एजेन्सी- भारतको उत्तराखण्डमा आइतबार साँझ बस दुर्घटना हुँदा २६ यात्रुको मृत्यु भएको छ । उत्तराखण्डको उत्तरकाशीमा यूके – ०४ १५४१ नम्बरको बस सडकबाट खाल्डोमा खसेको उत्तराखण्ड प्रहरीले जनाएको छ । दुर्घटनामा मृत्यु हुने सबै चार धाम तीर्थ यात्राका गइरहेको बताइएको छ । दुर्घटनाग्रस्त बसमा मध्य प्रदेशको पन्ना जिल्लाका २८ तीर्थयात्री र चालक–क्लिनरसहित ३० जना सवार रहेकोमा २६ जनाको ज्यान गएको उत्तराखण्डका मुख्यमन्त्री पुष्कर सिंह धामीले सञ्चार माध्यमहरुलाई जानकारी दिएका छन् । दुर्घटनापछि एनडीआरएफको टोलीले घट्नास्थल पुगेर उद्धार कार्यमा जुटेको थियो । गहिरो खाडल र अन्धकारका कारण शव निकाल्ने तथा घाइतेहरुको उद्धार गर्न समस्या भएको थियो । घाइते ४ जनको स्थानीय…
Author: महेन्द्रनगर पोष्ट
कैलाली- कैलालीको धनगढीबाट लागु औषधसहित एक जना पक्राउ परेका छन्। धनगढी उपमहानगरपालिका २ पुरानो भन्सार रोडबाट स्थितकिराना पसलबाट प्रहरीलेि लागुऔषधसहित एक जना पक्राउ गरेको हो । विषेश सूचनाको आधारमा जिल्ला प्रहरी कार्यालय कैलालीबाट खटिएको प्रहरी टोलीले बझाङको जयपृथ्वी नगरपालिका ३ घर भई धनगढी २ पुरानो भन्सार रोड स्थित किरना पसल गरी बस्ने वर्ष २३ वर्षीय उमेश धामीलाई पक्राउ गरेको जनाएको छ । प्रहरीले उनको किराना पसलबाट लागुऔषध खैरो हिरोइन ४४० मिलिग्राम सहित उनलाई पक्राउ गरिएको प्रहरीले जनाएको छ।उनीमाथि थप अनुसन्धान भइरहेको जिल्ला प्रहरी कार्यालय कैलालीका प्रहरी नायव उपरीक्षक वेदव्रकाश जोशीले बताए ।
आज – २३ जेठ २०७९ सोमवार । यस्तो छ आजको राशिफलमेष(चु, चे, चो, ला, लि, लु, ले, लो, अ)व्यवसायमा सफलता मिल्नेछ । श्रमको उचित मूल्याङ्कन हुनेछ, तर शेयर बजारको लगानी नोक्सानी रहला । बृष(इ, उ, ए, ओ, वा, वि, वु, वे, वो)सानातिना समस्यामा अल्झनुपर्नेछ । सरकारी निकायको भय रहला । स्वास्थ्य प्रति पनि सजग रहनु पर्नेछ । मिथुन(का, कि, कु, घ, ङ, छ, के, को, हा)दाम्पत्य जीवन सुखमय हुनेछ । स्वादिष्ट भोजन र परिकारको अवसर मिल्नेछ । शुभकार्यको चर्चा पनि चल्नेछ । कर्कट (हि, हु, हे, हो, डा, डि, डु, डे, डो)कुनै न कुनै कुराले मनमा प्रसन्नता छाउनेछ । नयाँ…
नवलपरासी- नवलपरासीमा चट्याङ लागेर एक जनाको मृत्यु भएको छ । आइतबार साँझ ५ बजे परेको चट्याङबाट जिल्लाको मध्यविन्दु–६ भण्डाराका ६० वर्षीय डिल्लीराम थारूको मृत्यु भएको हो । काम गरेर घर फर्किँदै गरेको अवस्थामा थारूलाई चट्याङ लागेको जिल्ला प्रहरी कार्यालयका प्रवक्ता प्रहरी नायब उपरीक्षक सन्तोष पाठकले जानकारी दिए । चट्याङ लागेर घाइते भएका थारूको मध्यविन्दु जिल्ला अस्पतालमा उपचारका क्रममा साँझ ५ः५० बजे मृत्यु भएको पाठकले बताए । उनका अनुसार चट्याङबाट थारूको टाउको र छातीमा गम्भीर चोट लागेको थियो ।
