चितवन- चितवन राष्ट्रिय निकुञ्जको मध्यवर्ती क्षेत्रमा बाघको आक्रमणबाट एक जनाको मृत्यु भएको छ । मृत्यु हुनेमा माडी नगरपालिका–९ बाँदरझुलाका ३९ वर्षीय सुरेश विक रहेका चितवन राष्ट्रिय निकुञ्जका सूचना अधिकारी गणेशप्रसाद तिवारीले जानकारी दिनुभयो । भरतपुर महानगरपालिका–२३ स्थित सो निकुञ्जको दोभान मध्यवर्ती सामुदायिक वनमा आइतबार साँझ विकलाई बाघले आक्रमण गरेको थियो । आफन्तको घरमा बस्दै आउनुभएका उनलाई घाँस काट्न जाने क्रममा बाघले आक्रमण गरेको निकुञ्जका सूचना अधिकारी तिवारीले बताउनुभयो । बाघको आक्रमणबाट विकको घटनास्थलमा नै मृत्यु भएको जनाइएको छ । विकको शव नजिकैको हरियाली सामुदायिक वनमा भेटिएको निकुञ्जले जनाएको छ ।-रासस
Author: महेन्द्रनगर पोष्ट
कैलाली- कैलालीको जानकी गाउँपालिका वडा नं ४ का दलबहादुर दर्लामी मगर यतिबेला जानकी – ६ स्थित कैलाशेश्वर सामुदायिक वनमा मौरी चराउन व्यस्त हुनुहुन्छ । व्यावसायिक मौरीपालन गर्दै आएका उहाँ मौरीका घार बोकेर सो वनमा जानुभएको हो । छ वर्षदेखि व्यावसायिक मौरीपालन गर्दै आउनुभएका उहाँ मौरीको आहारा खोज्दै कहिले खेतमा त कहिले विभिन्न सामुदायिक वनमा पुग्ने गर्नुहुन्छ । मौरीपालन व्यवसायबाट राम्रो आम्दानी हुन थालेपछि मौरीका घार ठाउँठाउँ पु¥याउन पनि उहाँलाई कुनै समस्या छैन । “मसँग धेरै मौरी त छैन । व्यवसायलाई विस्तारै बढाउँदै गएको छु ।” उहाँले भन्नुभयो, “मिहेनतअनुसार आम्दानी राम्रो छ । सिजनमा राम्रो आम्दानी हुन्छ । त्यहीँबाट आएको पैसाले…
काठमाडौं- देशमा हाल भारतको बिहार आसपास रहेको न्यून चापीय रेखाको सामान्य प्रभाव रहेको मौसम पूर्वानुमान महाशाखाले जनाएको छ। प्रदेश १ मा आंशिकदेखि सामान्य बदली रही देशको अन्य भू–भागमा मौसम सामान्यतया सफा रहेको छ। मौसम पूर्वानुमान महाशाखाका अनुसार सोमबार प्रदेश १, बागमती र गण्डकी प्रदेशको पहाडी भू–भागमा आंशिकदेखि सामान्य बदली रही अन्य भू–भागमा मौसम सामान्यतया सफा रहने छ। प्रदेश १, बागमती प्रदेश र गण्डकी प्रदेशको पहाडी भू–भागका थोरै स्थानहरूमा मेघ गर्जन/चट्याङसहित हल्का वर्षाको सम्भावना रहेको छ। मंगलबार प्रदेश १, बागमती र गण्डकी प्रदेशको पहाडी भू–भागमा आंशिकदेखि सामान्य बदली रही अन्य भू–भागमा आंशिक बदली रहने छ। प्रदेश १ को पहाडी भू–भागका केही…
