बझाङ : बझाङमा भीरबाट लडेर एक जना युवतीको मृत्यु भएको छ । बित्थडचिर गाउँपालिका- ६ का पार्वती स्याँडाको आज दिउँसो खर काट्ने क्रममा भीरबाट लडेर मृत्यु भएको हो। उनको आज दिउँसो करिब २ बजेतिर घर नजिकैको काचडा भन्ने भीरमा खर काट्ने क्रममा मृत्यु भएको पारिवारिक स्रोतले जनाएको छ। उनका एक छोरा छन्। योसँगै गत श्रावणदेखि कात्तिक दोस्रो सातासम्म बझाङमा रुख र भिरबाट लडेर चार पुरुष र तीन महिला गरि ७ जनाको मृत्यु भएको छ।
Author: महेन्द्रनगर पोष्ट
काठमाडौं : राष्ट्रपति रामचन्द्र पौडेलले भूकम्पपीडितको सहयोगका लागि एक महिनाको तलब दिने भएका छन्। भूकम्पपीडितका लागि प्रधानमन्त्री दैवीप्रकोप उद्धार कोषमा एक महिनाको तलब उपलब्ध गराउने राष्ट्रपतिले बताएको उनको सचिवालयले जानकारी दिएको छ। जाजरकोट केन्द्र भई गत शुक्रबार गएको भूकम्पले जनधनको क्षति भएको थियो। राष्ट्रपति पौडेल मंगलबार भूकम्प प्रभावित क्षेत्र पुगेर फर्किएका थिए।
पाल्पा: पाल्पामा टिप्परले किचेर एक युवतीको घटनास्थलमै मृत्यु भएको छ। अन्य ३ जना घाइते भएका छन्। मृत्यु हुनेमा पूर्वखोला गाउँपालिका –२ जल्पा बस्ने १९ वर्षीया दिलकुमारी आले रहेकी जिल्ला प्रहरी कार्यालय पाल्पाले जनाएको छ। प्रहरीका अनुसार बुधवार बिहान निस्दी गाउँपालिका –७ स्थित ज्यामिरे–अरुणखोला भित्री कच्ची सडकमा चुनढुङ्गा बोकेर नवलपुरतर्फ जाँदै गरेको लु २ ख ५२९ नम्बरको टिप्पर ब्रेकमा समस्या आउँदा भित्तामा ठोक्किन पुगेको थियो। ब्रेक फेल भएपछि टिप्परबाट हामफाल्ने क्रममा टायरले किचेर आलेको मृत्यु भएको प्रहरी नायब उपरीक्षक सुगन्ध श्रेष्ठले जानकारी दिए। उनका अनुसार टिप्परबाट हामफाल्दा अन्य ३ जना घाइते भएका छन्। घाइते हुनेमा निस्दी गाउँपालिका ७ की २५ वर्षीया…
कञ्चनपुर : तिहारका बेला प्लाष्टिकबाट बनेका माला बिक्री वितरणमा कञ्चनपुरको कृष्णपुर नगरपालिकाले प्रतिबन्ध लगाएको छ। वातावरणीय प्रदूषण कम गर्ने उद्देश्यले नगरपालिकाले प्लाष्टिकबाट बनेका माला बिक्री वितरणमा रोक लगाउने निर्णय गरेको हो। प्लाष्टिकबाट बनेका माला नगरपालिका क्षेत्रभित्र बिक्री वितरण गर्न नपाउने गरी निर्णय गरिएको नगर प्रमुख हेमराज ओझाले बताए। अटेर गरेर प्लाष्टिकबाट बनेका माला बिक्री वितरण गरेको पाइए प्रचलित कानुन अनुसार हदैसम्मको कारवाही गर्नाका साथै बिक्रीका लागि ल्याइएका माला जफत गरिने उनको भनाइ थियो। उनका अनुसार नगरपालिका क्षेत्रमा तीन किसानलाई अनुदान रकम उपलव्ध गराई व्यवसायिक खेतीमा संलग्न गराइएको छ। अन्य किसानलाई पनि व्यवसायिक फूल खेती गर्नका लागि अनुदान दिने तयारीमा रहेको…
काठमाडौं : १९ वर्ष मुनिको पुरुष एसिया कप क्रिकेटमा नेपालले समूह चरणमा भारत र पाकिस्तानको सामना गर्ने भएको छ। एसियन क्रिकेट परिषद् (एसीसी)ले सार्वजनिक गरेको खेल तालिकाअनुसार नेपाल भारत र पाकिस्तान रहेको समूह ‘ए’मा परेको छ। समूह ‘ए’मा नेपाल, भारत, पाकिस्तान र आफगानिस्तान छन्। यस्तै, समूह ‘बी’मा बंगलादेश, श्रीलंका, यूएई र जापान छन्। एसिया कपको आगामी ८ डिसेम्बरदेखि संयुक्त अरब ईमिरेट्स (यूएई)मा हुँदैछ। नेपालले पहिलो खेल ८ डिसेम्बरमा नै पाकिस्तानसँग खेल्नेछ। दोस्रो खेलमा नेपालले अफगानिस्तानसँग १० डिसेम्बरमा खेल्ने छ। तेस्रो तथा समूह चरणको अन्तिम खेल १२ डिसेम्बरमा नेपालले भारतसँग खेल्नेछ। प्रत्येक समूहबाट शीर्ष दुई टीम सेमिफाइनलमा प्रवेश गर्ने छन्। दुवै…
