बझाङ: इजरायलमा प्यालेस्टाइनी इस्लामिस्ट समूह हमासको आक्रमणमा परी ज्यान गुमाएका बझाङका गणेश नेपालीको परिवारलाई नगरपालिकाले आर्थिक सहयोग गरेको छ। जयपृथ्वी नगरपालिका– ११ भोजपुरका नेपालीको परिवारलाई हिजो नगरपालिका प्रमुख चेतराज बजालले २५ हजार हस्तान्तरण गरेका हुन्। जयपृथ्वी नगरपालिकाको मेयरसँग जनता कार्यक्रम अन्तर्गतको बजेटबाट बजालले मृतकको परिवारलाइ आर्थिक सहयोग गरेका छन्। मृतक नेपालीको परिवारलाई नगर प्रमुख बजालले सरकारसँग समन्वय गरेर छिटो भन्दा छिटो शव ल्याउनको लागि आफूले पहल गर्ने बताएका छन्।
Author: महेन्द्रनगर पोष्ट
कञ्चनपुर: कञ्चनपुरको भीमदत्त नगरपालिका–१२ स्थित महाकाली नदीको तटीय क्षेत्रमा ‘बिचभलिबल’ प्रतियोगिता सुरु भएको छ। सुदूरपश्चिम प्रदेशका प्रदेश प्रमुख देवराज जोशीले प्रतियोगिताको शुभारम्भ गर्दै खेलकुद प्रतियोगिताले पर्यटन विकासमा टेवा पुग्ने बताए। उनले भने ,‘खेलकुद राष्ट्र र स्वास्थ्यका लागि मात्रै नभइ पर्यटनमा समेत टेवा पुर्याउँछ। यस्ता प्रतियोगिता भइराख्नुपर्छ।’ कञ्चनपुर जिल्ला भलिबल सङ्घ र नेपाली सेनाद्वारा संयुक्तरूपमा आयोजित सो प्रतियोगिता अगामी भोलि कात्तिक १ गतेसम्म जारी रहनेछ। प्रतियोगितामा ३२ टिमको सहभागिता रहेको छ। खुला तथा भेट्रानबीच पुरुष भलिबल प्रतियोगिता अन्तर्गत खुलातर्फ २३ टिमको र भेट्रानतर्फ नौ टिमको सहभागिता छ। खुलातर्फ प्रथम, द्वितीय र तृतीयलाई क्रमशः रु एक लाख, ५० हजार र २५ हजार…
काठमाडौं : आफूहरूलाई जानकारी नदिई नेपाल आयल निगमले एक्कासी डिजेल र पेट्रोलको मूल्य घटाउने निर्णय गरेको भन्दै पम्पहरूले पेट्रोलको बिक्री गर्न बन्द गरेका छन्। आइतबार साँझ निगमले मूल्य घटाएसँगै सोमबार देशभरका अधिकांश पम्पहरूले पेट्रोल बिक्रीमा रोक लगाएका हुन्। उनीहरूले आफूहरूलाई थाहै नदिई एक्कासी प्रतिलिटर ११ रूपैयाँले पेट्रोलको मूल्य घटाइएकाले विक्रेताहरूबीचको अनौपचारिक सहमतिका कारण तत्कालका लागि बिक्री रोक्नुपरेको बताएका छन्। निगमले आइतबार डिजेलको मूल्य लिटरमा ५ र पेट्रोलको मूल्य लिटरमै ११ रूपैयाँले घटाउने निर्णय गरेको थियो।
डडेल्धुरा : क्रेष्ट माइक्रो लाइफ इन्सोेरेन्स कम्पनीले डडेल्धुरामा नयाँ उपशाखा कार्यालय विस्तार गरेको छ। नेपाल बीमा प्राधिकरणबाट लघुबीमा कम्पनीको लाईसेन्स पाएको कम्पनीले डडेल्धुराको तुफानडाँडा बजारमा शाखा विस्तार गरि व्यवसायीक कारोबार सुरु गरेको हो। शाखा प्रमुख लक्ष्मण पाण्डेयले लघु जीवन बीमा न्यून आय भएकाहरुको लागि अति आवश्यक रहेको हुँदा यस लघु जीवन बीमाले सबैलाइ समेट्न सक्ने विश्वास लिएको बताए। पाण्डेयले एक कार्यक्रमका बीच बीमाको महत्त्वको बारेमा प्रकास पारेका छन्। पाण्डेयले गाउँका गरिब जनताको माँझमा स–साना बीमा सेवा पुर्याउने उद्देश्यले स्थापना भएका लघुजीवन बीमा कम्पनीहरुको आगमनसँगै बीमाको दायरा अझै बृद्धि हुने दाबी गरेका छन्। उक्त अवसरमा बीमा अभिकर्ता तालिम समेत सम्पन्न भएको…
काठमाडौं : दसैंको तेस्रो दिन, आज चन्द्रघण्टा देवीको पूजा आराधना गरिँदैछ। दसैं घर र विभिन्न शक्तिपीठहरुमा दुर्गाको एक रुप चन्द्रघण्टाको पूजा आराधना गरिँदैछ। नवदुर्गामध्येकी तेस्रो देवी चन्द्रघण्टाले हातमा चन्द्रमाको आधार भएको घण्ट लिने भएकाले नै यिनको नाम चन्द्रघण्टा रहन गएको भन्ने विभिन्न पौराणिक एवं धर्मशास्त्रीय ग्रन्थमा उल्लेख गरिएको छ। यस्ती देवीको पूजा आराधनाले शक्ति प्राप्त हुने भएकाले नवरात्रका अवसरमा विशेष पूजा आराधना गर्ने गरिएको नेपाल संस्कृत विश्वविद्यालयका पूर्व सहप्राध्यापक श्रीराम सापकोटाले जानकारी दिए। मार्कण्डेय पुराणमा ‘चन्द्रस् घण्टायां यस्यास् सा’ अर्थात् चन्द्रमा जसको घण्टामा रहेको छ उनको नाम चन्द्रघण्टा हो भनी उल्लेख गरिएको छ। चन्द्रघण्टा देवीले शीरमा अर्धचन्द्रका साथै घण्ट पनि…
बैतडीः बैतडीमा चट्याङ लागेर एक भैंसी र दुई बाख्रा मरेका छन्। जिल्लाको पाटन नगरपालिका–१० का शंकर बिष्टले पालेको भैंसी मरेको हो। चट्याङका कारण उनको घरमा जडान गरिएको विद्युतको मिटरबक्ससहित घरको वइरीङ्गमा समेत क्षति पुगेको प्रहरीले जानकारी दिएको छ। सोही ठाउँका गणेशदत्त अवस्थी र गोपाल बिष्टले पालेका एक/एक बाख्रा पनि चट्याङ लागेर मरेका छन्। चट्याङका कारण पाटन–१० का जयबहादुर बिष्ट, नन्दराज अवस्थी र धनबहादुर बिष्टको घरमा जडान गरिएको विद्युत मिटर बक्सका साथै अन्य उपकरणमा पनि क्षति पुगेको बताइएको छ।
काठमाडौँ : हाल नेपालमा पश्चिमी बायुको प्रभाव रहेको छ। जसको प्रभावले देशभर आंशिकदेखि सामान्य बदली रहेको छ। आज दिउँसो सुदूरपश्चिम, कर्णाली र लुम्बिनी प्रदेश लगायत देशको पहाडी भू(भागमा आंशिक देखि सामान्य बदली र बाँकी भूभागमा आंशिक बदली रहनेछ। सुदूरपश्चिम, लुम्बिनी र कर्णाली प्रदेश लगायत देशका पहाडी भूभागका थोरै र तराईका एक दुई स्थानहरूमा चट्याङ्ग सहित हल्का वर्षाको सम्भावना रहेको छ। देशको उच्च पहाडी तथा हिमाली क्षेत्रका थोरै स्थानहरूमा हल्का हिमपातको सम्भावना रहेको छ। राति सुदूरपश्चिम, कर्णाली, लुम्बिनी र गण्डकी प्रदेशमा आंशिक देखि सामान्य बदली रहनेछ। देशका पहाडी भूभागका एक दुई स्थानमा चट्याङ्गसहित हल्का वर्षाको सम्भावना रहेको छ।