सिन्धुपाल्चोक- सिन्धुपाल्चोकमा ग्यास सिलिन्डर पड्किएर आगलागी हुँदा जलेर तीन बालबालिकाको मृत्यु भएको छ। जिल्लाको बाह्रबिसे नगरपालिका–८ मानेश्वाँराको लामा टोलमा ग्यास सिलिन्डर पड्किएर आगलागी हुँदा जलेर तीन बालबालिकाको मृत्यु भएको हो। स्थानीयवासी मीनबहादुर तामाङको घरमा खाना पकाउने क्रममा आइतबार बेलुकी ७ बजेतिर ग्यास पड्किएको हो। त्यसपछि आगलागी हुँदा उनका छोरा १० वर्षका इशाक तामाङ, भाइ कुमार तामाङका ६ वर्षका छोरा सरगम तामाङ र छिमेकी पदम तामाङकी साढे २ वर्षकी छोरी दिव्या तामाङको जलेर मृत्यु भएको वडाध्यक्ष सुरज लामाले बताए। लामाका अनुसार आगोमा जलेर उनीहरूको घरभित्रै ज्यान गएको हो। मीनबहादुर घाइते छन्। उनलाई उपचारका लागि अस्पताल लगिएको छ। घटना आइतबार बेलुकी ७…
काठमाडौं- मुस्लिम धर्मावलम्बीको महान पर्व रमजान सुरु भएको छ । रमजान इस्लामिक क्यालेण्ड अन्तर्गतको एक महिना हो । यही महिनामा धार्मिक ग्रन्थ कुरआन अवतरण भएकाले यो महिनालाई सबैभन्दा पवित्र महिनाको रुपमा मानिन्छ । महिनाको सुरवातसँगै आइतबार पहिलो रोजा (ब्रत) अधिकांश मुस्लिमहरु बसे । इस्लामिक पात्रोका अनुसार हिजरी संवतको नवौं महिनालाई रमजानका रुपमा लिइन्छ । एक महिनासम्म चल्ने रमजानमा इस्लाम धर्मावलम्बीहरुले उपवास (व्रत) बस्नुपर्छ, जसलाई ‘रोजा’ भनिन्छ । रोजामा इस्लाम धर्मावलम्बीहरु बिहान सूर्य उदाएदेखि सुर्यास्त नहुँदासम्म प्रत्येक दिन एक महिनासम्म पानी समेत नखाइ ब्रत बस्ने गर्छन् । सूर्य उदाउनुभन्दा लगभग दुई घन्टा अगाडि केही खानेकुरा (सेहरि) खाई सुरु गरिएको (व्रत) रोजा…
डोटी-डोटीमा जीप दुर्घटना हुँदा २ जनाको मृत्यु भएको छ । पूर्वीचौकी साझघाटबाट गैरागाउँ जाँदै गरेको जीप दुर्घटना हुँदा २ जनाको मृत्यु भएको हो । मृत्यु हुनेमा खेम बोहरा र पुरण बोहरा रहेको जिल्ला प्रहरी कार्यालय डोटीले जनाएको छ। दुर्घटनामा परि ५ जना घाइते भएका छन्। घटनाको विस्तृत विवरण आउन बाँकी रहेको छ।
काठमाडौं-सशस्त्र प्रहरी परिचर (विभिन्न ट्रेड) पदको अन्तिम नतिजा प्रकाशन भएको छ। सशस्त्र प्रहरी बल नेपाल, भर्ना तथा छनोट शाखाले सशस्त्र प्रहरी परिचर (विभिन्न ट्रेड) पदको अन्तिम नतिजा प्रकाशन भएको जानकारी दिएको हो। NrkUYrZh3QfxAe0cEt94lADownload
