डडेल्धुरा- डडेल्धुराको सदरमुकाम अमरगढी नगरपालिकाको प्रमुखमा नेपाली काँग्रेस(बीपी) ले अग्रता बनाएको छ । ८ हजार २२५ मतगणना हुँदा काँग्रेसका उम्मेदवार डिल्लीराज जोशीलाई उछिन्दै कांग्रेस (बीपी)का हरिप्रसाद भट्टले अग्रता लिएका हुन् । अमरगढीमा वडा नम्बर १ देखि ८ सम्मको गणना सम्पन्न भएको छ । वडा नम्बर ८ वडा र ९ को ६ सय मत गन्दा कांग्रेस (बीपी)ले मेयरमा पहिलो पटक अग्रता लिएको हो । पछिल्लो विवरण अनुसार मेयरमा भट्टले २ हजार ९५८ र जोशीले २ हजार ९५६ मत पाएका छन् । उनीहरुबीच २ मतको अन्तर छ । यस्तै उपप्रमुखमा काँग्रेसका उम्मेदवार पार्वती झुकालले २ हजार ९४४ र एमालेका उम्मेदवार यज्ञराज अवस्थीले…
Author: महेन्द्रनगर पोष्ट
कैलाली- कैलालीका दुई पत्रकारलाई ज्यान मार्ने धम्की दिइएको छ । नेपाल पत्रकार महासंंघ कैलालीका उपाध्यक्ष एवम् एभिन्यूज टेलिभिजनका सुदूरपश्चिम ब्युरो प्रमुख हरिस विक र एभिन्यूज टेलिभिजनका कैलाली संवाददाता राजन जैगडीलाई अश्लील गालीगलौजसहित ज्यान मार्ने धम्की दिनेलाई पक्राउ गरी कानुनी कारबाहीको दायरामा ल्याउन माग गरिएको छ । नेपाल पत्रकार महासंघ सुदूरपश्चिम प्रदेश समितिले र विभिन्न पत्रकार संघ संगठनहरुले यस्तो माग गरेको हो । यस्तै, नेपाल पत्रकार महासंंघ कैलाली शाखा, प्रेस चौतारी नेपाल कैलाली शाखा र प्रेस सेन्टर नेपाल कैलाली शाखाले पनि विज्ञप्ति जारी गर्दै । सो घटना आपत्तिजनक रहेको बताउँदै दोषी उपर कडा कारबाहीको माग गरेका छन् ।
काठमाडौं- इन्डियन आयल कर्पोरेसन (आईओसी) इन्धनको मूल्य बढाएर नेपाल आयल निगमलाई नयाँ मूल्य सूची पठाएको छ । निगमका प्रवक्ता विनितमणि उपाध्यायका अनुसार पेट्रोलमा प्रतिलिटर ८ रुपैयाँ, डिजलेमा प्रतिलिटर ४ रुपैयाँ, हवाइ इन्धनमा प्रतिलिटर ७ रुपैयाँ मूल्य बढाएर पठाइएको छ । अन्तर्राष्ट्रिय बजारमा कच्चा तेलको मूल्य बढेपछि प्रशोधित तेलको समेत मूल्य बढाएर पठाएको आईओसीले जानकारी दिएको उपाध्ययले बताए । यसअघि बढेको मूल्इ अनुसार निगमलाई १५ दिनमा ४ अर्ब २५ करोड घाटा रहेको थियो । अब ४ अर्ब ५० करोडको हाराहारीमा घाटा हुने देखिएको छ । नयाँ मूल्य सूचीअनुसार मूल्य समायोजन नगरे निगमलाई घाटा हुने उनले बताए । पछिल्लो समय रुस र…
बैतडी- बैतडीको सुर्नया गाउँपालिकाको अध्यक्षमा नेकपा एमालेका अम्मर कुँवर विजयी भएका छन् । कुँवरले नेकपा (एकीकृत समाजवादी)का नरेन्द्र बिष्टलाई २५ मतले पराजित गर्दै विजय भएका हुन् । उपाध्यक्षमा नेपाली काँग्रेसकी मञ्जु बोहरा विजयी भएकी छन् । बोहराले राप्रपाका देवबहादुर चन्द तथा माओवादी केन्द्रलाई पराजित गर्दै विजय हासिल गरेकी हुन् ।
डोटी- डोटीमा कांग्रेसको विजय र्यालीमा ट्याक्टर दुर्घटना हुँदा एक जनाको मृत्यु भएको छ भने ३० जना घाइते भएका छन् । जिल्लाको पूर्विचौकी गाउँपालिका–४ सानागाउँमा से ००१–००२ त ४७९५ नम्बरको ट्याक्टर दुर्घटना भएको हो । दुर्घटनामा पूर्वीचौकी गाउँपालिका–४ रिनकोटका १४ वर्षीय बिक्रम नेपालीको मृत्यु भएको जिल्ला प्रहरी कार्यालय डोटीले जनाएको छ । पूर्विचौकी गाउँपालिकामा विजयी भएपछि नेपाली कांग्रेसले विजय र्याली निकालेको थियो ।
