काठमाडौं: काठमाडौंको महाराजगञ्ज वृत्तमा नयाँ डीएसपी पठाइएका छन्। त्यहाँ कार्यरत अमर थापा क्षेत्री मिसनमा जाने भएपछि उनको ठाउँमा नयाँ डीएसपी रबिन्द्र पौडेल गएका हुन्। उनको काज सरुवा गरिएको बताइएको छ। थापा यूएन शान्ति मिसनमा जाने भएपछि उनको काज सरुवा भएको हो।
Author: महेन्द्रनगर पोष्ट
काठमाडौँ : यही साउन ९ गते काठमाडौँस्थित त्रिभुवन अन्तर्राष्ट्रिय विमानस्थलमा भएको सौर्य एयरको विमान दुर्घटनापछिको जोखिमपूर्ण अवस्थाबाट विमान चालकलाई सकुशल उद्धार गर्ने छजना प्रहरी कर्मचारी पुरस्कृत भएका छन् । प्रहरी प्रधान कार्यालयले उक्त जोखिमपूर्ण अवस्थामा पाइलट मनीषरत्न शाक्यलाई सकुशल उद्धार गर्न सफल प्रहरी कर्मचारीलाई नगद पुरस्कारसहित सम्मान गरिएको केन्द्रीय प्रहरी प्रवक्ता प्रहरी नायब महानिरीक्षक दानबहादुर कार्कीले जानकारी दिए। उनका अनुसार प्रहरी नायब उपरीक्षक सुकेदेव खनाल र टङ्क राउत तथा प्रहरी जवान श्रीराम परियार, करणसिंह चाइसिर, भीमप्रसाद गौतम र कृष्ण जोशीलाई पुरस्कृत गरिएको हो। साउन ९ गते बिहान ११ बजेर १३ मिनेटको समयमा काठमाडौँबाट पोखरा जान लागेको उक्त विमान उड्ने वित्तिकै खसेर…
धनगढी : अविरल वर्षाका कारण तीन सातादेखि मोल्टी–मार्तडी सडकखण्ड अवरुद्ध हुँदा यात्रु मारमा परेका छन् । असार दोस्रो साताबाट निरन्तरको वर्षाले मार्तडी–कोल्टी सडक पूर्ण रूपमा बन्द छ । सडक बन्द हुँदा बाजुराको पूर्वी–उत्तरी भेगमा पर्ने चारवटा स्थानीय तह र हुम्ला, मुगु, कालिकोट, जुम्लाका नागरिकले कष्टकर यात्रा गर्नुपरेको छ । बाजुराको दोस्रो व्यापारिक केन्द्रका रूपमा रहेको कोल्टी बजारबाट जिल्ला सदरमुकाम मार्तडीसम्म ४२ किलोमिटर छ । यात्रुहरूले मार्तडी र कोल्टी जान तीन ठाउँमा जिप परिवर्तन गर्नुपर्ने अवस्था रहेको स्थानीय बलबहादुर रोकायाले बताए । ‘४२ किलोमिटर सडकमा तीन ठाउँमा जिप परिवर्तन गर्नुपर्ने अवस्था छँदै छ । यात्रुहरूले जिप व्यवसायीलाई चर्को भाडा तिर्नुपर्ने बाध्यता…
धनगढी : १८ वर्षअघि प्रारम्भ भएको भएको महाकाली सिँचाइ आयोजनाको भौतिक प्रगति मात्र २२ प्रतिशत भएको छ । राष्ट्रिय गौरवको आयोजना दुई दशक बित्नै लाग्दा पनि सम्पन्न हुन नहुँदा आयोजना क्षेत्रका स्थानीय खिन्न छन् । विसं २०६३ बाट महाकाली सिँचाइ तेस्रो चरणको काम सुरु भए पनि हालसम्म आयोजनाको २८ किलोमिटर मूल नहर मात्र निर्माण भएको छ । ३५ अर्ब लागत अनुमान गरिएको आयोजनामा हालसम्म सात अर्ब ६८ करोड खर्च भएको छ । कैलाली कञ्चनपुरको ३३ हजार पाँच सय २० हेक्टर क्षेत्रमा सिँचाइ सुविधा पुर्याउने आयोजनाको लक्ष्य भए पनि बजेट अभावलगायत समस्याका कारण आयोजनाको काम सुस्त छ । हाल मूल नहर…
धनगढी : कञ्चनपुरमा २ जना मृत फेला परेका छन्। जिल्लाको दोधारा चाँदनी नगरपालिका–४ बडुवाल टोलका अम्मर बडुवालको छोरा १५ वर्षीय अर्जुन बडुवाल आफ्नै घरमा मृत अवस्थामा फेला परेका हुन्। इलाका प्रहरी कार्यालय दोधारा–चाँदनीबाट खटिएको प्रहरी टोलीले शवलाई पोष्ट–मार्टमको लागि महाकाली प्रादेशिक अस्पताल महेन्द्रनगर पठाईएको र घटनाको थप अनुसन्धान भईरहेको जनाएको छ। यस्तै कृष्णपुर नगरपालिका–६ गजरौलाका ६७ वर्षीय कृष्ण लुहार मृत फेला परेका छन्। लुहारको शवलाई सेती प्रादेशिक अस्पताल धनगढीको शव गृहमा राखिको प्रहरीले जनाएको छ। दुबै शव बिहीवार फेला परेका हुन्।
