काठमाडौं : भ्रष्टाचार मुद्दामा विशेष अदालत, काठमाडौंको फैसलाविरुद्ध सर्वोच्च अदालतमा पुनरावेदन मुद्दा दर्ता भएको छ। अख्तियार दुरुपयोग अनुसन्धान आयोगले विशेषको फैसला चित्त नबुझी शुक्रवार सर्वोच्चमा पुनरावेदन मुद्दा दायर गरेको हो। आयोगका प्रवक्ता नरहरि घिमिरेका अनुसार अख्तियार दुरुपयोग अनुसन्धान आयोगले खानी तथा भूगर्भ विभागका महानिर्देशक रामप्रसाद घिमिरेसहित २६ जनाविरुद्ध विशेष अदालतमा भ्रष्टाचार मुद्दा दायर गरेको थियो। एक अर्ब २४ करोड ३५ लाख २६ हजार ६४३ रुपैयाँ बराबरको राजस्व चुहावट गरेर भ्रष्टाचार गरेको कसुरमा घिमिरेसहितका व्यक्तिमाथि अख्तियारले मुद्दा दायर गरेको हो। यसैगरी, ९ सिमेन्ट तथा चुन ढुंगा कम्पनीका कम्पनीका ९ जना सञ्चालकलाई पनि भ्रष्टाचार मुद्दा दायर गरिएको थियो। मुद्दा दायर गरिएकाहरूलाई राजश्व…
Author: महेन्द्रनगर पोष्ट
टीकापुर : कैलालीको टीकापुर नगरपालिका-१ मा अवैध रूपमा सञ्चालित एक मेडिकलमा प्रहरीले छापा मारेको छ। टीकापुर–खक्रौला सडकखण्डमा रहेको न्यू आलोक ट्रेडर्सको भित्रपट्टी अवैध रूपमा सञ्चालित मेडिकलमा प्रहरीले छापा हानेको हो। नेपाल प्रदेश प्रहरी कार्यालय महेन्द्रनगरको टोलीले स्थानीय ४७ वर्षीय दुर्गाप्रसाद कुश्मीले सञ्चालन गरेको मेडिकलमा छापा हानेको हो। मेडिकलको बाहिर न्यू आलोक ट्रेडर्सका नाममा मदिरा तथा किराना पसल सञ्चालनमा छन्। मेडिकल दर्ता नभएको प्रहरीको दाबी छ। इलाका प्रहरी कार्यालय टीकापुरका प्रमुख डीएसपी विश्वराज अधिकारीले अवैध रूपमा सञ्चालनमा आएको मेडिकलमा प्रदेश प्रहरीको टोलीले छापा हानेको बताउँदै थप अनुसन्धान भइरहेको बताए।
धनगढी: पोखरा थन्डर्स शीर्ष स्थानमा रहँदै नेपाल सुपर लिग (एनएसएल) को क्वालिफायरमा पुगेको छ। आज शुक्रवार त्रिपुरेश्वरको दशरथ रङ्गशालामा भएको खेलमा पोखराले धनगढी एफसीसँग १–१ गोलको बराबरी खेल्यो। धनगढीका मिलन राईले खेलको ४२ औँ मिनेटमा गोल गर्दै अग्रता दिलाएका थिए। तर, धनगढीले अग्रता जोगाउन सकेन। खेलको इन्ज्युरी समयमा पोखराका मोसेस ग्याबाले गोल गर्दै खेल १–१ को बराबरीमा ल्याए। यो बराबरीसँगै पोखराले ८ खेलमा १५ अङ्क जोडेको छ। धनगढी ८ खेलमा १३ अङ्कसहित दोस्रो स्थानमा छ। धनगढीले उपविजेता बन्दै क्वालिफायर खेल्ने सम्भावना छ तर उसले अरू खेलको नतिजामा भर पर्नुपर्ने हुन्छ। ललितपुर सिटी एफसी, झापा एफसी, काठमाण्डौ रेजर्स एफसी र वीरगञ्ज…
