धनगढी : धनगढीमा भारतबाट अवैध रुपमा ल्याइएको सामान बरामद गरिएको छ । शुक्रबार दिउँसो जिल्ला प्रहरी कार्यालयका प्रहरी नायब निरीक्षक गजेन्द्रबहादुर चन्द नेतृत्वको टोलीले धनगढी उप–महानगरपालिका–९ मसानघाट नजिकबाटे सवा दुई लाखको अवैध सामान बरामद गरेको प्रहरीले जनाएको छ । जिल्ला प्रहरी कार्यालयका प्रवक्ता प्रहरी नायब उपरीक्षक (डीएसपी) कविन्द्रसिंह बोहोराले भारतबाट भन्सार छली ल्याएको अन्दाजी मुल्य दुई लाख १४ हजार ८७० रुपैयाँको सामान बरामद गरिएको जानकारी दिए । उनकाअनुसार ५९ पिस सेन्डो २७ तन्ना, ७४ कट्टु २४ भाईरल सारी लगायतका सामान वेवारिसे अवस्थामा बरामद गरिएको थियो । बरामद गरिएका सामान आवश्यक कारवाहीका लागि कैलाली भन्सार कार्यालय बुझाइएको प्रहरीले जनाएको छ ।
Author: महेन्द्रनगर पोष्ट
काठमाडौं: भारतीय खुफिया एजेन्सी ‘रअ’का तत्कालीन नेपाल चिफ राघव भट्नागर फिर्ता भएका छन्। उनी आजमात्रै काठमाडौं छोडेर नयाँ दिल्ली फर्केका हुन्। स्रोतका अनुसार उनी आज नेपाल एअरलाइन्सको जहाजबाट दिउँसो दिल्ली उडे। उनको स्थानमा यस अगाडिको सातामात्रै अंशुल शर्मालाई पठाइएको थियो। नेपालमा सरकार फेरबदल र राजनीतिक उथलपुथलकै बेला शर्मा नेपाल पसेका थिए। आजै नेपाली काँग्रेस र एमालेको नयाँ समीकरणसहित अर्को सरकार गठन प्रक्रिया प्रारम्भ भएको र नेकपा माओवादी केन्द्रका अध्यक्ष पुष्पकमल दाहाल प्रचण्ड नेतृत्वको सरकार ढलेको छ। यहीँ क्रममा भट्नागर स्वदेश फर्केका हुन्। यसअघि २०७८ वैशाखमा राजनीतिक संकट चुलिएका बेला अभिजित हल्दरको ठाउँमा भट्नागर काठमाडौं आएका थिए। उनी २०७८ बैशाखमा नयाँ…
कञ्चनपुरः कञ्चनपुरमा बेपत्ता भएका युवक मृत अवस्थामा फेला परेका छन्। जिल्लाको बेलडाँडीस्थित चौधर नदीमा आएको बाढीमा बेपत्ता भएका युवक चौधर नदी बगरमा मृत अवस्थामा फेला हुन्। असार २३ गते बेलडाडी गाउँपालिका–३ वैवाहका २३ वर्षीय डम्बर चौधरी चौधर नदी तर्ने क्रममा बेपत्ता भएका थिए। चौधरीको ५ दिनपछि चौधर खोलाकै नदी बगरमा हिजो (बिहीबार) शव फेला परेको बेलडाडी गाउँपालिका वडा नम्बर ३ का वडाध्यक्ष दुर्गा चौधरीले बताए। यस्तै कैलालीमा पनि एक जना मृत अवस्थामा फेला परेका छन्। जिल्लाको घोडाघोडी नगरपालिका–१ बेलारका ६० वर्षीय मानबहादुर धामी डोडा नदीमा शुक्रबार मृत अवस्थामा फेला परेका हुन। यस बिषयमा थप अनुसन्धान भइरहेको प्रहरीले जनाएको छ।
