धनगढीः नेपाल यातायात स्वतन्त्र मजदूर संगठनका केन्द्रिय अध्यक्ष भिमज्वाला राइले नेपाल सरकार यातायात मजदूरका सवालमा संवेदनशील हुनुपर्ने बताएका छन्। नेपाल यातायात स्वतन्त्र मजदूर संगठन सुदूरपश्चिम प्रदेशको दोश्रो अधिवेशनमा बोल्दै राइले यस्तो बताएका हुन्। यस्तै उनले ट्राफिक प्रहरीले सवारी चालकहरुलाई दुख दिने मात्रै काम गरेको पनि बताएका छन्। उनले भने, “यातायात व्यवस्था ऐनअनुसार सबै सवारी चालकहरुले चल्नुपर्छ। हाम्रो संगठनले पनि सवारी चालक साथीहरुलाई ऐन कार्यान्वयनका लागि आग्रह गरिरहेको छ, तर सवारी चालकले ऐन कार्यान्वयन गर्ने अनि ट्राफिक प्रहरीले ऐनविपरित पैँसा असुल्ने र जरिवाना काट्ने काम गरिरहेको छ, यो हामीलाई मान्य छैन।” ट्राफिक प्रहरीलाइ राज्यले गम्भीरताका साथ लिनुपर्ने उनको भनाइ छ। यातायात…
Author: महेन्द्रनगर पोष्ट
धनगढीः मंगलबार गएको भूकम्पमा परेर ज्यान गुमाएकी बाजुराको गौमुल गाउँपालिका–२ की जमुना रोकायाको परिवारलाई किरिया खर्च बापत २५ हजार सहयोग गरिएको छ। जिल्ला प्रशासन कार्यालयको टोलीले बुधबार मृतकका परिवारलाई भेटेर किरिया खर्च वापत तत्काल २५ हजार प्रदान गरिएको हो। बाजुराका प्रमुख जिल्ला अधिकारी पुष्कर खड्काले तत्काललाई किरिया खर्च स्वरुप उक्त रकम हस्तान्तरण गरिएको जानकारी दिए। मंगलबार दिउँसो २ बजेर ४३ मिनेटमा हिमाली गाउँपालिका र हुम्लाको ताजाकोट गाउँपालिकाको सीमा क्षेत्रमा पर्ने मैला केन्द्रबिन्दु बनाएर ५ दशमलव ९ रेक्टर स्केलको भूकम्प गएको थियो। स्थानीय जंगलमा घाँस काट्न गएकी रोकायाको भूकम्पकै कारण खसेको ढुंगा लागेर मृत्यु भएको थियो।
धनगढीः नेपाल यातायात स्वतन्त्र मजदूर संगठन सुदूरपश्चिम प्रदेशको अध्यक्षमा पुनः ललित चन्द चयन भएका छन्। बुधबार सम्पन्न संगठनको दोश्रो प्रदेश अधिवेशनबाट अध्यक्षमा चन्द दोहोरिएका हुन्। संगठनको उपाध्यक्षमा मोहन सिहं सावद, उपाध्यक्षमा बिष्णु दत्त जोशी, सचिवमा राम सिहं महरा, सह सचिवमा दुर्गा रावल, देवी सिहं साउँद, कोषाध्यक्षमा बामदेव अवस्थी चयन भएका छन्। सदस्यहरुमा नवराज जैशी, शंकर वली, भुवनेश्वर चौधरी, भानुदेव पनेरु, लाल बहादूर महरा, मिरा भट्ट, जय बहादूर बिष्ट र निर्मला बिष्ट चयन भएका छन्। यस्तै सल्लाहकारमा प्रमुख भोजबहादुर शाही र सदस्य अर्जुन स्वार चयन भएका छन्। दोश्रो अधिवेशनबाट अध्यक्षसहित प्रदेश कमिटि सर्वसम्मत चयन भएको अध्यक्ष ललित चन्दले बताए। उनले अध्यक्षमा…
