Author: महेन्द्रनगर पोष्ट

कञ्चनपुर- आसन्न वैशाख ३० गते हुने स्थानीय निर्वाचनका लागि कञ्चनपुरमा सुरक्षा व्यवस्था कडा पारिने भएको छ । जिल्लाका ९ वटै पालिकामा भयरहित वातावरणमा निर्वाचन सम्पन्न गर्न स्थानीय प्रशासनले सुरक्षा व्यवस्था कडा पारेको जिल्ला प्रशासन कार्यालय कञ्चनपुरले जनाएको छ । निर्वाचन भयरहित वातावरणमा सम्पन गर्न झण्डै तीन हजार सुरक्षाकर्मी परिचालन हुने प्रमुख जिल्ला अधिकारी रामप्रसाद पाण्डेले जानकारी दिए । निर्वाचनका बेला हुनसक्ने सम्भावित अपराधिक गतिविधि नियन्त्रण गर्न निर्वाचन सुरक्षा निकायले जिल्लाभर सुरक्षा सर्तकता बढाएको उनले बताए । उनका अनुसार निर्वाचनको ४८ घण्टा अघि नेपाल–भारत सीमा बन्द हुने भएको छ । प्रजिअ पाण्डेका अनुसार जिल्लामा ३४१ मतदान केन्द्र तोकिएको छ । यहाँ…

कञ्चनपुर– आसन्न स्थानीय तहको निर्वाचनका लागि कञ्चनपुरका ९ वटै पालिकामा निर्वाचन सामग्री पठाउने तयारी गरिएको छ । मुख्य निर्वाचन अधिकृत मदनबहादुर धामीले यहाँका ९ वटै पालिकाका लागि मतपत्र रुजु गरेर तयारी अवस्थामा राखिएको बताए । उनले मतपत्र र मतपेटिका सम्बन्धित पालिकाका लागि छुट्याएर राखिएको बताए । ‘‘३ लाख १ हजार १ सय ५० मतपत्र रुजु गरी मिलाएर राखेका छौँ’ मुख्य निर्वाचन अधिकृत धामीले भने ‘अहिलेसम्म निर्वाचनको काम द्रुतगतिमा अघि बढेको छ ।’ निर्वाचनका लागि कञ्चनपुरमा ३४१ मतदान केन्द्र तोकिएको छ । यहाँ कूल मतदाताको सङ्ख्या दुई लाख ९५ हजार ३५४ छ । निर्वाचन सम्पन्न गर्न यहाँको भीमदत्त नगरपालिकामा मुख्य निर्वाचन…

काठमाडौँ- प्रेस काउन्सिल नेपालले निर्वाचनका समयमा पत्रकार तथा पत्रकारसम्बद्ध सङ्घ संस्थाका गतिविधिले स्वतन्त्र पत्रकारितामाथि नै गम्भीर प्रश्न उठेको जनाएको छ । काउन्सिलले आइतबार विशेष अपिल जारी गर्दै कतिपय पत्रकार, पत्रकारसम्बद्ध पेसागत सङ्घ÷सङ्गठनका जिम्मेवार पदाधिकारी समेतबाट स्वतन्त्र मतदातालाई प्रभावित पार्नेगरी अभिव्यक्ति दिनेक्रम नरोकिँदा स्वतन्त्र पत्रकारितामाथि नै गम्भीर प्रश्न उठेको जनाएको हो । काउन्सिलले पत्रकार र सम्बद्ध संस्थालाई सचेत गराउँदै यस्तो कार्य नगर्न÷नगराउन भनेको छ । “पत्रकार एवम् पत्रकारितासँग सम्बन्धित संस्थाले यसप्रकारका स्टाटस् राख्ने, विज्ञप्तिरअपिल जारी गर्ने या अभिव्यक्ति दिने, यो वा त्यो दलको पक्ष विपक्षमा पत्रकार पत्रकारबिच नै विभिन्न माध्यमबाट वाद–प्रतिवाद गर्ने कार्यले पत्रकार आचारसंहिताको ठाडो उल्लङ्घन भएको छ ।” जारी…

