सुदूरपश्चिमः सुदूरपश्चिम प्रदेशका सीमानाकामा सञ्चालनमा रहेका ‘हेल्थ डेस्क’का कर्मचारीले छ महिनादेखि तलब पाएका छैनन् । कोरोना भाइरसको महामारीका बेलादेखि कार्यरत आफूहरुलाई स्वास्थ्य निर्देशनालयले नियमितरुपमा काममा लगाए पनि अहिलेसम्म तलब नदिएको कर्मचारीको गुनासो छ । तलब नपाउने यी कर्मचारी करार सेवामा कार्यरत रहेका छन् । कैलालीको त्रिनगर सीमानाकास्थित हेल्थ डेस्कका अहेब गणेश साउदले सुदूरपश्चिम प्रदेशका त्रिनगर, गड्डाचौकी, पुलघाट, झुलाघाट, खक्रौलालगायतका सीमानाकाका हेल्थ डेस्कका कर्मचारीले छ महिनादेखि तलब नपाएको बताउनुभयो । “स्वास्थ्य निर्देशनालयले तलबका लागि बजेट आउँछ, तपाईंहरु काम गर्नुस् भन्छ”, साउदले भन्नुभयो, “आश गर्दागर्दै अहिलेसम्म पनि तलब नपाइएपछि ऋण निकालेर परिवार पालिरहेका छौँ”, पारिश्रमिक नपाउनेमा त्रिनगर हेल्थ डेस्कका १० कर्मचारीसहित प्रदेशका…
Author: महेन्द्रनगर पोष्ट
बाजुरा : बाजुराको चेतन अयडीको हत्या प्रकरणमा थप १२ जना पक्राउ परेका छन्। बाजुरा प्रहरीका अनुसार २४ जनामा १२ जना फरार रहेकामा उनीहरू सोमवार पक्राउ परेका हुन्। नेकपा एमालेको विद्यार्थी सङ्गठन अनेरास्ववियुका केन्द्रीय सचिवालय सदस्य तथा सुदूरपश्चिम विश्वविद्यालय तत्कालीन अध्यक्ष ३२ वर्षीय अयडीको हत्यामा संलग्न भएको आरोपमा फरार रहेका उनीहरू पक्राउ परेका छन। फरारको सूचिमा रहेका ३३ वर्षीय नर अयडी, नरेश अयडी, २५ वर्षीय मंगल अयडी, ३३ वर्षीय मोहनबहादुर अयडी, २७ वर्षीय नविन अयडी, २२ वर्षीय लोकेश अयडी, २३ वर्षीय जीवन अयडी, ३२ वर्षीय उद्धव अयडी, ३८ वर्षीया अनिता रौले अयडी, ३६ वषीया धना देवी अयडी, ४५ वर्षीय पदम बहादुर अयडी…
धनगढी: भारतको गोवाबाट सम्पर्कविहीन भएकी धनगढी उपमहानगरपालिकाका नगर प्रमुख गोपाल हमालकी छोरी सम्पर्कमा आएकी छन्। सोमबारदेखि सम्पर्क बिहीन भएकी आरती हमाल सम्पर्कमा आएकी हुन्। उनी भारतको गोवामै भेटिएको बताइएको छ। एक विदेशी किशोरीसँग उनी भेटिएको बताइएको हो। नगर प्रमुख हमालकी जेठी छोरी आरती सोमबारदेखि सम्पर्क विहीन भएकी थिइन्। उनी ओशो साधक हुन्।ओशो ध्यान गर्न उनी केही महिनादेखि गोवामा बस्दै आएकी थिइन्।
सरकारमा सहभागिताको विषयमा छलफल गर्न नागरिक उन्मुक्ति पार्टी (नाउपा)को संस्थापक केन्द्रीय सदस्यहरुको बैठक कैलालीको टीकापुरमा जारी छ । पार्टी अध्यक्ष रञ्जिता श्रेष्ठ चौधरीको अध्यक्षतामा नाउपाका संस्थापक र सांसदहरुको बैठक बसिरहेको हो । बैठकमा संस्थापक २१ जना र सांसद १६ जना सहभागी छन् । संरक्षक रेशम चौधरी भने विदेशमा रहेकाले यो बैठकमा सहभागी