धनगढीः नवनियुक्त खानेपानीमन्त्री अब्दुल खानले पदबहाली गरेका छन्। सिंहदरबारस्थित खानेपानी मन्त्रालयको कार्यकक्षमा पुगेर उनले फाइल सदर गरेका हुन्। डा सीके राउत नेतृत्वको जनमत पार्टीबाट नियुक्त भएका खानले आफ्नो भागमा परेको खानेपानी मन्त्रालय नलिने घोषणा गरेका थिए। आफूलाई उद्योग, वाणिज्य तथा आपूर्ति मन्त्रालय नै चाहिने ढिपी कसेका खानले अन्य मन्त्रीभन्दा ढिलो पदबहाली गरेका हुन्।
धनगढीः कैलालीमा पासोमा परेको चित्तलको उद्दार गरिएको छ। जिल्लाको गोदावरी नगरपालिका–१ को स्थानीय जंगलमा सिकारीले थापेको पासोमा परेको अवस्थामा चित्तलको उद्दार गरिएको डिभिजन वन कार्यालयले जनाएको छ। चित्तलको स्थानीय र वनका कर्मचारीले उद्दार गरेका हुन्। घाइते अवस्थाको चित्तलको शरीरमा घाउ छन्। भेटेरिनरी अस्पताल तथा पशु सेवा विज्ञ केन्द्रमा उपचारपछि चित्तललाई डिभिजन वन कार्यालयको जिम्मा लगाइएको छ।
धनगढीः कञ्चनपुरको शुक्लाफाँटा राष्ट्रिय निकुञ्जमा जङ्गली हात्तीको आक्रमणबाट एक महिला गम्भीर घाइते भएकी छन्। शुक्लाफाँटा राष्ट्रिय निकुञ्जले खोलेको खर काट्न गएकी ५० वर्षीया ललु सार्कीलाई हात्तीले आक्रमण गरेको जिल्ला प्रहरी कार्यालय कञ्चनपुरले जानकारी दिएको छ। आरक्ष विस्थापित शिविरको ढक्का स्थित बेलडाँडी टोल बस्ने महिलाको अवस्था गम्भीर रहेको जिल्ला प्रहरी कार्यालय कञ्चनपुरका प्रहरी नायव उपरीक्षक चक्र बहादुर शाहले जानकारी दिए। घाइतेको बेलौरी स्थित ईशान मेमोरियल अस्पतालमा प्राथमिक उपचारपछि थप उपचारका लागि धनगढी रेफर गरिएको छ। उनको अवस्था गम्भीर रहेको जनाइएको छ।
धनगढीः नागरिक उन्मुक्ति पार्टीकी अध्यक्ष रञ्जिता श्रेष्ठले सुदूरपश्चिम प्रदेश सरकारलाई विश्वासको मत नदिने बताएकी छन्। बुधबार दाङमा सञ्चारकर्मीहरुसँग कुरा गर्दै उनले भनिन्, ‘सत्ता गठबन्धनमा रहेर हामीले प्रधानमन्त्रीलाई विश्वासको मत दिइसकेका छौं। सुदूरपश्चिममा पनि सरकार बनाएका छौं। तर माग पूरा नभएपछि मुख्यमन्त्रीलाई विश्वासको मत दिन सक्दैनौं।’ यद्यपि छलफलका क्रममा आफूहरुको माग र मुद्दाप्रति प्रधानमन्त्री सकारात्मक पाएको उनले बताइन्। नागरिक उन्मुक्तिको समर्थनमा एमालेका राजेन्द्र रावल २७ पुसमा मुख्यमन्त्री बनेका थिए। उनले एक महिनाभित्र विश्वासको मत लिइसक्नुपर्छ। तर नागरिक उन्मुक्तिले समर्थन गर्ने सुनिश्चित नभएका कारण अहिलेसम्म विश्वासको मत लिएका छैनन्।
