धनगढी: कैलालीस्थित गौरीगंगामा सरकारी नम्बर प्लेटको मोटरसाइकल दुरुपयोग भएको पाइएपछि आलोचना भएको छ। गौरीगंगा नगरपालिकाको नाममा रहेको ६८५ नम्बरको मोटरसाइकलले दुध ढुवानी गरेको भन्दै यतिबेला समाजिक संजालमा चर्को आलोचना भइरहेको हो। उक्त मोटरसाइकल नगरपालिकाका सहायक लेखापाल उप्रेन्द्र गिरीले चलाएको खुलेको छ। तर गिरीले भने आफूले सहयोग गर्दा आलोचना सहनुपरेको प्रतिक्रिया दिएका छन् । ‘छिमेकीको छोरीको बिहे थियो । बजारबार दुध ल्याउन बाइक मागिरहेका थिए, मैले बाइक दिन मिल्दैन बरु म आफै ल्याइदिन्छु भनेर सहयोग मात्रै गरेको हो’ उनले भने, ‘सहयोग गर्दा गलत मानसिकता भएका मान्छेहरुले बदनाम गर्ने प्रयास गरे।’
Author: महेन्द्रनगर पोष्ट
डडेल्धुरा: डडेल्धुराको किर्तिपुरमा एकपछि अर्को गर्दै २ ओटा गाडीका ब्रेक फेल भएका छन्। आज(बिहिवार) सु प्र प्र ०१००१ ख २७८३ नम्बरको ट्रक ओरालोमा ब्रेक फेल भएर डिलतिरको पिल्लरमा ठोक्किएको थियो। आजै बिहान सोही स्थानमा सु प्र प्र ०१००२ त ६५०७ नम्बरको ट्याक्टरको समेत ब्रेक फेल भएको स्थानीय आकाश गुरुङले बताएका छन्। दुवै सवारी साधनले भीमदत्त राजमार्ग अवरुद्ध हुँदा जाम लागेको छ। सडक सुचारु गर्ने प्रयास भइरहेको जिल्ला ट्राफिक कार्यालय डडेल्धुराले जनाएको छ।
काठमाडौं: सर्भियाको राजधानी बेलग्रेडस्थित एक प्राथमिक स्कुलमा गोली ९ जनाको मृत्यु भएको छ भने ७ जना घाइते भएका छन् । एक नाबालिगले आफ्नै स्कुलमा गोली चलाउँदा आठ जना विद्यार्थी र एकजना सुरक्षा गार्डको मृत्यु भएको बीबीसीले जनाएको छ । ६ जना विद्यार्थी र एकजना शिक्षक घाइते भएका छन् । गोली चलाउने व्यक्ति १३ वर्षीय नाबालिग रहेको प्रहरीले जनाएको छ । उनले आक्रमणको योजना पहिलेदेखि बनाएको र क-कसलाई मार्ने भनेर सूची तयार पारेको प्रहरीको भनाइ छ । उनलाई प्रहरीले पक्राउ गरेको छ । घटनापछि राष्ट्रपति एलेक्जेन्डर बुसिकले तीन दिन शोकको घोषणा गरेका छन् ।
काठमाडौं: बेलायतका राजा चार्ल्स तृतीयको राज्याभिषेकमा नेपालको तर्फबाट सहभागिता जनाउन परराष्ट्रमन्त्री एनपी साउद बेलायत जाँदैछन्। आज बिहान ११ बजेको उडानमार्फत उनी बेलायत जान लागेका हुन्। राज्याभिषेकमा सहभागी भई २६ वैशाखमा साउद काठमाडौं फर्किने स्वकिय सचिव दीपककुमार जोशीले जानकारी दिए। चार्ल्स तृतीयको राज्याभिषेकमा सहभागी हुन नेपालबाट राष्ट्रपति रामचन्द्र पौडेल जाने कार्यक्रम थियो। तर उपचारपछि काठमाडौं फर्किएका पौडेलको स्वास्थ्य प्रतिकूलताका कारण साउदले सहभागिता जनाउन लागेका हुन्। वैशाख २३ गते (मे ६ तारिख) मा बेलायती राजा चार्ल्स तृतीयको बकिङ्घम दरबारमा राज्याभिषेक कार्यक्रममा रहनेछ। गत सेप्टेम्बरमा महारानी एलिजावेथ द्वितीयको निधन भएको थियो। उनका उत्तराधिकारी तथा बेलायती राजा चार्ल्स तृतीयको राज्याभिषेक समारोह मनाइँदैछ।
काठमाडौं: हाल देशमा पश्चिमी वायुको साथै स्थानीय वायुको प्रभाव रहेको छ। जल तथा मौसम विज्ञान विभाग, मौसम पूर्वानुमान महाशाखाका अनुसार हाल देशभर आंशिकदेखि सामान्य बदली रहेको छ । दिउँसो देशको पहाडी भू–भागमा आंशिक देखि सामान्य बदली रही बाँकी भू–भागमा आंशिक बदली देखि मौसम सामान्यतया सफा रहने छ। देशका पहाडी भू–भागका थोरै स्थानहरू तथा बाँकी भू–भागमा एक दुई स्थानमा मेघ गर्जन र चट्याङ्गसहित क्षणिक वा हल्का वर्षाको सम्भावना रहेको छ। राती भने देशको पहाडी भू–भागमा आंशिक देखि सामान्य बदली रही बाँकी भू–भागमा आंशिक बदली देखि मौसम सामान्यतया सफा रहने छ। देशको पहाडी भू–भागका थोरै स्थानहरूमा मेघ गर्जन र चट्याङ्गसहित क्षणिक वा…