कैलाली-धनगढीका मेयर नृप बहादुर वडको कार्यकालमा निर्माण भैरहेको धनगढी सिटी हलको प्रधानमन्त्री शेरबहादुर देउवाले उद्घाटन गर्ने भएका छन्। धनगढी उपमहानगरपालिका वडा नम्बर ८ स्थित निर्माण भैरहेको सिटी हलको उद्घाटन कार्यक्रम रहेको नेपाली काँग्रेस कैलाली सचिव नृपबहादुर सुनारले जानकारी दिए। प्रधानमन्त्री शेरबहादुर देउवा चैत २४ गते धनगढी आउँदैछन्। भूमिहीनलाई लालपूर्जा वितरणका लागि उनी यहाँ आउन लागेको नेपाली काङ्ग्रेस कैलालीले जानकारी दिएको छ।प्रधानमन्त्री देउवा विहान जहाजमार्फत धनगढी पुग्ने जनाइएको छ। संघीय सरकारको २५ करोड २६ लाख रुपैयाँ लगानीमा सिटी हल निर्माण कार्य पूरा भएको भएको छ ।ठूला सभा, सम्मेलन आयोजना गर्ने उद्देश्यका साथ धनगढी उपमहानगरपालिका–८ मा सिटी हल निर्माण गरिएको हो। सिटी…
कैलाली-कैलालीको धनगढीस्थित गेटा विमानस्थललाई अन्तर्राष्ट्रियस्तरको विमानस्थल बनाउनका लागि गृह कार्य सुरु भएको छ।संस्कृति, पर्यटन तथा नागरिक उड्डयनमन्त्री प्रेमबहादुर आलेको अध्यक्षतामा आज मन्त्रालयमा बसेको बैठकले अन्तर्राष्ट्रिय विमानस्थल बनाउन आवश्यक सल्लाह तथा सुझाव सङ्कलनका लागि समिति गठन गरेको छ। मन्त्रालयका सह–सचिव एवं प्रवक्ता डा टोकराज पाण्डेको संयोजकत्वमा गठित पाँच सदस्यीय समितिमा मन्त्रालयका उपसचिव टेकनारायण पौडेल सदस्य सचिव तथा पर्यटन बोर्डका निर्देशक हिक्मतसिंह ऐर, नागरिक उड्डयन प्राधिकरणका इञ्जिनीयर निलविक्रम थापा र विशेषज्ञका तर्फबाट सुरेन्द्र बोहरा सदस्य रहेको मन्त्रालयले जनाएको छ । उक्त समितिले गेटा विमानस्थललाई अन्तर्राष्ट्रिय विमानस्थल बनाउन स्थलगत अध्ययन गर्ने तथा सो क्षेत्रका स्थानीयवासी, नागरिक समाजलगायतसँग छलफल र परामर्श गरी प्रतिवेदन बुझाउने…
महोत्तरी-पूर्व प्रधानमन्त्री तथा नेकपा (माओवादी केन्द्र)का अध्यक्ष पुष्पकमल दाहाल ‘प्रचण्ड’ ले गत वर्ष असंवैधानिक तवरले संसद् विघटन गर्ने हर्कतलाई ठेगान लगाएको उल्लेख गर्दै आसन्न स्थानीय तह निर्वाचनले प्रतिगमनकारी झारपात सबै साफ गर्ने बताएका छन्। अध्यक्षले प्रतिगमनविरुद्धको खबरदारी जारी नै रहेको बताउँदै भने, ‘आसन्न स्थानीय तह निर्वाचनमा प्रतिगमनकारी जनताबाट पाखा लागेपछि आन्दोलनको एक चरण पूरा हुनेछ।’ बर्दिबास नगरपालिका-११ खयरमाराको सुन्दरबस्तीस्थित निर्मल लामा बहुप्राविधिक शिक्षालयको नवनिर्मित भवनको आज उद्घाटन गर्दै अध्यक्ष प्रचण्डले आसन्न स्थानीय तह निर्वाचनसम्म मात्र नभएर अब हुने संसदीय निर्वाचनसम्म प्रतिगमनविरुद्धको पाँच दलीय गठबन्धन कायम रहने स्पष्ट पारे। अध्यक्ष प्रचण्डले विगतमा आफू नेतृत्वको जनयुद्धताकाको ऐतिहासिक ठाउँ खयरमारा प्राविधिक शिक्षाको केन्द्र…