धनगढी : धनगढीमा कार र स्कुटर एकआपसमा ठोक्किएका छन्। हिजो (बिहीबार) धनगढी उपहानगरपालिका-४ चटकपुरमा कार स्कुटर ठोक्किएका हुन्। ३० वर्षीय मनिष कुँवरले चलाएको बा ९ च २६२५ नम्बरको कार र विपरीत दिशाबाट आएको से ६ प ७१८७ नम्बरको स्कुटर आपसमा ठोक्किएको प्रहरीले जनाएको छ। स्कुटर चालक गोदावरी नगरपालिका-५ गेटा वस्ने २७ वर्षीय रस्सन र सोही ठाउँकी ३० वर्षीया चन्द्रा चाैधरी घाइते भएकाे कैलाली प्रहरीले जनाएको छ। स्कुटरमा सवार दुबै जनाको माया मेट्रो अस्पतालमा उपचार भइरहेको र चाैधरीको अवस्था सिकिस्त रहेको बताइएको छ। स्कुटर चालकले मापसे सेवन गरेको प्रहरी अनुसन्धानबाट खुलेको छ। कार चालक कुँवर नेपाल विद्यार्थी संघ कैलालीका सभापति हुन्।
Author: महेन्द्रनगर पोष्ट
महेन्द्रनगर: कञ्चनपुर प्रहरीको कमाण्डको जिम्मेवारी एसपी कमल थापाको काँधमा छ। तर, विवादित छविको उपमा पाएका एसपी थापाले कमाण्ड सम्हालेदेखि जिल्लामा तल्लो तहका प्रहरी कर्मचारी मात्रै पीडित बनेका होइनन्, आपराधिक क्रियाकलापमा समेत बढावा भएको पाइन्छ। एसपी थापाले कञ्चनपुर प्रहरीको कमाण्ड सम्हालेसँगै तस्करहरु खुसी भएको बताइदै आइएको थियो। सेटिङ र लेनदेनमा कुरा मिलाएर तस्करी गर्न पाइने भन्दै तस्करी गर्नेहरु खुसी भएका थिए। त्यहीँ बेलादेखि खुला सीमानाका भएको कञ्चनपुरमा तस्करी मौलाएको पाइएको छ। जिल्लाका विभिन्न नाकामा उखुदेखि अन्य मालसमानको तस्करी हुने गरेको हो। विशेषगरी प्रहरीकै सेटिङमा भारतीय उखुको तस्करी हुने गरेको हो। तस्करसँग कञ्चनपुर प्रहरीको साँठगाँठ, एसएसबीसँग बैठक कञ्चनपुरमा भारतसँग सिमा जोडिएका क्षेत्रमध्ये झिलमिला,…
बझाङ : बझाङमा सबैभन्दा अग्लो झरना भनेर चम्ला अर्थात् गोरखाली झरना चिनिन्छ । पूर्वाधारको समस्याले गुमनाम रहेको सो झरनासम्म पुग्न सडकको पहुँच पुगेसँगै अवलोकन गर्नेको भीड लाग्न थालेको छ । खप्तडछान्ना गाउँपालिका–७ मा अवस्थित झरना हेर्न हरेक दिन आन्तरिक पर्यटक आउन थालेका छन् । सडक तथा बाटोघाटो निर्माणले टाढैबाट दर्शन गरिने झरना अहिले नजिकै आएर महसुस गर्न थालिएको स्थानीय भुवन जोशीले बताए । उनले भने, “हाम्रा लागि नजिकको तीर्थ हेला भनेजस्तै थियो । अहिले अन्यत्र जिल्लाका मानिस आएर रमाउन थालेपछि गाउँका मानिसहरुको पनि झरनाप्रति माया जागेको छ ।” उनका अनुसार गडरायबाटै झरना हेर्नेहरु अहिले झरनाकै पानी खेल्ने गरेका छन् ।…
कञ्चनपुर : कञ्चनपुरकी निर्मला पन्तको हत्या प्रकरणको अनुसन्धानका लागि आएको नेपाल प्रहरीको केन्द्रीय अनुसन्धान ब्युरो (सीआइबी) को टोली फर्किएको छ। २०७५ साउन १० मा बलात्कारपछि हत्या गरिएकी भीमदत्त नगरपालिका–२ उल्टाखामकी १३ वर्षीया पन्तको हत्या घटनामा अनुसन्धान गरिरहेको सीआइबीको टोली ५ वर्षपछि काठमाडौँ फर्किएको हो। सीआइबीका प्रहरी निरीक्षक धनदेव साउँद नेतृत्वको टोली अनुसन्धानका क्रममा प्रयोग गरिएका कम्प्युटर, फाइल तथा अन्य कागजपत्र लगायतका सबै सामान लगेर १ महिनाअघि फर्किएको बताइएको छ। केन्द्रीय अनुसन्धान ब्युरोबाट खटिएको टोली फिर्ता भएपनि अनुसन्धानको काम भने जारी रहेको कञ्चनपुर प्रहरीले जनाएको छ। उल्टाखामकी १३ वर्षीया बालिका निर्मला पन्तको बलात्कारपछि हत्या गरेको पाँच वर्ष पुगिसकेको छ। तर अझै…