रुपन्देही- रुपन्देहीको रोहिणी खोलामा भएको बस दुर्घटनामा ज्यान गुमाएका ९ जनामध्ये आठ जनाको पहिचान भएको छ । दुर्घटनामा तिलोत्तमा नगरपालिका २ योगीकुटीका विष्णु पौडेल, रौतहट चन्द्रनिगाहापुर बस्ने दिनेश दास, बुटवल उपमहानगरपालिका ११ का कृष्णप्रसाद बस्याल, रुपन्देहीको ओमसतियाका राजेन्द्र पाण्डे र तिलोत्तमा ८ की तुलसी बस्यालको ज्यान गएको हो । यस्तै भारतीय नागरिकहरू अरविन्द शर्मा र नागेन्द्र शर्मा र सञ्जय गुप्ताको ज्यान गएको हो । एक जनाको परिचय खुल्न बाँकी छ । दुर्घटनामा घाइते भएका २३ जनाको मेडिकल कलेज र भीम अस्पतालमा उपचार भइरहेको जिल्ला प्रहरी कार्यालय रुपन्देहीले जनाएको छ । उनीहरूको अवस्था सुधारिँदै गएको छ । जनकपुरबाट भैरहवाका लागि छुटेको…
काठमाडौं- नेत्रविक्रम चन्द विप्लव नेतृत्वको नेपाल कम्युनिस्ट पार्टी (नेकपा) ले असोजमा महाधिवेशन गर्ने भएको छ। उदयपुरको रौतामाइमा भएको १३औं केन्द्रीय कमिटीको बैठकले असोज १–८ सम्म काठमाडौंमा महाधिवेशन गर्ने भएको हो । पार्टी विभाजनपछि महाधिवेशनको मिति तय भएको केन्द्रीय सदस्य शरद वलीले जानकारी दिए। चैतमा कपिलवस्तुमा सम्पन्न केन्द्रीय कमिटी बैठकले पारित निर्णय पार्टी नेतृत्वले उल्लंघन गरेको भन्दै धर्मेन्द्र बास्तोला नेतृत्वमा नेकपा बहुमत गठन भएको छ। सो बैठकले महासचिव विप्लवको स्थानीय तह निर्वाचन उपयोग गर्ने प्रस्ताव असफल पारेको थियो। बैठकले पार्टी चुनावमा सहभागी नहुने तर एमसीसी विरोधी उम्मेदवारलाई सहयोग गर्ने निर्णय गरेको थियो। तर विप्लव निकट नेताहरु स्वतन्त्र रुपमा उम्मेदवारी दिएपछि विवाद…
खोटाङ- मोटरसाइकलको ठक्करबाट राप्रपाका नेता जीवनकुमार श्रेष्ठको निधन भएको छ । ठक्करबाट गम्भीर घाइते भएका ५६ वर्षीय श्रेष्ठको उपचारको क्रममा निधन भएको हो । गत शुक्रवार खोटाङको दिक्तेल बजारमा प्रदेश १–०५–००१ प ६८३७ नम्बरको मोटरसाइकलले ठक्कर दिँदा घाइते भएका श्रेष्ठको उपचारका क्रममा आज आइतवार निधन भएको हो । हेलिकप्टरबाट न्युरो अस्पताल बाँसबारी पुर्याइएका श्रेष्ठलाई अस्पतालले मृत घोषणा गरेको हो । श्रेष्ठलाई दिक्तेल रुपाकोट मझुवागढी नगरपालिका १ दिक्तेलको रत्नपार्क जिरोप्वाइन्टबाट बजारभित्र जाँदै गरेको मोटरसाइकलले ठक्कर दिएको थियो । मोटरसाइकलले ठक्कर दिएपछि सडकमा ढलेका श्रेष्ठको टाउको र छातीमा चोट लागेको थियो । श्रेष्ठ राप्रपा खोटाङका निवर्तमान अध्यक्ष थिए । झन्डै १५ वर्ष…
