दार्चुलाः दार्चुलामा यार्सागुम्बा टिप्न गएका एक जनाको मृत्यु भएको छ । जिल्लाको व्यास गाउँपालिका–१ छाङरुका ४२ वर्षीय वीरसिँह ऐतवालको व्यास–१ को कुन्ति भन्ने ठाउँमा मृत्यु भएको प्रहरीले बताएको हो । यार्सागुम्बा टिप्न गएका ऐतवालको माथिबाट आएको ढुङ्गा टाउकोमा लागेर मृत्यु भएको दार्चुला प्रहरीले जनाएको छ । त्यस्तै, ऐतवालसँगै गएका पुष्कर ऐतवाल घाइते भएको प्रहरीले बताएको छ।
Author: महेन्द्रनगर पोष्ट
काठमाडौँ: नेपाली कांग्रेसका सभापति शेरबहादुर देउवाका छोरा जयवीरसिंह देउवाले इन्गेजमेन्ट गरेका छन् । कभर सिंगर शिवाना श्रेष्ठ र जयवीरसिंहले औंठी साटेको तस्वीर शिवानीकी आमा प्रतिभा श्रेष्ठले इन्स्टाग्राम स्टोरीमार्फत सार्वजनिक गरेकी छन् । पारिवारिक स्रोतका अनुसार काठमाडौंमा गत जेठ १ गते दुई परिवार र केही साथीहरू उपस्थित समारोहमा जयवीरले शिवानासँग इन्गेजमेन्ट गरेका हुन् । पूर्वप्रधानमन्त्री देउवा तथा उनकी पत्नी समेत रहेकी कांग्रेस सांसद आरजु राणाले भने यसबारेमा कुनै प्रतिक्रिया दिएका छैनन् । देउवाको पारिवारिक स्रोतका अनुसार जयवीर र शिवानाबीच माघमा बिहे गर्ने तयारी छ।
कञ्चनपुर: कञ्चनपुरका तीन पालिकामा आधुनिक साइरन जडान गरिएका छन् । जिल्लाको पुनर्वास नगरपालिका, लालझाडी गाउँपालिका र शुक्लाफाँटा नगरपालिकामा आधुनिक साइरन जडान गरिएका हुन् । नेपाल रेडक्रस सोसाइटी केन्द्रीय कार्यालयको सहजीकरण,राष्ट्रिय विपद् जोखिम न्यूनीकरण तथा व्यवस्थापन प्राधिकरणद्वारा बहुप्रकोपीय पूर्वसूचना प्रणालीका लागि पहिलो पटक आधुनिक (साइरन प्रणाली) जडान गरिएको नेपाल रेडक्रस सोसाइटी स्ट्रोङ परियोजना शुक्लाफाँटा नगरपालिकाका पालिका सहायक देवबहादुर महराले बताए । यो प्रणालीले सम्भावित विपद्बारे सर्वसाधारणलाई सूचित गर्नेछ । साइरन प्रणालीमा सिमकार्ड र इन्टरनेटको सुविधा हुने भएकाले स्थानीय पालिका, जिल्ला, प्रदेश र केन्द्रबाट सूचना प्रवाह गर्न सकिने बताइएको छ । प्रणालीले ध्वनी मात्र निकाल्ने नभएर स्थानीय भाषामा समेत सूचना वा जानकारी…
डडेल्धुराः दाई बसेको कोठाको भाडा नतिरेको भन्दै चर्को आलोचना भएपछि सागर ढकालका भाइले डडेल्धुरामा रहेकी घरबेटीलाई रकम भुक्तान गरेका छन्। भाडा नतिरेको भन्ने समाचार सम्प्रेषण भएपछि उनका भाईले बाँकी रहेको १५ हजार खातामा पठाएको घरबेटी सीतादेवी भाटले बताइन्। प्रतिनिधि सभा निर्वाचनका बेला डडेल्धुरामा कोठाभाडा लिएरका स्वतन्त्र उम्मेदवार सागर ढकालले भाडा नतिरेको पाइएको थियो। डडेल्धुराको अमरगढी नगरपालिका–५ विद्युत् रोडमा कोठा भाडा लिएका ढकालले आठ महिनादेखिको भाडा नतिरेको घरधनी सीतादेवी भाटले बताएकी थिइन्। कोठामा ताला लगाएर ढकाल सम्पर्कविहीन रहेको उनको भनाइ थियो। त्यसपछि विभिन्न सञ्चार माध्यममा समाचार आएपछि सागर ढकालले केही महिनाअघि मात्रै डडेल्धुरा आएको र आफू बस्ने घर चुहिने भएको भन्दै…
काठमाडौँँ: हुम्लाको अदानचुली गाउँपालिकाको गल्फागाडमा कर्णाली नदीमा डुबेर एक जना बेपत्ता भएका छन् । प्रहरीका अनुसार माछा मार्न नदीमा गएका अदानचुली–२ का ३७ वर्षीय छक्क बुढा बेपत्ता भएका हुन् । माछा मार्न जाल बोकेर पौडी खेल्दै कर्णाली पार गर्न खोजेका बुढा दिउँसो डुबेका गल्फागाड प्रहरी चौकी श्रीनगरले जनाएको छ ।