धनगढीः कैलालीको टीकापुरबाट लागुऔषधसहित एक युवक पक्राउ परेका छन्। टीकापुर नगरपालिका–९ स्थित खक्रौला सडक खण्डबाट नेटराभेट १० लेखेको अवैध लागुऔषध १४ ट्याबलेटसहित टीकापुर नगरपालिका–८ बस्ने ३० वर्षीय अजय साँउद बिहीवार साँझ पक्राउ परेका हुन्। यस सम्बन्धमा प्रहरीले थप अनुसन्धान गरिरहेको छ।
गड्डाचौकी: कञ्चनपुर प्रहरीका प्रमुख एसपी कमल थापाले चर्चाका लागि स्टन्ट गर्दा जिल्लाको शान्ति सुरक्षा नै खल्बलिएको छ। सन्की स्वभावका एसपी थापाले सीमा नाकामा फिल्मी शैलीमा भारतीय गाडीहरु कब्जामा लिएपछि तनाव उत्पन्न भएको हो। थापा र उनका मातहतका प्रहरी अधिकृतका एकपछि अर्को गर्दै बेथिति र कार्यालयभित्रका कमजोरीमा महेन्द्रनगरपोष्टले निरन्तर खबरदारी गर्दै आएको अवस्थामा ती सबै गतिविधि डाइभर्ट गर्न एसपी थापाले सीमामा स्टन्ट गरेको व्यवसायीहरुले बताएका छन्। अस्तीमात्र एसपी थापाको ठाडो निर्देशनमा गड्डाचौकी नाकाबाट भारतीय नम्बर प्लेटका सवारी साधनहरु नियन्त्रणमा लिइएको थियो। पहिले ट्राफिक प्रहरीले चेकजाँच गरेर कागजात नभएकाहरूलाई मात्रै नियन्त्रणमा लिने गरेको थियो। तर अस्ति भने प्रहरीले पार्किङ गरेर राखिएका र…
धनगढी : कैलालीको धनगढीमा मोटरसाइकल दुर्घटना हुँदा चालकको मृत्यु भएको छ। बिहिवार साँझ धनगढी उपमहानगरपालिका-१८ “ई” गाँउस्थित सडकको छेउमा भुखाली चौधरीले रोकी राखेको ठेलामा से ६ प ९७२२ नम्बरको मोटरसाइकल ठोक्किदा चालक कैलारी गाँउपालिका-३ दक्षिण भरडी बस्ने २३ वर्षीय अनुज चौधरीको मृत्यु भएको हो। दुर्घटनामा घाइते भएका चौधरीको सेती प्रादेशिक अस्पताल धनगढीमा उपचारको क्रममा मृत्यु भएको जिल्ला प्रहरी कार्यालय कैलालीले जनाएको छ।
काठमाडौं : नेपाल प्रहरीले प्रहरी सहायक निरीक्षक (असई) को लागि माग पद संख्या थप गरेको छ । प्रहरी प्रधान कार्यालयको भर्ना शाखाका अनुसार यसअघि कार्तिक ३ गते माग गरिएको २६० असईमा थप १०५ जनाको संख्या थप गरी जम्मा ३६५ जनाको पद संख्या कायम गरिएको हो ।
कैलाली : कैलालीमा लागुऔषधसहित तीन जना पक्राउ परेका छन्। जिल्लाको धनगढी उपमहानगरपालिका–७ जोखरतालबाट ७५० मिलिग्राम खैरो हेरोइनसहित सोही ठाँउका २९ वर्षीय रामकृष्ण चौधरीलाई बिहीवार दिउँसो प्रहरीले पक्राउ गरेको हो। यस्तै बर्दगोरिया गाउँपालिका– १ झगडपुरबाट १ ग्राम ६५० मिलिग्राम लागुऔषधसहित सोही ठाँउका २८ वर्षीय अनिल विक र २७ वर्षीय सन्तोष विकलाई पनि बिहीवार प्रहरीले पक्राउ गरेको हो। तीनै जनालाई नियन्त्रणमा लिएर थप अनुसन्धान भइरहेको प्रहरीले जनाएको छ।
काठमाडौँ : हाल नेपालमा पश्चिमी वायुको आंशिक प्रभाव रहेको मौसम पूर्वानुमान महाशाखाले जनाएको छ। जसको प्रभावले देशका पहाडी भूभागमा आंशिक बदली रही बाँकी भूभागमा मौसम मुख्यतया सफा रहेको छ। देशका तराईका धेरै स्थानहरूमा हुस्सु लागेको छ । आज दिउँसो कोशी, बागमती, गण्डकी र लुम्बिनी प्रदेशको पहाडी भूभागमा आंशिक बदली रही बाँकी भूभागमा मौसम मुख्यतया सफा रहनेछ। कोशी प्रदेशको उच्च पहाडी तथा हिमाली भूभागका एक–दुई स्थानमा हल्का हिमपातको सम्भावना रहेको छ । राति गण्डकी र कोशी प्रदेशको उच्च पहाडी तथा हिमाली भूभागका एक–दुई स्थानमा हल्का हिमपातको सम्भावना रहेको महाशाखाले जनाएको छ।