काठमाडौं: प्रधानमन्त्री पुष्पकमल दाहाल प्रचण्डले तेस्रो पटक प्रधानमन्त्री भएर एक वर्ष कार्यकाल पुरा गरेको अवसरमा राष्ट्रका नाममा सम्बोधन गर्ने भएका छन्। जनतासँग माओवादी विशेष रूपान्तरण अभियान अन्तर्गत मोरङको मिक्लाजुङ गाउँपालिकामा शुक्रवार आयोजित जनसभालाई शुक्रवार सम्बोधन गर्दै प्रधानमन्त्री प्रचण्डले पुस १० गते राष्ट्रका नाममा सम्बोधन गर्ने बताएका हुन्।
काठमाडौं : टिकटकबाट चम्किएकी मोडल मिस पवि (पवित्रा साँकी) फिल्ममा डेब्यु गर्ने पक्का भएको छ। सविनकुमार तोलांगीको आगामी फिल्म ‘राजमहल’बाट उनी फिल्ममा डेब्यु गर्न लागेकी हुन्। फिल्मको घोषणा गर्न काठमाडौंमा आयोजित पत्रकार सम्मेलनमा मिस पविलाई धन्यवाद दिंदै फिल्ममा काम गर्न लागेको जानकारी दिए। पविसँगै अर्की टिकटकर सिम्रन पन्त पनि फिल्ममा डेब्यु गर्दै छिन्। ‘अहिलेसम्म सोसल मिडिया र म्युजिकमा मात्र काम गरेको थिएँ,’ पविले भनिन्, ‘मलाई आशा गरेर फिल्ममा लिनुभएको छ। राम्रो काम गर्न पाऊँ भन्नेमा आशावादी छु।’ अर्की टिकटकर सिम्रन पन्त यही फिल्मको लागि मुम्बईदेखि काठमाडौं आएकी छन्। टिकटकले दिलाएको लोकप्रियता देखेर निर्माताले फिल्ममा लिएकोप्रति उनले खुसी व्यक्त गरिन्। दरबारको…
काठमाडौं : बाल यौन दुर्व्यवहार आरोपमा पक्राउ गरी म्याद थपका लागि ल्याइएको एक आरोपित जिल्ला सरकारी वकिलको कार्यालय अगाडिबाट हतकडीसहित फरार भएका छन्। आरोपित छोटु हतकडीसहित फरार भएको सिरहा प्रहरी प्रवक्ता (डिएसपी) रविन्द्रराज पाण्डेले पुष्टि गरेका छन्। बाल यौन दुर्व्यवहार आरोपमा सदालाई बिहीबार लहान प्रहरीले पक्राउ गरी हिरासतमा राखेको थियो। शुक्रबार दिउँसो करिब ३ बजे म्याद थपका लागि जिल्ला सरकारी वकिलको कार्यालय सिरहा पुर्याइएको थियो। प्रहरीको भ्यानबाट तल ओराल्ने क्रममा सदा हतकडीसहित भागेको डिएसपी पाण्डेले बताए। उनको खोजी भइरहेको छ।
काठमाडौं : सहकर्मीमाथि झापड हान्ने संसद् सचिवालयका एक उपसचिवलाई स्पष्टीकरण सोधिएको छ। संसद् सचिवालयको कर्मचारी प्रशासन महाशाखाले सचिवालयमा कार्यरत उपसचिव रामप्रसाद गैरेलाई स्पष्टीकरण सोधेको हो। गैरेले सहकर्मी रहेकी शाखा अधिकृत महिला कर्मचारीलाई झापड हानेका थिए। गत मङ्सिरमा संसद् सचिवालयले प्रकाशन गरेको एक प्रतिवेदनमा आफ्नो नाम छुटाएको झोकमा उनले महिला सहकर्मीलाई झापड हानेका थिए। स्पष्टीकरणमा उनले आफ्नो गल्ती भएको स्वीकार गर्दै माफी मागेका छन्। उनीमाथि विभागीय कारबाही गर्ने तयारी रहेको कर्मचारी प्रशासन महाशाखा प्रमुख डा. रोजनाथ पाण्डेले जानकारी दिए। गैरेलाई सङ्घीय संसद् सचिवालय ऐन २०६४ को दफा ८३ अनुसार २ वर्षसम्म बढुवा रोक्का वा ५ ग्रेड तलब वृद्धि रोक्का मध्ये कुनै…