कैलाली- कैलालीको चौकीडाँडामा युवाहरुको अगुवाईमा हेल्प डेक्स स्थापना गरिएको छ । गोदावरी नगरपालिका– ३ को वडा कार्यालयमा स्थापना गरिएको हेल्प डेस्कबाट वडामा सेवा लिन आउने सेवाग्राहीलाई सेवा दिइने जनाइएको छ । सहयोगी हातहरुको हातेमालो कार्यक्रम अन्तर्गत हेल्प डेस्क स्थापना गरिएको स्थानीय सुनीराम बिकले बताए । अगुवा युवा रमेश भट्टराईले वडामा सेवा लिन आउँदा जेष्ठ नागरिक, अपाङ्गता भएका, लेख्न पढ्न नजान्नेहरुलाई सेवा दिन हेल्प डेस्क स्थापना गरिएको बताए । उक्त हेल्प डेस्कको जेष्ठ नागरिक तारा पार्कीले उद्घाटन गरेका थिए । उक्त हेल्प डेस्कमा स्थानीय युवाहरुले स्वस्फुर्त रुपमा सेवा दिने जनाइएको छ ।
अछाम- अछामको मंगलसेन नगरपालिका वडा नम्बर ६ ले गर्भवती महिलाका लागि राहत दिने निर्णय गरेको छ । वडा नम्बर ६ का अध्यक्ष देवेन्द्र प्रसाद भण्डारीको अध्यक्षतामा बसेको बैठकले वडाका कुनैपनि गर्भवति महिला सुत्केरी हुनका लागि जिल्ला अस्पताल पुर्याउनुपर्दा सहुलियत स्वरुप १५ सय रुपैँया उपलब्ध गराउने निर्णय गरेको हो । कुनै पनि गर्भवती महिला रकमको अभावका कारण अस्पताल जान नसक्ने अवस्था नआओस् र आमा र बच्चाको स्वास्थ्य जटिल हुने अवस्था नहोस् भनेर उक्त निर्णय गरिएको वडा अध्यक्ष भण्डारीले बताउनु भयो । आफूले चुनावको बेला गरिएको प्रतिबद्धता अनुसार महिला तथा बालबालिकाको स्वास्थ्य सुरक्षालाई मध्येनजर गर्दै वडाको पहिलो बैठकबाटै उक्त निर्णय गरिएको उहाँको…
दार्चुला- जिल्ला समन्वय समिति दार्चुलाको निर्वाचन यही जेठ ३० गते हुने भएको छ । मुख्य निर्वाचन अधिकृतको कार्यालयले निर्वाचन कार्यालय तालिका सार्वजनिक गर्दै आज मतदाता नामावली प्रकाशन गरेको छ । जेठ २९ गते उम्मेदवारको नामावली प्रकाशन, उम्मेदवारी फिर्ता र उम्मेदवारको अन्तिम नामावली प्रकाशन र ३० गते निर्वाचन गर्ने मुख्य निर्वाचन अधिकृतको कार्यालय दार्चुलाले जनाएको छ । जिल्लामा समन्वय समितिका पदाधिकारीको निर्वाचनका लागि कुनै एक दलको बहुमत नभएकाले गठबन्धन गर्नुपर्ने बाध्यता रहेको छ । ९ वटा स्थानीय तह रहेको दार्चुलामा समन्वय समितिका लागि १८ मतभार छ । जिल्लामा (नेकपा माओवादी केन्द्र)को ४ स्थानीय तह प्रमुख र दुई स्थानीय तह उपप्रमुख सहित…