तनहुँ : तनहुँमा अरिङ्गालले टोकेर एक जना युवकको मृत्यु भएको छ। भानु नगरपालिका–७ स्थित जंगलमा अरिङ्गाल पोल्ने क्रममा घाइते भएका ती युवकको उपचारको क्रममा मृत्यु भएको जिल्ला प्रहरी कार्यालय तनहुँले जनाएको हो। प्रहरी नायब उपरीक्षक मोहनबहादुर खाँणका अनुसार भानु नगरपालिका–४ फलाखेत बस्ने २४ वर्षीय धनबहादुर तामाङ र सोही ठाउँ बस्ने ३२ वर्षीय राजकुमार तामाङ अरिङ्गालले टोकेर घाइते भएका थिए। दुवै जनालाई लक्ष्मी अस्पताल डुम्रेमा प्राथमिक उपचारपछि थप उपचारका लागि चितवन मेडिकल कलेज चितवनमा पठाइएको थियो। घाइतेमध्ये राजकुमार तामाङको सोमबार बिहान उपचारको क्रममा मृत्यु भएको हो। अर्का घाइते धनबहादुर तामाङको सोही अस्पतालमा उपचार भइरहेको छ।
Author: महेन्द्रनगर पोष्ट
मुगु : मुगुस्थित छायाँनाथ रारा नगरपालिका– ६ मन्दु गाउँमा सामूहिक हत्या भएको चार दिनपछि प्रहरिले एक जना शंकास्पद व्यक्तिलाई नियन्त्रणमा लिएको छ। आइतबार दिउँसो अन्दाजी १२ बजेको समयमा जिल्ला सदरमुकाम गमगढीस्थित बिच बजार (नगरपालिका जाने बाटो) बाट प्रहरीले शंकास्पत ती व्यक्तिलाई नियन्त्रणमा लिएको हो। प्रहरिले नियन्त्रणमा लिएका ती व्यक्तिबारे विस्तृत सूचना भने गोप्य राखेको छ। हत्या अनुशन्धानका लागि ११ गते नै जुम्ला, कोहलपुर र कर्णाली प्रदेश प्रहरी कार्यालयबाट विशेष अनुसन्धान टोली मुगु पुगेर अनुसन्धान गरिरहेको थियो। आइतबार बिहान हत्यारा नजिक प्रहरी पुगिसकेको प्रहरी नायब उपरिक्षक विरेन्द्र थापाले बताएका थिए। शंकास्पद र अनुसन्धानले नजिक पुर्याएको एक जना व्यक्तिलाई प्रहरीले नियन्त्रणमा लिएको…
दाङ: दाङमा प्रहरीले पक्राउ गरेको एक व्यक्ति फरार भएका छन्। मोबाइल चोरेको भन्दै तीन दिनअघि प्रहरीले पक्राउ गरेका दाङ घोराहीका विवेक नेपाली शौचालय जान्छु भन्दै भागेका हुन्। उनी स्वास्थ्य परीक्षण गर्न राप्ती स्वास्थ्य विज्ञान प्रतिष्ठानमा लगेका बेला भागेको जिल्ला प्रहरी प्रमुख एसपी रामबहादुर केसीले जानकारी दिए। उनको अहिले खोजी भइरहेको एसपी केसीले बताए।