काठमाडौं: गृहमन्त्री रमेश लेखकको पहलमा स्वास्थ्य सेवा विभागले कञ्चनपुरस्थित महाकाली प्रादेशिक अस्पतालका लागि स्वास्थ्य सामग्री पठाएको छ। भीमदत्त नगरपालिकाकी उपमेयर निलम लेखक जोशीले आफूसमेतको सक्रियतामा संघीय स्वास्थ्य मन्त्रालय एवं स्वास्थ्य सेवा विभागले करिब एक करोड ५० लाख बराबरको स्वास्थ्य सामग्री हस्तान्त्रण गरेको बताइन्। पछिल्लो सयम कञ्चनपुरमा परेको अविरल वर्षाका कारण डुबानमा परेको र केही स्थानीय विस्थापित भएका थिए। उनीहरूलाई स्वास्थ्य समास्या हुन सक्ने भन्दै सरकारले स्वास्थ्य सामग्री पठाएको हो।
धनगढी: सुदूरपश्चिम सरकार ढल्ने पक्कापक्की भएपछि मुख्यमन्त्रीले अनेक हतकन्डा अपनाएका छन्। पहिले मन्त्रालय फुटाएका मुख्यमन्त्रीले पुनः मन्त्रालय घटाएका छन्। अस्तितिर सत्ता जोगाउनकै लागि सुदूरपश्चिम प्रदेश सरकारका मन्त्रालय विभाजन गरेका मुख्यमन्त्री दीर्घबहादुर सोडारीले एक महिनामै मन्त्रालयको संख्या पुरानै कायम गरेका हुन्। विपक्षीले भने राजीनामा दिन छोडेर मन्त्रीमण्डलतर्फ केन्द्रित हुनुलाई मुख्यमन्त्रीको कदम हास्यास्पद भएको भनेका छन्। जबकी वैशाख ६ गते मुख्यमन्त्री नियुक्त भएका सोडारीले भागबन्डा मिलाउन जेठ २८ गते एकैसाथ ७ जनालाई मन्त्रीमा नियुक्त गरेका थिए। ७ मन्त्रालयमा १० मन्त्री भएपछि मुख्यमन्त्री सोडारीले असार १६ गते प्रदेशका मन्त्रालयहरू विभाजन गरेर उनीहरुको जिम्मेवारी तोके। मुख्यमन्त्री सोडारीले भौतिक पूर्वाधार विकास मन्त्रालय, सामाजिक विकास मन्त्रालय,…
काठमाडौं: नेपाल प्रहरी र सशस्त्र प्रहरीकै अगाडि नेपालको जासुसी संस्था मानिने राष्ट्रिय अनुसन्धान विभागका एक सूचकमाथि कुटपिट भएको छ। नेपाल–भारत सीमानाका जमुनाहास्थित चेकपोष्ट नजिक सूचक अजुर्न खड्कामाथि कुटपिट भएको हो। उनलाई नेपालगञ्ज उपमहानगरपालिका–४ स्थित कलपत्रु होटलमा सञ्चालित क्यासिनोका कर्मचारीले आक्रमण गरेको आरोप लागेको छ। सो कुटपिट आरोपमा एक जनालाई गएराति प्रहरीले नियन्त्रणमा लिएको थियो। तर, उनी कुटपिटमा संलग्न नभएको बताइएको छ। तर उनकै अर्को समूहले कुटपिट गरेको प्रहरीले जनाएको छ। वडा नम्बर १५,जमुनाह भन्सारको चेकपोष्ट नजिकै भारतबाट नेपाल ल्याउँदै गरेको १८ लाख रुपैयाँ हिजो साँझ सूचक अर्जुन खड्काले नियन्त्रणमा लिएका थिए। उक्त रकम क्यासिनो तथा हुण्डी कारोबारका लागि ल्याइएको बुझिएको…
धनगढी: कीर्तिपुर नगरपालिकाका मेयर राजकुमार नकर्मीको निधन भएको छ। उनको उपचारको क्रममा गएराति वीर अस्पतालको आइसीयुमा निधन भएको हो। लामो समयदेखि मिर्गौला रोगबाट पीडित नकर्मीलाई हिजो बिहान साढे ५ बजे वीर अस्पतालमा भर्ना गरिएको थियो। गएराति साढे १० बजे अस्पतालले मेयरको निधन भएको जानकारी दिएको बताइन्छ।
काठमाडौं: नेकपा एमाले नेतृत्वको सरकारमा गृह मन्त्रालयको नेतृत्व नेपाली कांग्रेसले लिएलगत्तै नेपाल प्रहरीमा घुसपैठ सुरु भएको छ। गृहमन्त्री रमेश लेखकले प्रहरीमा हस्तक्षेप बढाइरहेको बताइएको छ। उनकै निर्देशनमा प्रहरीमा धमाधम काज सरुवा भैरहेको बुझिएको हो। मन्त्री भएको एक सातामै उनले विभिन्न जिल्ला तथा कार्यालयका इन्चार्जहरु हटाएका छन्। मन्त्रीकै निर्देशनमा तनहुँका एसपी अपिलराज बोहरालाई पाँच महिनामै हटाइएको छ। त्यहाँ कांग्रेसनिकट एसपी वीरेन्द्र शाहीलाई खटाइएको छ। त्यस्तै, उदयपुरका एसपी रमेश थापाको पनि शुक्रबार प्रहरी प्रधान कार्यालयमा काज सरुवा भएको छ। एसपी थापाकै प्रस्तावअनुसार उनको सरुवा भएको बताइएको छ। उदयपुरमा एसपी हरिहरनाथ योगीलाई पठाइएको छ। त्यस्तै, भोजपुरमा पनि कांग्रेसनिकट डिएसपी युवराज तिमल्सिनालाई पठाइएको छ।…