काठमाडौं: प्रधानमन्त्री पुष्पकमल दाहाल प्रचण्ड पदमुक्त भएका छन्। आज प्रतिनिधिसभाबाट विश्वासको मत नपाएसँगै उनी पदमुक्त भएका हुन्। नेकपा एमालेले समर्थन फिर्ता लिँदै सरकार छोडेपछि प्रधानमन्त्री अल्पमतमा परेका थिए। त्यसपछि उनले संसदमा आज राखेको विश्वासको मतसम्बन्धी प्रस्ताव बहुमतले अस्वीकार भयो। २७५ सदस्यीय प्रतिनिधि सभामा बहुमतका लागि १३८ मत चाहिन्छ। तर, प्रधानमन्त्री प्रचण्डको पक्षमा ६३ र विपक्षमा १९४ मत पर्यो। त्यस्तै, मत दिन्न भन्नेमा १ मत परेको छ। आज २५८ जना सांसद मतदान प्रकृयामा सहभागी भएका थिए। २०७९ साल पुस १० गते प्रधानमन्त्री नियुक्त भएका प्रधानमन्त्री प्रचण्डले आज पाँचौँ पटक विश्वासको मत लिएका थिए।
काठमाडौं : प्रधानमन्त्री पुष्पकमल दाहाल प्रचण्डले आज सरकारी निवास बालुवाटार छाड्ने छन्। स्रोतका अनुसार उनले दिउँसो ४ बजे बालुवाटारबाट निस्कने बताएका छन् । प्रधानमन्त्रीले आज बिहान ११ बजे बस्ने प्रतिनिधिसभाको बैठकमा विश्वासको मत लिँदै छन् । नेपाली काँग्रेस र एमालेले गत सता नयाँ समीकरण बनाउने सहमति गरेपछि प्रधानमन्त्रीले संसदमा विश्वासको मत लिन लागेका हुन्। प्रधानमन्त्रीलाई आफ्नै पार्टी नेकपा माओवादी केन्द्रका ३२, रास्वपाका २१ र एकीकृत समाजवादीका १० सांसदले मात्रै विश्वासको मत दिने अवस्था बनेको छ । उनको विपक्षमा दुई तिहाई बढी मत हुने भएकाले आजै अपरान्ह राष्ट्रपति रामचन्द्र पौडेलले नयाँ सरकार गठनका लागि आह्वान गर्ने काँग्रेस एमालेका नेताहरुले बताएका छन्…
काठ्माडौं : चितवनको नारायणघाट–मुग्लिङ्ग सडकखण्डमा लेदोसहितको पहिरो खस्दा बगेको बसमा सवार केही यात्रुको विवरण सार्वजनिक भएको छ । गएराति ३ बजेदेखि भएको अविरल वर्षाका कारण पहिरो जाँदा त्रिशुलीमा बगेको बागमती प्रदेश ०३–००६ ख १५१६ नम्बरको एन्जल डिलक्स बसमा सवार दुई दर्जनमध्ये डेढ दर्जन यात्रुको विवरण प्राप्त भएको हो । तर, यात्रुको पुरा नाम र ठेगाना भने खुल्नसकेको छैन् । उक्त बसमा आधा दर्जन भारतीय नागरिक पनि सवार रहेको पाइएको छ । बसको साहु राजेन्द्र केसी र चालक जवाहिर महतो बेपत्ता छन् । त्यस्तै, सहचालकको पूरा विवरण खुलेको छैन् । अरबिन्द दुवे, हरिन्द्र पण्डित, प्रमानन्द जी, हृदयनारायण राउत, सालिम मिया, रैजुल…
काठ्माडौं : प्रधानमन्त्री पुष्पकमल दाहालले आफूलाई नेपाली काँग्रेस र नेकपा एमाले पश्चगामी सोच लिएर मिलेको दाबी गरे। प्रतिनिधि सभामा विश्वासको मत माग्नेक्रममा उनले त्यस्तो टिप्पणी गरेका हुन । संसदको पहिलो र दोश्रो ठूलो दललाई आपसी विश्वासले नभई डरले जोडेको प्रधानमन्त्रीको जिकिर छ । प्रधानमन्त्री प्रचण्डले पहिलो र दोस्रो दललाई विश्वास र आदर्शले नभई सुशासनको त्रासले जोडेको बताए । उनले झुट र कुतर्कको सहारा र मध्यरात किन चाहियो भन्दै प्रश्न गरे ।