काठमाडौँ: आइसिसी ट्वान्टी २० विश्वकप एसिया छनोटअन्र्गत आज भइरहेको उद्घाटन खेलमा नेपालले सिङ्गापुरविरुद्ध पहिला फिल्डिङ गरिरहेको छ। कीर्तिपुरस्थित त्रिभुवन विश्वविद्यालयको क्रिकेट क्रिकेट मैदानमा अहिले भएको टसमा सिङ्गापुरका कप्तान अरित्र दत्तले टस जितेर पहिला ब्याटिङ गर्ने निर्णय लिएका थिए। तर, सिंगापुरले लगातार विकेट गुमाउन पुगेको छ। सिंगापुरले ११ ओभरमा ७५ रन जोड्दा आफ्ना ५ विकेट गुमाएको हो। उसका लागि सर्वाधिक रन बनाएका रोहन रङ्गराजा ४६ रनमा आउट भएपछि क्रिजमा आएका अमर्त्या कउल पनि शुन्य रनमा आउट भए।दशौं ओभरमा पूर्वकप्तान सन्दीप लामिछानेले पाचौं विकेट लिएका हुन्। लामिछानेले १०।२ ओभर जनक प्रकाशलाई आउट गरेका छन्। त्यसअघि सिंगापुरका सुरेन्द्र चनद्रमोहन सन्दीप लामिछानेको बलमा ६…
कञ्चनपुरः कञ्चनपुरको हल्दुखालस्थित एक जुवाखालबाट आठ जना पक्राउ परेका छन्। भीमदत्त नगरपालिका–७ हल्दुखाल स्थित खोला किनारमा जुवातास खेलिरहेको अवस्थामा भीमदत्त नगरपालिका–६ ऐंठपुरका ४० वर्षीये पारस भट्टसहित ८ जनालाई आईतबार राति प्रहरीले पक्राउ गरेको हो। विशेष सूचनाको आधारमा जिल्ला प्रहरी कार्यालय कञ्चनपुरबाट खटिएको प्रहरीले उनीहरूलाई १ लाख १४ हजार १ सय १० रुपैँया नगद, १ गड्डी तास, मोटरसाईकल ६ थान र स्कुटी १ थानसहित उनीहरुलाई पक्राउ गरेको बताएको छ। यस सम्बन्धमा प्रहरीले थप अनुसन्धान गरिरहेको प्रहरी नायव उपरीक्षक तथा सूचना अधिकारी प्रकाश डाँगीले जानकारी दिए।
कैलाली: डाक्टर अमृत राज जैशीले आफूले अवैध डेन्टल केयर सञ्चालन नगरेको बताएका छन्। महेन्द्रपोष्टले शनिवार ‘सेतीका डाक्टरको धनगढीमै अवैध संजिवनी डेन्टल !’ शिर्षकमा प्रकाशित गरेको समाचारको खण्डन गर्दै उनले आफू हाल सेती प्रादेशिक अस्पतालमा र्कारत नरहेको तथा संजिवनी डेन्टल आफ्नो नभएको दाबी गरेका हुन्। उनले उक्त डेन्टर केयर धनगढी संजिवनी पोलिक्लिनिकले सञ्चालन गरिरहेको र आफू त्यहाँ कर्मचारीको रुपमा काम गर्ने बताएका छन्। यस्तो छ उनले पठाएको खण्डन: श्रीमान सम्पादक ज्यूमहेन्द्रनगर पोष्ट विषय :– समाचार खण्डन गरि सम्प्रेषण गर्नेबारे । उपरोक्त विषयका सम्बन्धमा म डा अमृत राज जैशीको बारेमा हिजो तपाइको अनलाइन पत्रिकामार्फत सम्प्रेषण भएको मसँग सम्बन्धित समाचार पूर्णतह भ्रमपुर्ण र…
अछाम: अछाममा जीप दुर्घटना भएको छ। सोमबार बिहान जिल्लाको चौरपाटी गाउँपालिका–१ स्थित बिउनी भन्ने स्थानमा से१ज ४९० नम्बर जीप दुर्घटनामा परेको हो। गैरिलेक बजारबाट खान्डाँडातर्फ यात्रु ल्याउन जाने क्रममा जीप दुर्घटनामा परेको प्रहरी चौकी सिउँडीले जनाएको छ। जीपमा चालक धनबहादुर थापा मात्रै रहेको बुझिएको छ। उनी सामान्य घाइते भएको प्रहरीले जनाएको छ। जीप सडकबाट करिब १५० मिटर तल खसेको थियो।