छैनन् । यो बैठकले सुदूरपश्चिम र लुम्बिनी प्रदेश सरकारमा सहभागी हुने कि नहुने भन्नेबारे निर्णय लिने अध्यक्ष चौधरीले जानकारी दिइन् । एमाले-माओवादी-रास्वपासहितको नयाँ गठबन्धनमा सहभागी हुने कि नहुने भन्ने विषयमा अध्यक्ष रञ्जिता र उनका श्रीमानसमेत रहेका संरक्षक रेशम चौधरीबीच विमति छ । रेशमको स्वीकृतिमा नाउपा सुदूरपश्चिम र लुम्बिनी…
काठमाडौं : शिक्षा, विज्ञान तथा प्रविधि मन्त्रालयले यस आर्थिक वर्षको राष्ट्रपति शैक्षिक सुधार कार्यक्रम स्थगित गरेको छ। मन्त्रालयले राष्ट्रपति शैक्षिक सुधार कार्यक्रमको कार्यान्वयनमा समस्या देखिएको भन्दै कार्यक्रम स्थगित गर्ने निर्णय गरेको जनाएको छ। यसका लागि गत आर्थिक वर्षको तुलनामा न्यून बजेट विनियोजन भएको, विगतका कार्यक्रमको प्रभावकारिता नभएको भन्दै मन्त्रालयले यस आर्थिक वर्षको कार्यक्रम स्थगित गरेको हो। ‘स्थानीय तहसँगको छलफलमा समेत उठेका विषयको सम्बोधन आवश्यक छ। चालु आर्थिक वर्षमा भएको माग र आवश्यकताको पहिचान लगायतका कार्य गर्दा विद्यालय छनोटको कार्यमा ढिलाइ भएको छ। चालु आर्थिक वर्षमा भवन निर्माणका लागि समय अत्यन्त कम रहेको देखिएको छ। त्यसैले, यस बैठकले यस आर्थिक वर्षको राष्ट्रपति…
काठमाडौँ : आज बुधबार, १४ चैत २०८० (२७ मार्च २०२४)। हेर्नुस् आजको राशिफल- मेष : मनपर्ने व्यक्तिको भरपुर साथ-सहयोग मिल्नेछ। अचल सम्पत्ति हात पर्ला। कलकारखाना र बन्दव्यापारमा फाइदा हुनेछ। घुमफिर र सफल यात्राका विशेष अवसर मिल्ने छन्। गरेको कार्यमा सफलता हात लाग्नेछ। भाग्यशाली रङ आकाशे र अङ्क ३ रहेको छ। प्रेम र सम्बन्धमा ७७, व्यापारमा ६२, सेयर बजारमा ५०, वैदेशिक कार्यमा ७४ र शिक्षामा ८६ प्रतिशत सफलता मिल्नेछ। यसैगरी स्वास्थ्य अनुकूलता ५८, यात्राको योग ७७ र सम्पूर्ण भाग्याङ्क ८० प्रतिशत रहेको छ। यो राशि हुनेहरूले आज बिघ्नहर्ता गणेशजीलाई स्मरण गरी कार्य प्रारम्भ गर्दा बढी फल मिल्नेछ। लगानीको अवसर आउनेछन्, सोचविचार गरेर…
धनगढी: सोमबार तराइमा होली थियो, होलीमा कैलालीको कर्णाली पुलमा होली खेल्ने र हेर्नेहरूको घुइँचो थियो। स्थानीय युवायुवती होलीमा रङ्गिन कर्णाली पुगेका थिए। त्यसैमा एक हुल युवाहरूको टोली कर्णाली पुलतर्फ लाग्यो। टोलीमा स्थानीय केही युवाको शरीरको माथिल्लो भागमा लुगा थिए, रङ्गले रङ्गिएका थिए। पानीले रुझेका थिए। इलाका प्रहरी कार्यालय चिसापानीकाअनुसार माथिल्लो शरीरको कपडा फुकालेर सडकमा डुलिरहेका उनीहरूलाई नदीतर्फ नजान भनिएको थियो तर साथीहरू धेरै पछि भेट भएकाले सामूहिक तस्बिर खिच्न गइरहेको भन्दै उक्त समूह अघि बढेको थियो। प्रहरीले सोध्यो, ‘कता हिँड्नु भएको ?’ ‘ऊ पुलसम्म। फोटो खिचेर फर्किहाल्छौँ’, उनीहरुले प्रहरीलाई भने। फाटो खिच्न भनेर पुल पुगेका युवाहरू एकाएक पुल माथिबाट हाम्फाल्न…
