धनगढी: सुदूरपश्चिम प्रदेशमा प्रमुख प्रतिपक्षी दल नेपाली कांग्रेस सरकारसँग फायर बनेको छ। सुदूरपश्चिम सरकारले अगामी आर्थिक वर्षका लागि ल्याएको बजेटमा आफ्नो बार्गेनिङ काम नगरेको र आफ्ना योजना नपारेको भन्दै काँग्रेस फायर बनेको हो। सरकारका मुख्यमन्त्री दीर्घबहादुर सोडारीसँग प्रत्यक्ष निर्वाचित प्रदेश सभा सदस्यका चार करोड र समानुपातिक प्रदेश सभा सदस्यका दुई करोड बराबरका योजना बजेटमा समेट्ने समझदारी बनेपनि कार्यान्वयन नभएको काँग्रेसको दाबी छ। सोमबार धनगढीस्थित प्रदेश सभा परिसरमा पत्रकार सम्मेलनको आयोजना गर्दै कांग्रेसले सरकारले समझदारी कार्यान्वयन नगरेको भन्दै असन्तुष्टि प्रकट गरेको हो। ‘सुरुमा हामीले मुख्यमन्त्रीलाई सांसदको सिफारिसमा १० करोड बराबरको योजना बजेटमा पानुपर्छ भनेर प्रस्ताव गरेका थियौँ,’ कांग्रेसका प्रमुख सचेतक बिक्रम…
Author: महेन्द्रनगर पोष्ट
काठमाडौं: नेपाल टेलिकमको नेटवर्कमा फोन नलाग्ने समस्या देखिएको छ। सोमबार अपराह्न साढे चार बजेतिर टेलिकमको नेटवर्कभित्र फोन नलाग्ने समस्या देखिएको हो। सो समस्या अहिले पनि जारी छ। तर समस्याको कारण भने खुलेको छैन। सेवामा समस्या आएकोबारे टेलिकमले वेबसाइट र सामाजिक सञ्जालमा समेत कुनै जानकारी दिएको छैन।
धनगढीः कैलालीका अत्तरियामा बिग्रेको सिसिटीभीको मर्मत गरिएको छ। इलाका प्रहरी कार्यालय मालाखेती अन्तर्गत पर्ने राजमार्ग र बजार क्षेत्रमा जडान गरिएका सिसिटीभीको मर्मत गरिएको हो। जडान गरिएका तर बिग्रिएका सिसिटीभीको सुदूरपश्चिम प्रदेश प्रहरी कार्यालय धनगढीबाट प्राविधिक प्रहरी वरिष्ठ नायव निरीक्षक उद्धवराज भट्टको कमाण्डमा खटिएको प्रहरी टोलीले मर्मत गरेको बताइएको छ। जसमा १३ थान सिसिटीभीको मर्मत गरेर सञ्चालनमा ल्याइएको प्रहरीले जनाएको छ।
धनगढी: धनकुटा जिल्ला अस्पतालमा कार्यरत ल्याब असिस्टेन्ट अर्जुन मेहताले देहत्याग गरेका छन्। सुनसरीको देवानगञ्ज गाउँपालिका-६ घर भएका २८ वर्षीय मेहताले पत्नीबाट धोका पाएको भन्दै देहत्याग गरेका हुन्। केही दिनका लागि बिदामा घर गएका उनी ८ गतेका दिन बिहान मृत अवस्थामा भेटिएका थिए। सुनसरीका प्रहरी उपरीक्षक विपिन रेग्मीले घटनाको अनुसन्धान भैरहेको जनाएका छन्। मृतक कोशी प्रदेश जनस्वास्थ्य प्रयोगशालामा दरबन्दी भइ धनकुटा जिल्ला अस्पतालमा २०७८ कात्तिकदेखि कार्यरत थिए। स्रोतकाअनुसार उनी करिब चार वर्षयता एक युवतीसँग प्रेम सम्बन्धमा थिए। त्यसपछि उनले हालै विवाह पनि गरे। तर पछिल्लो समय युवतीका आफन्तले पैसाका लागि बार्गेनिङ गरेको र डिमान्ड पूरा नगरे मुद्दा हाल्ने धम्की दिएपछि उनीहरुबीच…
