काठमाडौं: नेकपा एमालेका निलम्बित सचिव टोपबहादुर रायमाझीको बयान सकिएको छ । भुटानी शरणार्थी प्रकरणमा प्रहरीले वैशाख ३१ मा रायमाझीलाई पक्राउ गरेर अनुसन्धान गरिरहेको छ । सोमबार म्याद थप गरेपछि प्रहरीले जिल्ला सरकारी वकिलको रोहबरमा रायमाझीसँग बयान लिएको थियो । रायमाझीको बयान पुरा भएको जिल्ला सरकारी वकिल कार्यालय काठमाडौँले जनाएको छ ।
Author: महेन्द्रनगर पोष्ट
कञ्चनपुर: कञ्चनपुर प्रहरीले लागुऔषधसहित २ जनालाई गिरफ्तार गरेको छ। हिजो बेलुका प्रहरीले भीमदत्त नगरपालिका–१७ बासखेडाबाट ठूलो परिणाममा लागुऔषधसहित दुई जना स्थानीय युवालाई पक्राउ गरेको हो। ६३ एम्पुल रेक्सोजेसिससहित वडा नम्बर ४ का २७ वर्षीय प्रदिप भट्ट र वडा नम्बर १८ का १९ वर्षीय इनामियल राईलाई पक्राउ गरिएको जिल्ला प्रहरी कार्यालयका डिएसपी प्रकाश डाँगीले जानकारी दिए। राईले उक्त लागुऔषध कालो पोलिथिनमा हालेर कट्टुभित्र लुकाइराखेको प्रहरीले जनाएको छ। पक्राउ परेका दुवैजनामाथि थप अनुसन्धान भइरहेको प्रहरीले बताएको छ।
कैलाली: २०७२ भदौ ७ गते कैलालीको टीकापुरमा भएको नरसंहारका प्रतिवादी रेशमलाल चौधरी लगायतको मुद्दामा आज पनि बहस हुने भएको छ। यो मुद्दा हिजो हेर्दाहेर्दैमा राखिएको थियो। हिजो सर्वोच्च अदालतका न्यायाधीशद्वय डा. आनन्दमोहन भट्टराई र नहकुल सुवेदीको संयुक्त इजलासमा परेको उक्त मुद्दामा बहस नसकिएपछि पुनः हेर्दाहेर्दैमा राखिएको थियो। यसअघि कैलाली जिल्ला अदालत र उच्च अदालत दीपायलले टीकापुर घटनामा चाैधरीसहितका व्यक्तिलाई दोषी ठहर गरेकाे थियाे। चौधरी अहिले डिल्लीबजार कारागारमा कैद सजाय भुक्तान गरिरहेका छन्। जेलबाटै उनले आफूहरू निर्दाेष रहेकाे दाबी गर्दै उच्च अदालतको फैसला बदर हुनुपर्ने जिकिरसहित पुनरावेदन गरेका थिए। रिटमाथि सर्वोच्च अदालतमा बहस जारी छ।
दार्चुला: दार्चुलामा चट्याङ लागेर घाइते भएका तीन जना यार्सा संकलकको चार दिनपछि उद्धार गरिएको छ। आज उनीहरुलाई नेपाली सेनाको हेलिकोप्टरमार्फत उद्धार गरी तीनै जनालाई उपचारका लागि नेपालगञ्ज पठाइएको हो। जिल्लाको व्याँस गाउँपालिका–२ हुँम्दुङतीस्थित पाटनमा चट्याङ लागेर घाइते भएका दुँहु गाउँपालिका–२ हिकिलाका १८ वर्षीय महेश बडाल, वडा नम्बर पिपलचौरी बास्पालीका ३८ वर्षीय आन सिंह महरा र उनकी ३३ वर्षीया श्रीमती मानमतीलाई नेपालगञ्ज पठाइएको प्रमुख जिल्ला अधिकारी किरण जोशीले जानकारी दिइन्। शनिबार राती चट्याङ लागेर उनीहरु घाइते भएका थिए। बाटो पनि अप्ठेरो भएकाले प्रहरी टोली उक्त स्थानमा पुग्न सकेको थिएन।
धनगढी: कैलालीको धनगढीमा बेहोस भेटिएर उपचारको क्रममा मृत्यु भएका एक युवकको परिवारलाई सम्पर्कमा आउन प्रहरीले अनुरोध गरेको छ। हिजो सोमबार साँझ धनगढी उपमहानगरपालिका-३ स्थित शुभश्री रेस्टुरेन्ट एन्ड बारमा उनी बेहोस अवस्थामा भेटिएको जिल्ला प्रहरी कार्यालय कैलालीले जनाएको छ। त्यसपछि उपचारका लागि सेती प्रादेशिक अस्पताल लगिएपछि उनको त्यहीँ मृत्यु भएको थियो। तर, अन्दाजी ३८ वर्षीय ती पुरुषको हालसम्म पनि सनाखत हुन सकेको छैन। प्रहरीले उनलाई चिन्ने जो कोहीले सम्पर्क गर्न अनुरोध गरेको छ। हाल लाश सेती अस्पतालको शवघरमा राखिएको छ।