काठमाडौँ : नेपाल प्रहरीका एसएसपी दिपक रेग्मीलाई प्रहरी कार्यालय नक्सालमा उजुरी परेको छ । एसएसपी रेग्मीले केही समय अगाडि महिलासँग गरेको भिडियो वार्ता यतिबेला सामाजिक सञ्जालमा छरपष्ट छ । सोही विषयलाई लिएर महिलाका श्रीमान दीपक थापाले असार २५ गते उजुरी हालेका हुन् । उजुरीमा भनिएको छ ,’प्रहरी वरिष्ठ उपरीक्षक दीपक रेग्मीले मेरी श्रीमती मञ्जु क्षेत्रीसँग गैरकानूनी रुपमा अनैतिक सम्बन्ध राखी आफ्नो पदको दुरुपयोग गरी मलाई जबरजस्ती करणीको झुट्टा मुद्दा दर्ता गराएका छन् । मेरो आमालाई ६४ लाखको घर खर्च चलाउन ल्याएको भनि झुट्टा तमसुक गराई ऋणको झुट्टा मुद्दामा फसाएका छन् ।’साथै, थापाले आफूलाई आधारहीन आरोप लगाएर आफ्नो प्रतिष्ठामा नै धक्का पुर्याएको उल्लेख गर्दै भनेका छन्…
धनगढी: धनगढीबाट काठमाडौंका लागि उडान भरेको जहाज फिर्ता भएपछि यात्रुहरुले सास्ती भोगेका छन्। हिजो (बिहीबार) ५ :२५ मा धनगढीबाट काठमाडौंका लागि उड्नुपर्ने बुद्धको २५६ उडान नम्बरको जहाज ढिलोगरी उडेको थियो। धनगढीबाट डिले भएर ८ बजे उडेकोमा सो जहाज काठमाडौं नपुगेरै फिर्ता आएको थियो। धनगढी विमानस्थल स्रोतका अनुसार हिजो मौसम खराबीको कारण सो जहाज सुर्खेत नजिकबाट फिर्ता भएर धनगढी नै बसेको थियो। ढिलोगरी उडेको जहाज पुनः फिर्ता आउँदा यात्रुहरु भने भयवित बनेका थिए। सो जहाज आज बिहान भने यात्रु बोकेर काठमाडौं पुगेको बताइएको छ। बुद्धकै जहाज हिजोमात्र गौतमबुद्ध अन्तर्राष्ट्रिय विमानस्थलमा अवतरणका क्रममा चिप्लेर रनवे बाहिर पुगेको थियो। राति ९ बजेको समयमा…
काठमाडौं: नारायणगढ–मुग्लिन सडक खण्डमा आएको लेदोसहितको पहिरोले दुइटा यात्रु बस बगाएको छ। सिमलतालमा गएको पहिरोले आज बिहान साढे ३ बजेतिर दुईवटा यात्रुवाहक बस बगाएर त्रिशुली नदीमा पुर्याएको छ। चितवन जिल्ला प्रहरी कार्यालयका अनुसार वीरगञ्जबाट काठमाडौँ गइरहेको एन्जल बसमा २४ जना र काठमाडौंबाट गौर आइरहेको गणपति डिलक्समा ४१ जना यात्रु सवार थिए। नजिकैको सत्र किलोमा गएको पहिरोमा अर्को बसमा ढुंगा लाग्दा चालकको निधन भएको छ। नवलपरासीको सुनवल– ४ का चालक मेघनाथ विकको उपचारको क्रममा ज्यान गएको हो। अहिले नारायणगढ–मुग्लिन सडकखण्डको सिमतालमा पहिरोले बगाएका बसका यात्रुको त्रिशूली नदीमा खोजी सुरु भएको छ। सशस्त्र प्रहरी बल, सेना र प्रहरीको गोताखोरसहितको टोलीले खोजी तथा…