बारा : सीमा क्षेत्रबाट निर्वाध तस्करी गर्दैआएका तस्करहरुलाई नियन्त्रण गर्न खोज्दा उल्टै जिल्ला प्रहरी कार्यालय बाराको टोलीलाई स्करहरुको समूहले आक्रमण गरेको छ । आइतबार राति छतवामा पुगेको जिल्लाको टोलीले भारतबाट तस्करीको धान नेपालतर्फ ल्याइरहेको अवस्थामा ४ वटा मोटरसाइकल र ५५ बोरा धान बरामद गरेको थियो । सोमबार पनि छतवामा जिल्ला प्रहरी कार्यालय बाराको टोली तस्करी नियन्त्रणमा खटिएको थियो । सोमबार भन्सारछली नियन्त्रणमा खटिएको जिल्ला प्रहरीको टोलीमाथि छतवा चौकीमै तस्करहरुको समूहले आक्रमण गरेको हो । जिल्लाका बिभिन्न नाकाबाट भन्सारछलीका सामान भित्रने गरेको सूचनापछि बारा प्रहरीले नाका नाकामा कडाइ सुरु गरेको छ । जिल्ला प्रहरीको टोली आइतबार धान बरामदपछि त्यस क्षेत्रमा तस्करी…
काठमाडौँ : ट्राफिक व्यवस्थापनमा उत्कृष्ट काम गरेको मुल्यांकनसहित उपत्यका ट्राफिक प्रहरी कार्यालयलाई पुरस्कृत गरिएको छ । ६८ औँ प्रहरी दिवसको अवसरमा आयोजित समारोहमा प्रहरी महानिरीक्षक वसन्त कुँवरले उपत्यका ट्राफिक प्रहरी कार्यालयका डिआईजी पोषराज पोखरेललाई पुरस्कार प्रदान गरेका हुन् । नेपाल प्रहरी अन्तर प्रदेश कार्यदक्षता मूल्याङ्कन (पुलिस व्याटन) मा ट्राफिक व्यवस्थापनमा उपत्यका ट्राफिक प्रहरी कार्यालय उत्कृष्ट ठहरिएको छ । कार्यदक्षता मुल्यांकनमा उत्कृष्ट ठहरिएका अन्य प्रहरी कार्यालयहरुलाई पनि पुरस्कृत गरिएको छ । प्रदेश कार्यालयतर्फ नेपाल प्रदेश प्रहरी कार्यालय जनकपुर, तालिम केन्द्रतर्फ प्रदेश प्रहरी तालिम केन्द्र दुधौली, गणतर्फ प्रदेश प्रहरी गण खजुरा बाँके, जिल्लातर्फ जिल्ला प्रहरी कार्यालय सुनसरी, र ईलाका तर्फ बुटवल उत्कृष्ट…
काठमाडौँ : प्रहरी महानिरीक्षक वसन्त कुँवरले बर्सभरि उत्कृष्ट काम गर्ने प्रहरी कर्मचारीलाई पुरस्कृत गरेका छन् । ६८ औँ प्रहरी दिवसको अवसरमा प्रहरी प्रधान कार्यालयमा आयोजित समारोहमा आईजीपी कुँवरले पुरस्कार र कदरपत्र प्रदान गरेका हुन् । उत्कृष्ट विपद् व्यवस्थापनको कार्य गर्ने प्रहरी जवान प्रकाश साउद, उत्कृष्ट आन्तरिक प्रशिक्षकतर्फ डीएसपी रामेश्वर पौडेल, उत्कृष्ट बाह्य प्रशिक्षक सई रेशम बहादुर बानिया, प्रहरी जवान सरिता थारू र सपोर्ट समूह प्राविधिकतर्फका प्रहरी निरीक्षक भक्त क्षेत्री पुरस्कृत भएका छन् । उत्कृष्ट खेलाडीतर्फ प्रहरी जवान विशाल सिंह विष्ट र प्रहरी कार्यालय सहयोगी सागर भण्डारीलाई सम्मानपत्र तथा नगद पुरस्कार प्रदान गरिएको छ । महिला बालबालिका तथा जेष्ठ नागरिक सेवा…