धनगढी: कैलालीमा बलात्कार आरोपमा समातिएका एक नाबालक अदालतबाट छुटेका छन्। केही समय अगाडि जिल्लाको लम्कीचुहा नगरपालिका-१ का १७ वर्षीय गिरी थरका एक नाबालक बलात्कार आरोपमा समातिएका थिए। प्रहरी हिरासतमा बसेका उनलाई जबर्जस्ती करणीको मुद्दा चलाइएको थियो। तर उनी अदालतबाट छुटेको प्रहरी स्रोतले जनाएको छ। नाबालक भएकाले उनलाई अदालतले अघिल्लो सातातिर छोडेको बुझिएको छ। उनले २५ वर्षीया स्थानीय युवतीमाथि ३ मिनेट करणी गरेको प्रहरीसमक्ष स्वीकार गरेका थिए।त्यसपछि उनलाई मुद्दा चलाइएको थियो। उनले सुस्त मनस्थितिकी ती युवतीलाई बोलाएर करणी गरेको बताइएको थियो।
धनगढी : बैतडीको शिवनाथ गाउँपालिकाकी उपाध्यक्ष कुश्मा चन्दविरुद्ध अख्तियार र सम्पत्ति शुद्धीकरणमा निवेदन परेको बताइएको छ। केही दिन अगाडिमात्रै चन्दविरुद्ध जनप्रतिनिधि भएर करोडौं सम्पत्ति आर्जन गरेको भन्दै निवेदन परेको हो। एमालेको कारबाहीमा परेर नेपाली काँग्रेस रोजेकी उपाध्यक्ष चन्दविरुद्ध उनकै पार्टीका नेताहरु समेत अख्तियारमा पुगेको बुझिएको छ। उनले ५ वर्षको अवधिमा आर्जित धनले भक्तपुरदेखि महेन्द्रनगरको भीमदत्त नगरपालिकासम्मै जग्गा जोडेको भन्दै उजुरी परेको हो। मास्टर हुँदै राजनीतिमा होमिएकी चन्द ३६ वर्षअघि पञ्चेश्वर गाउँपालिका–४, निंगलाडमा जन्मिएकी थिइन्। अघिल्लोपटक शिवनाथ गाउँपालिकाको उपाध्यक्ष पदमा निर्वाचित भएकी उनी राष्ट्रिय सभा निर्वाचनमा एमालेकै उम्मेदवारलाई घात गरेको भन्दै निलम्बनमा परेकी थिइन्। उनै चन्दले जनप्रतिनिधिबाट बाहिरिएपछि भक्तपुरमा १ करोड…
काठमाडौं : सर्वोच्च अदालतले मेडिकल व्यवसायी दुर्गा प्रसाईं र उनका बडीगार्डले राख्न नमिल्ने हतियार राखेको भन्दै छानबिन गर्न आदेश दिएको छ । मंगलबार न्यायाधीशद्वय नहकुल सुवेदी र सुनिलकुमार पोखरेलको इजलासले प्रसाईंका बडिगार्ड रामकुमार धिमालको साथबाट बरामद हतियार स्वचालित भएकाले लाइसेन्स लिएर पनि व्यक्तिले बोक्न नमिल्ने भन्दै छानबिन गर्न गृह मन्त्रालयलाई आदेश दिएको हो । ५ चैतमा सर्वोच्च अदालत परिसरबाट दुर्गा प्रसाईंका बडिगार्ड राजकुमार धिमाल हतियार सहित पक्राउ परेका थिए । प्रसाईंका बडिगार्ड धिमालबाट अर्मेरिया पारिन एसएलआर–इटाली राइफल गन २२ एलआर–मेड इन जमर्नी लेखिएको स्वचालित हतियार बरामद भएको थियो । त्यस्तै १०० राउण्ड गोली लोड भएका म्यागजिन समेत प्रसाईंका बडिगार्डबाट बरामद…