धनगढीः कैलालीको घोडाघोडी ताल अवलोकनका लागि घोडा सवारीको व्यवस्था गरिएको छ । स्थानीय धनबहादुर शाहीले आफ्नो पुर्ख्यौली जिल्ला कालीकोटबाट २ ओटा घोडा ल्याएर आन्तरिक तथा वाह्य पर्यटकलाई घोडाघोडी ताल घुम्ने सुविधा दिएका हुन् । शाहीले विश्व रामसार सूचिमा सूचीकृत भएर देश विदेशमा नाम कमाएको घोडाघोडी तालमा घोडाबाट पर्यटकलाई तालको दृश्यावलोकन गराउने उद्देश्यले दुई लाख भन्दा बढी खर्चेर घोडा ल्याएको बताए । धनबहादुरलाई घोडा सवारीमा उनका फुपूका छोरा विनोदकुमार शाहीले साथ दिएका छन् । भीड भएका बेला दुवै जनाले पालैपालो गरेर घोडामा सवारी गराउने गरेका छन् ।
काठमाडौँ: नेपाल वायु सेवा निगम (नेपाल एअरलाइन्स) ले यही जेठ २९ गतेदेखि भैरहवाको गौतमबुद्ध अन्तर्राष्ट्रिय विमानस्थलमा नियमित उडान सुरु गर्ने भएको छ । त्यस अवसरमा निगमले मलेसियाबाट प्रवर्द्धनात्मक भाडादर १२ हजार सात सय रुपैयाँ कायम गरेको छ । यो मलेसियाबाट भैरहवा उडानका लागि मात्र हो । मलेसिया–भैरहवाका लागि १२ हजार सात सय र मलेसिया–भैरहवा–काठमाण्डौका लागि १४ हजार सात सय २० रुपैयाँ भाडादर कायम गरिएको छ । निगमको उडान तालिकाअनुसार टिकट बुकिङ खुला भइसकेको छ । पहिलो चरणमा साताको एक उडान गर्ने गरी तय भएको निगमका प्रवक्ता रमेश पौडेलले जानकारी दिए । निगमले बजारको माग र निगमको बजार व्यवस्थापन अनुसार अन्य…
काठमाडौं: भुटानी शरणार्थी नेता टेकनाथ रिजाल पक्राउ परेका छन् । जिल्ला प्रहरी परिसर काठमाडौंका एसएसपी दानबहादुर कार्कीका अनुसार नक्कली भुटानी शरणार्थी प्रकरण अनुसन्धानका क्रममा रिजाल पक्राउ परेका हुन् । यसअघि भुटानी शरणार्थी प्रकरणमा पक्राउ परेका मोरङका सागर राईले रिजाललाई समेत मुछेका थिए । उनले बयानका क्रममा रिजाललाई ७ लाख रुपैयाँ दिएको दाबी गरेका थिए ।
धनगढीः सुदूरपश्चिम प्रदेशका भौतिक पूर्वाधार विकास मन्त्री प्रकाशबहादुर देउवाले कञ्चनपुरमा प्रदेश सरकारले सञ्चालन गरिरहेका आयोजनाहरुको अनुगमन गरेका छन् । बिहीवार मन्त्री देउवा नेतृत्वको टोलीले जिल्लाको महाकाली पारि रहेको दोधारा चाँदनी नगरपालिका जोड्ने सडक पुलको अनुगमन गरेका हुन् । प्रदेश सरकारको लगानीमा निर्माण हुन लागेको उक्त पुल निर्माण सम्पन्नपछि महाकाली पारीका बासिन्दालाई महेन्द्रनगर आवत जावतमा सहज हुनेछ । दोधरा चाँदनी-८ बाँसघारी सुन्दरनगर जोडने पक्की पुलको नर्माण कार्य तत्काल अघि बढाउने र सम्झौता अवधिभित्रै निर्माण सम्पन्न गर्ने उनले बताए । त्यस लगायत कञ्चनपुरमा प्रदेश सरकारद्वारा सञ्चालित अन्य योजनाको पनि मन्त्रीको टोलीले अनुगमन गरेको छ ।
टिकापुर: बस्ती नजिकैको जङ्गलमा हात्ती देखिन थालेपछि कैलालीको टीकापुर नगरपालिकाका नागरिक त्रसित भएका छन्। नगरपालिकाको वडा नं २ को पूर्वतिरको जङ्गलमा आजभोलि दैनिकजसो हात्ती देखिन थालेपछि उनीहरू त्रसित भएका हुन्। खोटेना भुराखानी सामुदायिक वन क्षेत्रमा बढीजसो हात्ती देखिन थालेका उनीहरू बताउँछन्। स्थानीयका अनुसार कहिलेकाहीँ एक, कहिले दुईवटासम्म हात्ती वन क्षेत्रमा देखिने गरेका छन्। ‘दिउँसोको समयमा खोटेना भुराखानी सामुदायिक वनको पूर्वतिर कर्णाली नदीको बीच टापुमा हात्ती देखिन्छन् भने रातिको समयमा बस्तीतिर आउने गरेका छन्’, खोटेना भुराखानी सामुदायिक वनका वन हेरालु टीकाराम बोगटीले भने, ‘हामीलाई पनि हात्तीको निकै डर लाग्छ। त्यसैले आजभोलि वनभित्र जाँदा हामी पनि समूह बनाएर जाने गर्दछौँ। एक्लै–एक्लै हिँड्न छाडेका…