर्षीय हेमराज चौधरीको मृत्यु भएको प्रहरीले जनाएको छ । चौधरी कृष्णपुर नगरपालिका– ६ का स्थानीय बासिन्दा हुन् । आइतबार साँझ मोटरसाईकलको ठक्करबाट गम्भीर घाइते भएका चौधरीको उपचारका क्रममा सेती प्रादेशिक अस्पतालमा मृत्यु भएको प्रदेश ट्राफिक प्रहरी कार्यालय अत्तरियाले जनाएको छ । दुर्घटनामा चालक कृष्णपुर नगरपालिका–७ कालियापुर बस्ने ३१ वर्षीय राजकुमार राना गम्भीर घाइते भएका छन् । उनको धनगढीको माया मेट्रो अस्पतालमा उपचार भइरहेको छ भने पछाडी सवार रानाकी बहिनी…

काठमाडौं: नेपाल प्रहरीका चिफ (आइजी) वसन्त बहादुर कुँवरविरुद्ध नेपाल प्रहरीकै पूर्व प्रहरी उपरीक्षक (एसपी) (अवकाशप्राप्त) आभूषण तिम्सिनाले फायर खोलेका छन्। बेलाबखत प्रहरी, प्रहरीका प्रमुख र प्रहरी तथा गृहका समेत बेथितिबारे चर्को आलोचना गर्दै आएका तिम्सिनाले पुनः एकपटक आइजीविरुद्ध फायर खोलेका हुन्। उनले आफ्नो सामाजिक सञ्जाल फेसबुकमा स्टाटस लेख्दै वर्तमान आइजीलाई निकै कमजोर र लाचार छेपारोको संज्ञा दिएका छन्। यस्तै उनले विभिन्न समयका पूर्व आइजी र प्रहरीभित्र मूल्याकंन नहुने समस्या पनि उजागर गरेका छन्। यस्तै अहिले निकै चर्चामा रहेको डिआइजी डा. मनोज केसीको प्रकरणमा पनि उनले सुक्ष्म टिप्पणी गरेका छन्। तिम्सिना उनै पूर्व प्रहरी हुन्, जसले बढुवाका लागि चाकडी नगर्ने भन्दै…

काठमाडौं: हाल नेपाल प्रहरीमा २ नायव महानिरीक्षक (डिआइजी) पद रिक्त छ। यस्तै यस अगाडि एक एआईजी पद पनि रिक्त रहेकोमा डिआईजी रामदत्त जोशी बढुवा सिफारिस भैसकेका छन्। उनले केही दिनमै एआईजीको फुली लगाउने कार्यक्रमसमेत छ। प्रहरी मुख्यालयका अनुसार अहिले रिक्त रहेका २ डिआईजीका लागि तीव्र प्रतिस्पर्धा देखिएको छ। जसमा दुई पदका लागि दर्जन बढी एसएसपीहरु दौडधुप गरिरहेका छन्। स्रोतका अनुसार अहिलेको बढुवामा हालका आइजीपीको ब्याचमेटदेखि २०५४ को टोलीसम्म प्रतिस्पर्धामा छ। जहाँ एसएसपी गणेश चन्द, दिल्लीराज बिष्ट, ध्रुवराज राउत, भोलाबहादुर रावल, सिद्धिविक्रम शाह, सुशील सिंह राठौर, उमा प्रसाद चतुर्वेदी, जीवन कुमार श्रेष्ठ, दिनेश आचार्यहरुसहितका प्रतिस्पर्धी देखिएका छन्। हालै नयाँ गृहमन्त्रीको रुपमा…

काठमाडौँ: सुदूरपश्चिम प्रदेश सभाकी सदस्य इन्दिरा गिरीलाई नागरिक उन्मुक्ति पार्टीले गरेको कारबाहीविरुद्ध सर्वोच्च अदालतले फैसला गरेको छ। यस अगाडि न्यायाधीश प्रकाशमान सिंह राउतको एकल इजलासले रिट निवेदनको अन्तिम टुङ्गो नलागेसम्म कारबाहीको निर्णय कार्यान्वयन नगर्न भन्दै अन्तरिम आदेश जारी गरेको थियो। तर आज सर्वोच्चले उनको पद व्युत्याएको हो। सर्वोच्च स्रोतले गिरीको कारबाहीको विपक्षमा फैसला गरेको जनाएको छ। यस अगाडि गिरीलाई नाउपाले प्रदेश सभाको सदस्यबाट फिर्ता बोलाउने निर्णय गरेको थियो। श्रीमान्–श्रीमतीसमेत रहेका नाउपाका संरक्षक रेशमलाल चौधरी र अध्यक्ष रञ्जिता श्रेष्ठबिचको मतभेद तथा आपसी शक्ति सङ्घर्षको सिकार बम्दै समानुपातिक सांसद गिरी कारबाहीमा परेकी थिइन्। सांसद गिरीको कारबाहीबारे सुदूरपश्चिमका सभामुखले पनि कुनै अध्ययन नै…