धनगढी : सुदूरपश्चिम प्रदेशको प्रदेश लोक सेवा आयोगले सोमबार प्रदेश निजामति सेवा एघारौं तहका प्राविधिक पदहरुको ज्येष्ठता र कार्य सम्पादन मूल्याङकनद्धारा गरिने बढुवाको लागि सूचना प्रकाशित गरेको छ। उक्त सूचनामा हेल्थ एजुकेशन समुहको ११औं तहको लागि १, पब्लिक हेल्थ एडमिनिस्ट्रेशनको १ , प्याथोलोजि तथा जनरल प्याथोलोजि समुहको १ र हेल्थ इन्सपेक्सन समूहको १ जनाको आन्तरीक बढुवाको लागि सूचना प्रकाशित गरेको छ। त्यसैगरी, प्रमुख मेडीकल कन्सल्टेन्ट स्वास्थ्य जनरल हेल्थ सर्भिसेजमा ३, प्रमुख कन्सल्टेन्ट जनरल फिजिसियन स्वास्थ्य मेडीसिन जनरल मेडीसिनमा २, प्रमुख कन्सल्टेन्ट अब्सट्रेटिसियन एण्ड गाइनोकोलोजिष्ट स्वास्थ्य अब्सट्रेटिसियन गाइनोकोलोजिमा २, प्रमुख कन्सल्टेन्ट सर्जन स्वास्थ्य सर्जरी जनरल सर्जरी मा १ र प्रमुख कन्सल्टेन्ट…
डडेल्धुरा : डडेल्धुरा अस्पतालमा कार्यरत डा. असिम पाण्डेयले भोलिदेखि गाउँ गाउँमा गएर स्वास्थ्य परामर्श दिने भएका छन्। हप्ताको एक दिन निःशुल्क स्वास्थ्य परामर्शका लागि उनी गाउँ गाउँमा जाने भएका हुन्। उनले दिने यो सुविधा अमरगढी नगरपालिका बासीले मात्रै पाउने भएका हुन्। पहिलो चरणमा उनी भोलि अमरगढी नगरपालिका–२ र ३ मा निः शुल्क परामर्श दिने छन्। जाडोयाम बढेसँगै ७० वर्ष उमेरमाथिका ज्येष्ठ नागरिकहरुको स्वास्थ्यलाई मध्यनजर गर्दै स्वास्थ परामर्श सेवा प्रदान गर्न लागेको डाक्टर पाण्डेयले बताए। उनले भोलि बिहान ११ बजेदेखी आइत, जोशीना गाउँका सेवाग्राहीका लागि भट्टनगर नजिक कैलपाल मन्दिर चौरमा र दिउँसो १ बजेदेखी काँडे र हाटिगाउँ लगायतका नजिकका सेवाग्राहीका लागि…
धनगढी : संघिय मामिला मन्त्रालयबाट पालिकामा आउने प्रमुख प्रशासकीय अधिकृत र जनप्रतिनिधिबिच विवाद भइरहेको हुन्छ। कतै जनप्रतिनिधिले राम्रो गर्न खोज्दा हाकिम असहयोगी बन्दा विवाद भने कतै हाकिमले राम्रो गर्न खोज्दा जनप्रतिनिधिका निजी स्वार्थ हाबी हुँदा समस्या। यस्तै समस्या अछामको जयगढ बान्नीगढी गाउँपालिकामा देखिएको छ। सुशासनको सुरुवात गराउने भनेर अनियमिततामा रमाएको आरोप लागेका पालिका अध्यक्ष टेकबहादुर साउँद र उपाध्यक्ष विन्दु रावलको अभिलाषा पूर्ती नहुँदा कार्यकारीको सरुवा गराइएको छ। हालै सरुवा भएका प्रमुख प्रशासकीय अधिकृत प्रकाश ढुंगानाको बिना कारण सरुवा गराइएको पाइएको हो। गाउँपालिकामा चोरबाटोबाट अनियमितता गर्ने भन्ने आरोप खेपेका अध्यक्ष-उपाध्यक्षलाई कार्यपालिका कार्यालयका तत्कालीन हाकिम ढुंगानाको व्यवहार मन नपर्दा सरुवा भएको स्रोतको…