काठमाडौं : नेपाल प्रहरीमा प्रहरी अतिरिक्त महानिरीक्षक (एआईजी) दीपक थापालाई निमित्त आईजीपीको जिम्मेवारी दिइएको छ। उता सशस्त्र प्रहरी बल नेपालमा भने नारायणदत्त पौडेललाई निमित्तको जिम्मेवारी दिइएको छ। प्रहरी महानिरीक्षक (आईजीपी) बसन्तबहादुर कुँवर र सशस्त्र प्रहरी महानिरीक्षक राजु अर्याल यूएनकप्स समिटमा सहभागी हुन आज (सोमबार) अमेरिका प्रस्थान गरेपछि थापा र पौडेललाई कार्यवाहकको जिम्मेवारी दिइएको हो। उनीहरुले प्रधान कार्यालयको दैनिक प्रशासनिक कामकाजको जिम्मेवारी सम्हाल्नेछन्। गृहसचिव एक नारायण अर्याल नेतृत्वको ५ सदस्यीय नेपाली प्रतिनिधि मण्डल संयुक्त राष्ट्रसंघको प्रधान कार्यालय अमेरिकाको न्यूयोर्कमा असार १२ देखि १३ सम्म संचालन हुने चौथो युनाइटेड नेशन्स चिफ्स अफ पोलिस समिट (यूएनकप्स) मा सहभागी हुन सोमबार त्यसतर्फ प्रस्थान गरेको…
धनगढी : बझाङको बित्थडचिर गाउँपालिकाले झण्डै ३० लाखको खाजा मात्रै खाएको छ । २३ लाखमात्रै आम्दानी रहेको बित्थडचिरमा एक बर्षमा ३० लाखको खाजा मात्रै खाएको महालेखाले पुष्टि गरेको छ । बित्थडचिरमा आर्थिक बर्ष २०७९/०८० मा २३ लाख ५३ हजार १४४ आन्तरिक आम्दानी हुदाँ २४ लाख ९९ हजार ९९१ को खाजा तथा खानामा खर्च गरेको छ । त्यस बाहेक पालिकाको सभा सञ्चालनको नाममा ५ लाख खर्च गरेको छ । यसरी मनोमानी ढंगले गरेको खर्चलाई अनियमिता भएको भन्दै खर्च अनुपातमा मितव्ययी हुनुपर्ने ठहर गरेको छ । गाउँपालिकाले आन्तरिक आयको १ सय २७ प्रतिशत बढी खाजामा खर्च गरेको हो । महालेखा परिक्षकको प्रतिवेदनमा…
धनगढी : धनगढीको लक्ष्मीनारायण मन्दिरले ज्येष्ठ नागरिक मुक्तिनाथ धार्मीक भ्रमण कार्यक्रममा उपमहानगरपालिकाबाट १६ लाख ७५ हजार ७२० रुपैयाँ लिएको पाइएको छ तर मन्दिरले उपमहानगरपालिकालाई खर्चको बिल नबुझाउँदा महालेखापरीक्षकको कार्यालयले प्रश्न उठाएको छ। लक्ष्मीनारायण मन्दिर सञ्चालक समितिले १६ लाख ७५ हजार भुक्तानी लिएको प्रतिवेदनमा उल्लेख छ। मन्दिर सञ्चालक समितिले भ्रमणका क्रममा गाडीमा इन्धन प्रयोग गरेको भनि ६ लाख ८६ हजार रकम दाबी गरि भुक्तानी लिएको तर खर्चलाई पुष्टि गर्ने इन्धनको बिल पेश नगरेको देखिएको भनिएको छ। महालेखाले पालिकाले उक्त खर्च पुष्टि गर्ने बिल पेश गर्नुपर्ने अन्यथा असुल गर्नुपर्ने रकम भनि उल्लेख गरेको छ।