काठमाडौं : रौतहटमा बम विस्फोट गरी सामूहिक नरसंहार मच्चाएको अभियोगमा पुर्पक्षका लागि थुनामा रहेका नेपाली कांग्रेसका नेता मोहम्मद अफताब आलमको मुद्दामा अन्तिम सुनुवाइ सुरु भएको छ। रौतहट जिल्ला अदालतले आलमको मुद्दामा फैसला केन्द्रित सुनुवाइ सुरु गरेको हो। जिल्ला न्यायाधीश बाबुकाजी बानियाको इजलासमा इजलास चलिरहेको छ। आइतबारदेखि आलमको मुद्दामा अन्तिम बहस सुरु भएको हो। जिल्ला अदालत रौतहटका स्रेस्तेदार उद्धव ढोडारीले केही दिनदेखि उक्त मुद्दामा बहस चलिरहेको र सबैको बहस सकिएपछि यही हप्ताभित्र फैसला सुनाउने तयारी रहेको बताए। २०६४ सालको संविधान सभा निर्वाचनको पूर्वसन्ध्यामा रौतहटको राजापुरमा बम विस्फोट भएको थियो। उक्त घटनामा प्रहरीले २०७६ सालमा पुनः अनुसन्धान गरेपछि आलमविरुद्ध अदालतमा मुद्दा पुगेको…
जाजरकोट : गत शुक्रबार राति भूकम्प जाँदा निन्द्रामा रहेकी नलगाड नगरपालिका–३ का रमिता थापा हतारहतार २ छोरा, छोरी च्यापेर घरबाहिर निस्किइन्। घर भित्रबाट बाहिर निस्किने क्रममा खुट्टामा चोट लागेर सामान्य घाइते पनि भइन्। उनी अहिले सदरमुकाम खलङ्गाको नयाँ बस्तीस्थित सडकको किनारमा रात बिताउँदै आएकी छन्। उनलाई अहिले जुन समयमा पनि भूकम्प गइरहेको र शरीर हल्लाइरहेको जस्तो महसुस हुन्छ। खुल्ला सडकभन्दा माथि त्रासले जान नसकेकी थापाका १४ वर्षीया छोरीसमेत राति सुतिरहेको समयमा ‘हल्लायो हल्लायो’ भन्दै समय समयमा बर्बराउँछन्। भूकम्पले मानसिक त्रासमा रहेका अधिकांश सदरमुकामबासी अहिले सडकको छेउछाउमा रातदिन कटाइरहेका छन्। सदरमुकामदेखि बाहिर घर भएर सदरमुकाममा भाडामा बस्दै आएका सर्वसाधारण भाडाकै घर…
सर्लाही : सर्लाहीमा एक जना वडाध्यक्ष जेल चलान भएका भएका छन्। धनकौल गाउँपालिका–५ वडाध्यक्ष गजेन्द्र महतो पुर्पक्षमा कारागार चलान भएका हुन्। सर्लाही जिल्ला अदालतका न्यायाधीश सूर्यबहादुर थापाको इजलासले उनलाई पुर्पक्षमा कारागार चलान गर्न आदेश दिएको हो। केही महिनाअघि गाउँम भएको कुटपीटको घटनामा महतो समेत संलग्न रहेको उल्लेख गर्दै जिल्ला प्रहरी कार्यालयले कर्तव्य ज्यान उद्योगमा मुद्दा दायर गरेको थियो। त्यसपछि फरार महतो आज अदालत खुल्ने बितिक्कै आफैं त्यहाँ उपस्थित भएपछि जेल चलान भएका हुन्। उनी नेकपा माओवादी केन्द्रबाट निर्वाचित हुन्। उनलाई गौर कारागार, रौतहट चलानको तयारी गरिएको प्रहरीले जनाएको छ।
काठमाडौं : उत्तर कोरियाले नेपालस्थित आफ्नो दूतावास बन्द गर्ने निर्णय गरेको छ। बदलिँदो भूराजनीतिक परिवेश र आर्थिक मन्दीका कारण उत्तर कोरियाले नेपालमा रहेको दूतावास बन्द गर्नुपर्ने अवस्था आएको जनाएको हो। नेपालका लागि उत्तर कोरियाली राजदूत जो योङ मेनले प्रधानमन्त्री पुष्पकमल दाहाल प्रचण्डलाई भेटेर यसबारे जानकारी गराएका छन्। अब छिमेकी मुलुक भारतमा रहेको दूतावासले नै नेपाल मामिला हेर्नेछ।
काठमाडौं : बुधबार सुन र चाँदीको मूल्य घटेको छ। नेपाल सुनचाँदी व्यवसायी महासंघकाअनुसार सुनको मूल्य तोलामा ३ सय र चाँदीको मूल्य तोलामा २० रुपैयाँले घटेको छ। बुधबारका लागि छापावाल सुनको मूल्य एक लाख १४ हजार ७ सय, तेजावी सुनको मूल्य एक लाख १४ हजार ४५० र चाँदीको मूल्य तोलामा १ हजार ३८५ रुपैयाँ कायम भएको छ।