काठमाडौँ: नेकपा एमालेका सचिव टोपबहादुर रायमाझी पक्राउ परेका छन्। काठमाडौं आउँदै गरेका अवस्थामा उनलाई भैरहवाबाट नियन्त्रणमा लिइएको हो। छोरा सन्दिपसँगै उनलाई पनि काठमाडौं ल्याइँदैछ। नेपालीहरूलाई नक्कली भुटानी शरणार्थी बनाएर अमेरिका पठाउने गिरोहलाई सहयोग गरेको आरोपमा पूर्व मन्त्री रायमाझीलाई नियन्त्रणमा लिइएको हो। उनका छोरा सन्दीपको नाममा डेढ करोडको चेक काटिएको भेटिएको थियो, उनी पनि संलग्न रहेको आरोपमा हिजो उनीमाथि पक्राउ पुर्जी जारी गरिएको थियो।
काठमाडौं: गत शुक्रबार गृहमन्त्रालयले १८ जना प्रहरी उपरीक्षक (एसपी) लाई बरिष्ठ प्रहरी उपरीक्षक (एसएसपी) बढुवा सिफारिस ग¥यो। गृहमन्त्रालयका सचिब विनोद सिंहको अध्यक्षमा बसेको बढुवा समितिको बैठकले एसएसपीको प्रतिस्पर्धामा रहेका २५ जना एसपीमध्ये १८ जनालाई बढुवा सिफारिस गरेको थियो। त्यसको एकसाता अघिमात्रै सोही बढुवा समितिले २९ चैतमा १८ जना एसएसपीबाट १३ जनालाई प्रहरी नायव महानिरीक्षक (डीआईजी)लाई बढुवा गरेको थियो।तर, यी दुबै बढुवा विवादरहित भने हुन सकेन। ब्यवसायिक प्रहरी अधिकारीलाई बढुवा छुटाएर राजनीतिक पहुचका भरमा बढुवा गरिएकोभन्दै प्रहरी प्रमुख आईजीपी बसन्तबहादुर कुवँरको तीव्र आलोचना हुन थालेको छ। डीआईजी बढुवामा छुटेका एसएसपी चक्रबहादुर सिंह र एसएसपीको बढुवा छुटेका एसपी नान्तिराज गुरुङले सार्वजनिक रुपमै…
धनगढी: दार्चुलाको व्यास गाउँपालिका–१ छाङरुस्थित बोलिनमा हिम पहिरोमा बेपत्ता भएका पाँच मध्ये अझै २ जना फेला परेका छैनन्। तीन जनाको भने हिजो शव फेला परेको थियो। नेपाल प्रहरी र सशस्त्र प्रहरी बल, नम्बर ५० गुल्म छाङरुको टोली खोजी र उद्धार कार्यमा संलग्न रहेको छ। हिजो ३ जनाको शव फेला परेको र अझै २ जना बेपत्ता रहेको जिल्ला प्रहरी कार्यालय दार्चुलाका प्रहरी निरीक्षक ज्ञानेन्द्र सिंहले जानकारी दिए। हिजो भेटिएका तीन वटै शवको सनाखत भइसकेको प्रहरी निरीक्षक सिंहले बताए। उनका अनुसार नक्नी डोमा थापा, कमला कुँवर र प्रवीण कुँवरको शव फेला परेको हो। कमला र प्रवीण आमा छोरा हुन्। हिम पहिरोमा बेपत्ता…
धनगढीः धनगढीको छ लेन सडक खण्डमा लगाएका रेलिङ चोरी भएका छन्। हिजो धनगढी उप–महानगरपालिकाको छ लेन क्षेत्रको सडक खण्डमा लगाएका रेलिङहरू चोरी भएको जनाएको छ। भन्सारदेखि चौराह क्षेत्रका सडकमा लगाएका रेलिङहरू चोरी भइरहेको नगरपालिकाले जनाएको हो। यसअघि त्यहाँ रोपिएका फूलहरुसमेत चोरी भएको गुनासो आएको थियो।
धनगढी: कञ्चनपुरको शुक्लाफाँटामा एक प्रधानाध्यापकले कुटेर बालिका घाइते भएकी छन्। शुक्लाफाँटा–३ को जनज्योती आधारभूत विद्यालयकी प्रधानाध्यापक सरिता चौधरीले कक्षा २ मा अध्ययनरत बालिकामाथि कुटपिट गरेकी हुन्। चौधरीको कुटपिटबाट ८ वर्षीय बालिका सिया चौधरीको हातमा चोट लागेको छ।बालिकाकी आमाले सरसफाई नगरेको भन्दै प्रधानाध्यापकले कुटपिट गरेको बताइन्। कक्षा २ मा अध्ययनरत २० जना बालबालिकालाई प्रधानाध्यापकले कुटपिट गरेको स्थानीय प्रकाश चाधरीले बताए। प्रधानाध्यापक सरितामाथि बिहीबार प्रहरीमा उजुरी दिने स्थानीयको तयारी छ। तर यता चौधरीले भने अन्जानमा विद्यार्थीलाई चोटपटक लागेको बताइन्।