अछाम- अछामको चौरपाटी गाउँपालिकाको अध्यक्षमा नेपाली कांग्रेसका भीमबहादुर साउँद विजयी भएका छन् । निकटतम प्रतिद्वन्द्वी नेकपा एमालेका रामबहादुर आउजीलाई हराउँदै उनी अध्यक्षमा विजयी भएका हुन् । साउँदले तीन हजार ९८२ मत ल्याएर भने आउजीले दुई हजार ५०६ मत पाए । यस्तै एकीकृत समाजवादी र माओवादी केन्द्रको गठबन्धनका उम्मेदवार हर्कबहादुर साउँदले एक हजार ४७४ मत ल्याए । यस्तै उपाध्यक्षमा नेपाली कांग्रेसकी सरुदेबी खड्का निर्वाचित भइन् । खड्काले तीन हजार ७३४ मत ल्याएर विजयी भइन् भने उनका प्रतिद्वन्द्वी एमालेकी अनिता खड्काले दुई हजार ४९१ मत पाइन् । यस्तै गठबन्धनका जीवनबिक्रम साउँदले एक हजार ७६३ मत ल्याए ।
कैलाली- धनगढी उपमहानगरपालिकामा स्वतन्त्र उम्मेदवार गोपाल हमालले फराकिलो मतान्तर बनाइरहेका छन् । ११ हजार १२९ मत गणना हुँदा हमालले ४ हजार ९६४ मत पाएका छन् । यस्तै सत्तारुढ गठबन्धनबाट काँग्रेसका उम्मेदवार नृपबहादुर वडले २ हजार ५९१ मत पाएका छन् । यो २ हजार ३७३ मतले अन्तर हो । यसैगरि नेकपा एमालेका रणबहादुर चन्दले १ हजार २१२ मत पाएका छन् । यस्तै उपमेयरमा माओवादी केन्द्रकी शान्ति अधिकारीले २ हजार २७३, एमालेकी कन्दकला रानाले २ हजार ९४ र स्वतन्त्र उम्मेदवार प्रभाकर भण्डारीले १ हजार ३४२ मत पाएका छन् । मेयर उपमेयरको मतगणतामा बदरको मतको संख्या पनि ह्वात्तै बढेको छ । दुबै पदमा…
डोटी- डोटीको पूर्वीचौकी गाउँपालिकामा नेपाली कांग्रेसले‘क्लिन स्विप’ गरेको छ । कांग्रेस सातवटै वडामा वडाध्यक्ष र सबै वडा सदस्यसहित गाउँपालिकाको अध्यक्ष, उपाध्यक्षमा दोब्बर मतान्तरले विजयी भएको छ । गाउँपालिकाको अध्यक्षमा रामप्रसाद उपाध्याय, उपाध्यक्षमा पशुपती खड्का विजयी भएका छन् । उपाध्याय ५ हजार १३३ मतसहित विजयी भएका छन् भने उनका निकटम प्रतिद्वन्द्वी नेकपा (एमाले)का कृष्णकुमार खड्काले २ हजार २०५ मत प्राप्त गरे । त्यस्तै नेकपा (एकीकृत समाजवादी) का उमेदवार देवबहादुर खड्काले २३२ मत ल्याए भने राष्ट्रिय प्रजातन्त्र पार्टीका दीपकबहादुर धामीले २७ मत मात्रै प्राप्त गरे । उपाध्यक्षमा पनि कांग्रेसकै पशुपती खड्का ४ हजार ७ सय २१ मतसहित विजयी भइन् । उनका निकट…
भैरहवा – प्रधानमन्त्री शेर बहादुर देउवाले भारतीय प्रधानमन्त्री नरेन्द्र मोदीको लुम्बिनी भ्रमणले भगवान गौतमबुद्धको जन्मस्थललाई विश्वभर थप परिचित तुल्याउन मद्दत पुगेको बताएका छन् । २५६६औँ बुद्धजयन्तीको मुल समारोहलाई लुम्बिनीमा सम्बोधन गर्दै प्रधानमन्त्री देउवाले भारतीय प्रधानमन्त्रीको विगतको मुक्तिनाथ, पशुपतिनाथ, जनकपुर लगायतका भ्रमणले दुवै देशका जनता बीचको साँस्कृतिक समबन्ध थप बलियो भएको बताए । मोदीको भ्रमणले दुई देशबीच ऐतिहासिक कालदेखिनै सामाजिक धार्मिक, साँस्कृतिक र परम्परागत सम्बन्धलाई थप प्रगाढ बनाएको बताए । गौतमबुद्धको दर्शनले दुवै देशका नागरिकलाई प्रभावित पारेको बताउँदै संस्कृतिक सम्बन्ध पनि थप बलियो बनेको बताए ।
सर्लाही- सर्लाहीको रामनगर गाउँपालिकाको अध्यक्षमा नेकपा माओवादी केन्द्रका उम्मेदवार २२ वर्षीय राजाबाबु यादव निर्वाचित भएका छन् । उनी ४ हजार ८१ मतसहित निर्वाचित भएका हुन् । उनका निकटतम प्रतिद्वन्द्वी नेपाली कांग्रेसका हरिनन्दन प्रसाद यादवले २ हजार ३९२, नेकपा एमालेका पुरुषोत्तम प्रसाद चौधरीले एक हजार ६३४ र स्वतन्त्र उम्मेदवार केएस राहुल बर्माले एक हजार ६०७ मत पाए । उपप्रमुखमा नेकपा माओवादी केन्द्रकी गीता देवी ३ हजार ५२३ मतसहित निर्वाचित भएकी छन् । उनकी निकटतम प्रतिद्वन्द्वी नेपाली कांग्रेसकी कोशिला साहले दुई हजार ६३७ मत पाइन् । त्यस्तै नेकपा एमालेकी निलम यादवले एक हजार ७३७ र लोकतान्त्रिक समाजवादी पार्टीकी वैदेही देवीले ९१७ मत…