महेन्द्रनगर : नेपाल रेडक्रस सोसाइटीले सुदूरपश्चिमका भूकम्प पीडितका लागि दुई सय ५० अस्थायी आवास बनाउन सहयोग गर्ने भएको छ। गत असोजको तेस्रो साता सुदूरपश्चिममा आएको भूकम्पले बझाङ र बाजुरामा बढी क्षति पु-याएको थियो। रेडक्रस तथा रेडक्रिसेन्ट सोसाइटीहरुको अन्तराष्ट्रिय महाङ्घ (आइएफआरसी) आर्थिक सहयोगमा रेडक्रसले बाजुरा र बझाङमा भूकम्प प्रभावितका लागि शौचालयसहितको अस्थायी आवास बनाउन सहयोग गर्न लागेको हो। त्यसैगरी ती दुई जिल्लाका छ सय भूकम्प प्रभावित परिवारलाई १५ हजारका दरले अत्यावश्यक सामग्री खरिदका लागि रकम वितरण गर्ने रेडक्रसले जनाएको छ। सुदूरपश्चिममा भूकम्पपछि राहत र पुनःनिर्माणका सक्रियता देखाएको नेपाल रेडक्रसले गत असोजमा बझाङ र बाजुरामा गएको भूकम्पबाट पीडित नागरिकको सहयोग विभिन्न पालिकामा…
कैलाली: लागुऔषधको कारोबारी तथा प्रयोगकर्ताले भरिएको कैलालीबाट फेरि चारजना समातिएका छन्। टीकापुर नगरपालिका–९ खक्रौलास्थित सडकबाट ९९० मिलिग्राम ब्राउन सुगरसहित टीकापुर नगरपालिका वडा न १ का २२ वर्षीय नरेश रावल र २४ वर्षीय प्रदीप भण्डारीलाई शनिबार साँझ प्रहरीले पक्राउ गरेको हो। प्रहरी चौकी कालाकुण्डाबाट प्रहरी नायव निरीक्षक राजेन्द्र कुमालको नेतृत्वमा खटिएको प्रहरीले उनीहरूलाई पक्राउ गरेको हो। यस्तै भजनी नगरपालिका–२ गौनियाबाट एक ग्राम १९० मिलिग्राम लागूऔषध ब्राउनसुगरसहित सोही नगरपालिका–१ का २६ वर्षीय तपेन्द्र बोहरा समेत दुई जनालाई शनिबार दिउँसो प्रहरीले पक्राउ गरेको छ। से७ प १०१६ नम्बरको मोटरसाइकलमा सवार उनीहरूलाई प्रहरीले लागुऔषधसहित पक्राउ गरेको हो। पक्राउ परेकामाथि थप अनुसन्धान गरिरहेको जिल्ला प्रहरी…
नयाँदिल्ली : भारतको आन्ध्र प्रदेशको भिजियानगरम जिल्लामा दुई ओटा यात्रुवाहक रेल एकआपसमा ठोक्किएका छन्। रेल दुर्घटनामा कम्तीमा ९ जनाको मृत्यु भएको छ भने करिब ४० यात्रु घाइते भएका छन्। घाइतेहरुको स्थानीय अस्पतालमा उपचार भइरहेको छ। मृतकका लागि क्षतिपूर्ति घोषणा गरिएको छ। प्रधानमन्त्री नरेन्द्र मोदी र आन्ध्र प्रदेशका मुख्यमन्त्री वाईएस जगनमोहन रेड्डीले यस दुर्घटनाप्रति दुःख व्यक्त गरेका छन्। सो दुर्घटनामा पर्ने रेलहरुमा ०८५३२ विशाखापट्टनम– पलासा यात्री र ०८५०४ विशाखापट्टनम– रायगडा यात्री विशेष रहेको रेलवेले जनाएको छ।