काठमाडौं: नेपाल प्रहरीका प्रहरी नायब महानिरीक्षक (डीआईजी) पोषराज पोखरेल प्रहरी अतिरिक्त महानिरीक्षक (एआईजी) मा बढुवा सिफारिस भएका छन्। सोमबार बसेको बढुवा समितिको बैठकले पोखरेललाई एआईजीमा बढुवा सिफारिस गरेको हो। बढुवाका सिफारिस सूची प्रहरी नियमावली,२०७१ (संशोधन सहित) को नियम २७ को उपनियम (४) अनुसार प्रकाशित गरिएको छ। उनी काठमाडौं उपत्यका ट्राफिक प्रहरी कार्यालयमा कार्यरत छन्। असार २० गते अवकास हुने पोखरेल असार १९ पछि खाली हुने एआईजीका लागि बढुवा सिफारिस भएका हुन्। असार १९ मा एआईजी उमेशराज जोशीले अनिवार्य अवकाश लिएसँगै खाली हुने पदमा उनी बढुवा सिफारिस भएका हुन्। उनै १ दिने एआईजी अवकाशमा गएपछि असार २१ मा बुद्धिराज गुरुङलाई एआईजीमा…
काठमाडौँ : सरकारले निलम्बित मुख्य सचिव बैकुण्ठ अर्याललाई राष्ट्रिय योजना आयोगमा विशेष पद सिर्जना गरेर सरुवा गरेको छ । मन्त्रिपरिषद् बैठकले अर्यालले राजीनामा नदिएपछि उनलाई विशेष पद सिर्जना गरेर योजना आयोगमा लगेको हो । सोमबार बसेको मन्त्रिपरिषद्को बैठकले अर्याललाई योजना आयोगमा विशेष पद सिर्जना गरेर सरुवा गरेको सरकारको प्रवक्ता रेखा शर्माले जानकारी दिइन् । निमित्त मुख्यसचिवको जिम्मेवारी लिलादेवी गड्तौलालाई दिने मन्त्रिपरिषद बैठकले निर्णय गरेको छ। प्रधानमन्त्री तथा मन्त्रिपरिषद कार्यालयमा रहेका वरिष्ठ सचिवहरूमध्येबाट गड्तौलालाई निमित्त मुख्यसचिवको जिम्मेवारी दिइएको हो। अर्याल भने आइतबार स्वत: मुख्यसचिव पदबाट निलम्बनमा परेका थिए। अख्तियार दुरुपयोग अनुसन्धान आयोगले बहालवाला मुख्यसचिव वैकुण्ठ अर्यालविरुद्ध आइतबार भ्रष्टाचारको मुद्दा दायर गरेको…
धनगढी : नेपाल प्रहरी र सशस्त्र प्रहरी बल नेपालका कर्मचारीले दुई महिनादेखि तलब नपाएको देखिएको छ। अर्थ मन्त्रालयले समयमै बजेट निकासा नगरेपछि ताब रोकिएको बताइएको छ।उनीहरूले बैशाख र जेठ महिनाको तलब नपाएको बताइन्छ। जोखिमपूर्ण पेशामा आवद्ध प्रहरीलाई नियमित तलब नआउँदा दैनिकीमै समस्या आएको बुझिएको छ। देशभर प्रहरी प्रधान कार्यालय, विभिन्न तालिम केन्द्र र प्रहरी कार्यालयका गरी प्रहरीले तलब पाउन नसकेका हुन्। तर नेपाल प्रहरीका प्रवक्ता डीआईजी दानबहादुर कार्कीले तलब नियमित पाइरहेको दाबी गरेका छन्। नेपाल प्रहरीमा झण्डै ८० हजारको दरबन्दी छ। प्रहरीमा सबैभन्दा थोरै रिक्रुटले २१ हजार ४८० रुपैयाँ तलब पाउँछन् भने आईजिपीले ७२ हजार ८२ रुपैयाँ प्राप्त गर्छन्।