काठमाडौं- गठबन्धनका उम्मेदवारलाई जिताउन आग्रह गर्दै विज्ञप्ति जारी गर्ने पत्रकार सम्बद्ध पत्रकार संगठनलाई निर्वाचन आयोगले स्पष्टीकरण सोधेको छ । आयोगले नेपाल प्रेस युनियनका अध्यक्ष बद्री सिग्देल, प्रेस सेन्टर नेपालका अध्यक्ष विष्णु सापकोटा, समाजवादी प्रेस संगठनका अध्यक्ष शम्भु क्षेष्ठ, नेपाल प्रेस मञ्चका अध्यक्ष केशव अर्याल र प्रगतिशिल पत्रकार संघ नेपालका सचिव पोखरेललाई चौबीस घण्टे स्पष्टिकरण सोधेको हो । सत्तारुढ दल निकटका पाँच पत्रकार संगठनले शनिबार अपिल जारी गर्दै यही वैशाख ३० गते हुने स्थानीय तहको निर्वाचनमा गठबन्धनका उम्मेदवारलाई जिताउन आग्रह गरेका थिए ।

डडेल्धुरा- स्थानीय तहको निर्वाचनलाई लक्षित गर्दै डडेल्धुरामा मदिरा बिक्रीवितरणमा पूर्णरूपमा रोक लगाइएको छ । जिल्ला प्रशासन कार्यालय डडेल्धुराले जिल्लाभर मदिराको बिक्रीवितरण, ओसार–पसार तथा सेवनामा पूर्णरूपमा रोक लगाइएको हो । आइतबार प्रमुख जिल्ला अधिकारी मोहनराज जोशीको अध्यक्षतामा बसेको बैठकले स्थानीय तह निर्वाचनलाई लक्षित गरेर मदिरा बिक्रीवितरणमा पूर्णरूपमा रोक लगाउने निर्णय गरेको प्रशासनले जनाएको छ । प्रशासनले आइतबार एक सूचना जारी गर्दै बैशाख ३० गते हुन गइरहेको स्थानीय तह निर्वाचनलाई स्वच्छ, स्वतन्त्र, निष्पक्ष, भयरहीत र विश्वसनीय वातावरणमा सम्पन्न गर्नका लागि सोमबारदेखि निर्वाचन परिमाण घोषणा नहुन्जेलसम्म मदिरा बिक्रीवितरण र सेवनमा पूर्णरूपमा रोक लगाइएको प्रजिअ जोशीले बताए । यदि कसैले यसविपरित गरेको पाइए प्रचलित…

दार्चुला- दुई नगरपालिका तथा सात वटा गाउँपालिका रहेको दार्चुलामा स्थानीय तहको निर्वाचनका लागि निर्वाचन सामाग्रीसहित मतदान अधिकृत र कर्मचारी खटिन थालेका छन् । टाढाका मतदान केन्द्रमा खटिएका मतदान अधिकृत र कर्मचारीले निर्वाचन सामाग्री बुझेर खटिएका हुन् । आइतबारदेखि मतदान अधिकृतले निर्वाचन सामाग्री आफ्नो जिम्मेवारीमा लिएर गएको जिल्ला निर्वाचन अधिकारी प्रदीपसिह धामीले बताए । टाढाका स्थानीय तहका मतदान केन्द्रमा खटिएका मतदान अधिकृतलाई पहिलो प्राथमिकतामा राखेर निर्वाचन सामाग्री बुझाइएको धामीले बताए । जिल्लामा ११० मतदानस्थल र १३९ मतदान केन्द्र छन् । निर्वाचन अधिकृत र सहायक मतदान अधिकृतको लागि दुई दिन अभिमुखीकरण कार्यक्रम गरेर उनीहरु आफ्नो मतदान केन्द्रमा खटिन थालेको धामीको भनाई छ…

दार्चुला- दार्चुलाको सबैभन्दा विकट क्षेत्र रहेको व्याँस गाउँपालिका वडा नम्बर १ को छांगरु र तिंकरमा हेलिकप्टरमार्फत निर्वाचन सामग्री र सुरक्षाकर्मी पठाइने भएको छ । छांगरु र तिंकरमा सुरक्षाकर्मी लैजान सोमबार हेलिकप्टर आउन लागेको हो । नेपालतिर घोरेटोबाटो नहुँदा छांगरु र तिंकरमा सुरक्षाकर्मी हेलिकप्टरमार्फत पठाउन लागिएको जिल्ला प्रहरी प्रमुख डिएसपी प्रतीक विष्टले जानकारी दिनुभयो । हेलिकप्टरमार्फत तिंकरको लागि प्रहरी पठाइने छ । तिंकर प्रहरी गत मंसिरमा हिमपातपछि सदरमुकाम खलंगा झरेको थियो । तिंकरका स्थानीय सदरमुकाम खलंगाबाट बसाई सरेर गाउँ फर्किसकेका छन् ।हेलिकप्टरमार्फत छांगरु र तिंकरमा निर्वाचनको लागि खटिने कर्मचारी, मतपेटिका, मतपत्र तथा सुरक्षाकर्मीको खाद्यान्न ढुवानी गर्ने तयारी गरिएको छ ।