धनगढीः बाजुराको हिमाली क्षेत्रमा हिमपातका कारण सञ्चार अवरुद्ध भएको छ। जिल्लाको स्वामीकार्तिक खापर गाउँपालिका र बिछ्या क्षेत्रमा सञ्चार अवरुद्ध भएको हो। जिल्ला प्रहरी कार्यालय, बाजुराका प्रमुख सूर्यबहादुर थापाका अनसार मंगलवार दिउँसो गएको भूकम्पको केन्द्रबिन्दु रहेको सो क्षेत्रमा सञ्चार विच्छेद भएको हो। मंगलवार जिल्लाको हिमाली गाउँपालिकाको बिच्छयाँ आसपास केन्द्रबिन्दु बनाएर ५ दशमलव ९ म्याग्निच्युडको भूकम्प गएको थियो। भूकम्प गएको बिच्छयाँको बारेमा अहिलेसम्म कुनै जानकारी नआएको प्रहरी नायव उपरिक्षक थापाले बताए। मंगलवार जिल्लाको गौमुल गाउँपालिका वडा नम्बर २ की ३२ वर्षीया जमुना रोकायाको मृत्यु भएको थियो। २५ भन्दा बढी घरमा क्षति पुगेको बाजुरा प्रहरीले बताएको छ। तर उच्च हिमाली क्षेत्रमा फोन सम्पर्क…
धनगढीः नेकपा माओवादी केन्द्रको विद्यार्थी संगठन अखिल क्रान्तिकारीको आन्तरिक विवाद छताछुल्ल भएको छ। पञ्चा सिंहले एकलौटी संगठन चलाएको भन्दै पवन कार्की समूहले देशव्यापी रूपमा समानान्तर कमिटी बनाएपछि विवाद छताछुल्ल भएको हो। कार्की नेतृत्वमा देशव्यापी समानान्तर कमिटी विस्तार गरेपछि पञ्चाले पनि सचिव, विभाग र प्रदेश इन्चार्ज तोकेर परिपत्र जारी गरेकी छन्। परिपत्र अनुसार प्रदेश १ को इन्चार्जमा खगेन्द्र सुवेदी, सहइन्चार्जमा ताजिम अन्सारी, मधेश प्रदेशमा अनिल भगत, वागमती प्रदेशमा इन्चार्जमा कृष्ण न्यौपाने, विशेष प्रदेश इन्चार्जमा प्रसुिन कार्की, सह इन्चार्जमा बाबुराम नेपाली, गण्डकी प्रदेशमा नारायण बडाल, लुम्बिनीमा सूर्य घर्ती, सहइन्चार्जमा तुल्सीमणी केसी, कर्णाली प्रदेश इन्चार्जमा तिर्शना हमाल र सुदुरपश्चिममा भिम भट्ट रहेका छन्।…
धनगढीः भूकम्पका कारण बाजुरामा एक जनाको मृत्यु भएको छ भने बझाङ, डोटी, अछाम र मुगुका विभिन्न स्थानमा धनमालको क्षति भएको छ। बाजुरा, गौमुल गाउँपालिका–२ जुरेलि बस्ने ३५ वर्षीया जमुना रोकायाको मंगलबार दिउँसो आएको भूकम्पमा परी मृत्यु भएको छ। घाँस काटी घरतर्फ फर्किने क्रममा भूकम्पका कारण भिर माथीबाट ढुङगा खसेर टाउकोमा लाग्दा उनको घट्नास्थलमै मृत्यु भएको हो। साथै बडिमालिका नगरपालिका–२ घागर बस्ने ४५ वर्षीया चन्दा महत भूकम्प आउँदा आफ्नै घरबाट बाहिर भाग्ने क्रममा घाइते भएकोमा उपचारको लागि जिल्ला अस्पताल बाजुरा पठाइएको छ। यसैगरी गौमुल गाउँपालिका–१ अम्लिश बस्ने ३५ वर्षीय राजदल बोहरा सोही ठाउँस्थित पल्ला दोरणी भन्ने ठाउको जङ्गलमा भेडा बाख्रा चराईरहेको…