डडेल्धुरा: सुदूरपश्चिम समाज कोरियाले दक्षिण कोरियाको खेङ्गिदो, दोन्दुछ्नमा सेल्टर स्थापना गरेको छ। नेपालबाट रोजगारीको सिलसिलामा दक्षिण कोरिया आएर अलपत्र परेका तथा कार्यस्थल परिवर्तन गर्दा बस्ने स्थान नपाउने समस्यालाई मध्यनजर गर्दै सेल्टर स्थापना गरिएको हो। उक्त सेल्टरको समाजका वरिष्ठ सल्लाहकार डा. अग्नि कोइराला, अध्यक्ष सन्तोष कुमार सूवर्णकार, पूर्व अध्यक्ष तथा वर्तमान सल्लाहकार कमल शाह र निवर्तमान अध्यक्ष तथा वर्तमान सल्लाहकार यजनामन नायकले संयुक्त रुपमा उद्घाटन गरेका थिए। विभिन्न सामाजिक कार्य र आपतकालिन कार्यका लागि स्थापमा भएको सुदूरपश्चिम समाजले नेपाल तथा कोरियामा रहेका धेरै संघसंस्थासँग सहकार्य गरेर विपन्न नेपालीहरुलाई सहयोग गर्दै आएको छ। समाजले नेपालमा घट्ने दैवीप्रकोपका घटनामा समेत रकम संकलन गरेर…
काठमाडौँ: नेपालमै उत्पादन भएको पहिलो विद्युतीय मोटरसाइकल यात्री औपचारिक रूपमा पहिलो पटक दर्ता भएको छ। यात्री मोटरसाइकल सवारी तथा यातायात व्यवस्था ऐन, २०६० को संशोधन तथा नयाँ व्यवस्था थप गरेसँगै दर्ता भएर यात्रीले पहिलोपटक नम्बर प्लेट पाएको हो। यसअघि कानुनमा नेपालमा उत्पादन भएका सवारी साधन दर्ता गर्ने कानुनको अभावमा यातायात कार्यालयमा दर्ता हुन नसक्दा सरकारको आलोचना भएको थियो। संसद्मा समेत यस विषयमा कुरा उठेपछि सरकारले फास्ट ट्रयाकमा कानुन संशोधन गर्दै नेपालमा उत्पादन भएका सवारी साधनको दर्ता हुने प्रक्रिया सुरु गरेको हो। सन् २०१७ मा कम्पनी स्थापना गरी २०२१ देखि मोटरसाइकल उत्पादन थालेको यात्रीले पहिलोपटक आधिकारिकता पाएको छ म।
धनगढी: कैलालीको कैलारी गाउँपालिका विद्युत सेवा अवरुद्ध भएको छ। सोमबार साँझ आएको आँधीहुरीले विधुत पोलहरु भाँचिदा विद्युत सेवा अवरुद्ध भएको हो। नेपाल विद्युत प्राधिकरण धनगढीका प्रमुख सूर्य नारायण मण्डलले कैलारी गाउँपालिका ३ स्थानमा विद्युत पोलहरु भाँचिदा सेवा अवरुद्ध भएको जानकारी दिए। उनले मर्मतको प्रयास जारी रहेको बताए।
कञ्चनपुर: कञ्चनपुरको पुनर्वास नगरपालिकामा सरकारी सवारी साधनको दुरुपयोग भएको आरोप लगाउँदै नेपाल राष्ट्रिय स्वतन्त्र पार्टी (रास्वपा) पुनर्वास समितिले नगरपालिकाको ध्यानाकर्षण गराएको छ। पुनर्वास नगरपालिकामा सरकारी नम्बर प्लेट भएका सवारी साधन र ईन्धनको चरम दोहन भएको जनगुनासो आएपछि आफूहरुले नगरपालिकालाई खबरदारी गरेको रास्वपा पुनर्वासका सभापति सुरेश गजुरेलद्वारा जारी विज्ञप्तिमा उल्लेख छ । व्यक्तिगत काम तथा पारिवारिक सदस्यले उपभोग गर्ने र सिमावर्ती भारतीय बजारमा किनमेल गर्न सरकारी सवारी साधन लैजाने गरिएको जनगुनासो बढेपछी नगरपालिकाको ध्यानाकर्षण गराएको विज्ञप्तिमा उल्लेख छ।
डडेल्धुरा : समाजसेवी विनय प्रकाश मल्लले डडेल्धुराको अमरगढी नगरपालिका- ६ का ४ जनालाइ खाद्यान्न सहयोग गरेका छन्। उनले दुमडा निवासी जानकी टमटा ,।एलिशा ताम्राकार र सोही वडा छचोडा निवासी मनिशा ताम्राकार र सावित्री ताम्राकारलाई खाद्यान्न सहयोग गरेका हुन्। मल्लले प्रतिव्यक्ति १ कट्ठा चामल, २ किलो दाल, २ पोका तेल, नुन र मसला गरि ४ जनालाई खाद्यान्न सहयोग गरेका हुन्। समाजसेवी मल्लले विगत ८ वर्षदेखि डडेल्धुराका विभिन्न क्षेत्रमा रहेको दिनदुखीलाई राहत, स्वास्थ्य उपचार, शिक्षा, बिधालयमा शैक्षिक सामग्री, पढ्नबाट बञ्चित भएका बालबालिकाहरुलाई शैक्षिक सामग्री, विद्यालय पोशाक, मठमन्दिर निर्माण तथा कला संस्कृतिहरुलाई जेगर्ना गर्नका लागि सहयोग गर्दै आईरहेका छन्। डडेल्धुरा घर भएका मल्ल…