दार्चुला – दार्चुलामा आसन्न स्थानीय तह निर्वाचनलाई लक्षित गरेर निर्वाचन सुरक्षा रणनीति तयार पारिएको छ । जिल्लास्थित सुरक्षा निकायको समन्वयमा दार्चुलाका ११० मतदानस्थल र १३९ मतदान केन्द्रलाई लक्षित गरी मतदानअघि, मतदान र मतगणनासम्मको अवस्थालाई ध्यानमा राखेर सुरक्षा रणनीति तयार गरी कार्यान्वयनमा ल्याइएको जिल्ला प्रशासन कार्यालय दार्चुलाले जनाएको छ । जिल्ला प्रशासन कार्यालय दार्चुलाका अनुसार निर्वाचनमा नेपाल प्रहरी, सशस्त्र प्रहरी बल, राष्ट्रिय अनुसन्धान विभाग, म्यादी प्रहरी र नेपाली सेनासमेत परिचालन गर्ने गरी प्रभावकारी सुरक्षा योजना अनुसार परिचालन गरिएको प्रमुख जिल्ला अधिकारी दिर्घराज उपाध्यायले जानकारी दिनुभयो ।निर्वाचनलाई निष्पक्ष, स्वतन्त्र र भयरहित वातावरणमा सम्पन्न गराउनका लागि आवश्यक सुरक्षा रणनीति कार्यान्वयनमा ल्याएको प्रजिअ उपाध्यायले…

रुकुमपश्चिम– रुकुम पश्चिमको मुसिकोटमा काँग्रेस र माओवादीका कार्यकर्ताबीच झडप भएको छ । आपसी विवादका क्रममा दुई पक्षबीच झडप भएको हो । झडपका क्रममा १० जना घाइते भएको प्रहरी प्रधान कार्यालयले जनाएको छ । झडपमा दुबै पक्षका गरी १० जना घाइते भएको प्रहरी प्रवक्ता एसएसपी विष्णु केसीले बताए । अर्थमन्त्री जनार्दन शर्माको गृहजिल्लासमेत रहको रुकुम पश्चिमको मुसिकोटमा एमाले र काँग्रेसको गठबन्धन छ भने माओवादी केन्द्र र एकीकृत समाजवादी पार्टीबीच अर्को चुनावी गठबन्धन छ ।

काठमाडौँ- सरकारले स्थानीय तहको निर्वाचनका लागि सुरक्षार्थ खटिएका सुरक्षाकर्मीको मृत्यु भएमा निजका आश्रित परिवारलाई २० लाख रुपैयाँ आर्थिक सहायता उपलब्ध गराउने सरकारले निर्णय गरेको छ । आइतबार बिहान बसेको मन्त्रिपरिषद्को बैठकले निर्वाचन अवधिभर सुरक्षामा खटिने म्यादी प्रहरीसहित सुरक्षाकर्मीको मृत्यु भएमा निजका आश्रित परिवारलाई २० लाख रुपैयाँ आर्थिक सहायता उपलब्ध गराउने निर्णय गरेको गृहमन्त्रीको सचिवालयले जनाएको छ । उक्त सहायता नेपाली सेना, नेपाल प्रहरी, सशस्त्र प्रहरी बल नेपाल, राष्ट्रिय अनुसन्धान विभाग तथा म्यादी प्रहरीको हकमा लागू हुनेछ । त्यस्तै बैठकले निर्वाचनको क्रममा घाइते भएका सुरक्षाकर्मीको उपचारमा लागेको खर्च पनि सरकारले व्यहोर्ने निर्णय भएको छ । बैठकले हिमाली जिल्लामा खटिने म्यादी प्रहरीका…